നെയ്യാറ്റിൻകര: ക്രിസ്‌തുനാഥൻ കഴുതപ്പുറത്ത്‌ സൈത്തിൻ കൊമ്പുകളും ജയ്‌വിളികളുമായി ജറുസലേമിലേക്ക്‌ നടത്തിയ രാജകീയ പ്രവേശനത്തിന്റെ അനുസ്‌മരണയിൽ ഇന്ന്‌ ദേവാലയങ്ങളിൽ ഓശാന ഞായർ ആചരിച്ചു. ഇതോടൊപ്പം പീഡാനുഭവ സ്‌മരണ പുതുക്കി വിശുദ്ധ വാരത്തിനും തുടക്കമായി.
നെയ്യാറ്റിൻകര ലത്തീൻ രൂപതയുടെ നേതൃത്വത്തിൽ നടന്ന ഓശാന ഞായർ തിരുകർമ്മങ്ങൾക്ക്‌ രൂപതാ ബിഷപ്‌ ഡോ. വിൻസെന്റ്‌ സാമുവൽ മുഖ്യ കാർമികത്വം വഹിച്ചു. രാവിലെ നെയ്യാറ്റിൻകര പരിശുദ്ധ മാതാവിന്റെ കുരിശടിയിൽ ബിഷപ്‌ കുരുത്തോല ആശീർവദിച്ചു തുടർന്ന്‌ ബസ്റ്റാന്റ്‌ ജംഗ്‌ഷൻ, ആലുമ്മൂട്‌ ജംഗ്‌ഷൻ, കോൺവെന്റ്‌ റോഡ്‌ വഴി കുരുത്തോല പ്രദക്ഷിണം ദേവാലയത്തിൽ സമാപിച്ചു.
തുടർന്ന്‌ നടന്ന ആഘോഷമായ ദിവ്യബലിക്കും ബിഷപ്‌ മുഖ്യകാർമികത്വം വഹിച്ചു. വികാരി ജനറൽ മോൺ. ജി. ക്രിസ്‌തുദാസ്‌, ഇടവക വികാരി മോൺ. വി. പി. ജോസ് തുടങ്ങിയവർ സഹകാർമ്മികരായി.
തെക്കൻ കുരിശുമല തീർത്ഥാടന കേന്ദ്രത്തിൽ കുരിശുമല റെക്‌ടർ മോൺ. വിൻസെന്റ്‌ കെ. പീറ്റർ മുഖ്യ കാർമികത്വം വഹിച്ചു.
തീർത്ഥാടന കേന്ദ്രങ്ങളായ കമുകിൻകോട്‌ വിശുദ്ധ അന്തോണീസ്‌ ദേവാലയത്തിൽ ഫാ. വൽസലൻ ജോസും വ്‌ളാത്താങ്കര സ്വർഗ്ഗാരോപിത മാതാ ദേവാലയത്തിൽ ഫാ. എസ്‌. എം. അനിൽകുമാറും മുഖ്യകാർമികത്വം വഹിച്ചു.
പേയാട്‌ സെന്റ് സേവ്യർ ദേവാലയത്തിൽ ഫാ. ജോയിസാബുവും മേലാരിയോട്‌ വിശുദ്ധ മദർതെരേസാ ദേവാലയത്തിൽ ഡോ. അലോഷ്യസും, മാറനല്ലൂർ സെന്റ് പോൾസ്‌ ദേവാലയത്തിൽ ഫാ. എ. ജി. ജോർജ്ജും, കൊപ്പം സെന്റ് സെബാസ്റ്റ്യൻ ദേവാലയത്തിൽ ഫാ. രതീഷ് മാർക്കോസും തിരുകർമ്മങ്ങൾക്ക്‌ നേതൃത്വം നൽകി.
അതേസമയം, പാറശാല മലങ്കര കത്തോലിക്കാ രൂപതാ ബിഷപ്‌ തോമസ്‌ മാർ യൂസേബിയൂസ്‌ പനച്ചമൂട്‌ സെന്റ് മേരീസ്‌ ദേവാലയത്തിൽ കുരുത്തോല ഞായർ തിരുകർമ്മങ്ങൾക്ക്‌ നേതൃത്വം നൽകി.
ആണ്ടുവട്ടത്തിലെ മുപ്പത്തിരണ്ടാം ഞായർ പത്ത് കന്യകമാരുടെ ഉപമയാണ് ഇന്നത്തെ ധ്യാനവിഷയം. ഈ ഉപമയിലെ കഥാപാത്രങ്ങളിൽ ആരും തന്നെ പൂർണമായും മാതൃകാപരമായവരല്ല.…
ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്‌സ്…
സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…
ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…
ആണ്ടുവട്ടത്തിലെ മുപ്പതാം ഞായർ ഒരൊറ്റ ക്രിയയിലാണ് കൽപ്പനകൾ മുഴുവൻ സംഗ്രഹിച്ചിരിക്കുന്നത്; സ്നേഹിക്കുക (Ἀγαπήσεις = Agapēseis). ഭാവിയിലേക്കാണ് അത് വിരൽചൂണ്ടുന്നത്.…
ആണ്ടുവട്ടത്തിലെ ഇരുപത്തിയൊമ്പതാം ഞായർ നമുക്ക് എപ്പോഴും ആരുടെയെങ്കിലും സ്വന്തമായിരിക്കേണ്ടതുണ്ട്. യേശുവിന് കാണിച്ചുകൊടുത്ത റോമൻ നാണയത്തെപ്പോലെ. അതിലെ രൂപവും ലിഖിതവും സീസറിന്റേതാണ്.…
This website uses cookies.
