ഒറ്റമശ്ശേരിയിലെ കടലിന്റെ മക്കൾക്ക് താൽകാലിക ആശ്വാസം…

ജോസ് മാർട്ടിൻ

ഒറ്റമശ്ശേരി: കടലാക്രമണം അതിരൂക്ഷമായ ആലപ്പുഴയിലെ ഒറ്റമശ്ശേരിയിലെ കടലിന്റെ മക്കൾക്ക് താൽകാലികമായെങ്കിലും ആശ്വാസം പകർന്ന്, കടൽ ഭിത്തി നിർമാണത്തിന്റെ പ്രാരംഭ ജോലികളുടെ ഭാഗമായി കല്ലുകൾ എത്തി തുടങ്ങി. ആലപ്പുഴ രൂപതാ സോഷ്യൽ ആക്ഷൻ ടീമിന്റെയും, കെ.സി.വൈ.എം. ആലപ്പുഴ രൂപതാ യൂണിറ്റിന്റെയും നേതൃത്വത്തിൽ നടന്നുവന്ന സമരങ്ങൾ വിജയം കണ്ടുതുടങ്ങുന്നു.

ആലപ്പുഴ രൂപതാ ബിഷപ്പ് ഡോ.സ്റ്റീഫൻ അത്തിപൊഴിയിലിന്റെയും, ആലപ്പുഴ സഹായ മെത്രാൻ ഡോ.ജെയിംസ് ആനാപറമ്പിലിന്റെയും ശക്തമായ ഇടപെടലുകൾ ആണ് ഇതിന്റെ പിന്നിലുണ്ടെന്ന് സമര സമിതി പറയുന്നു. കാരണം, സഹായ മെത്രാൻ ഡോ.ജെയിംസ് ആനാപറമ്പിൽ കടലാക്രമണത്തിൽ ഏറ്റവും കൂടുതൽ ദുരിതങ്ങൾ അനുഭവിക്കുന്ന ചെല്ലാനം, ഒറ്റമശ്ശേരി തുടങ്ങിയ പ്രദേശങ്ങളിൽ അരയൊപ്പം വെള്ളത്തിലൂടെ നടന്ന് ദുരിതമനുഭവിക്കുന്നവരുടെ വീടുകളിൽ ചെല്ലുകയു അവരെ ആശ്വസിപ്പിക്കുകയും ചെയ്തിരുന്നത് മാധ്യമ ശ്രദ്ധയാകര്ഷിച്ചിരുന്നും.

കൂടാതെ, ബിഷപ്പ് ഡോ.ജെയിംസ് ആനാപറമ്പിൽ ദുരിതമനുഭവിക്കുന്നവരുടെ പ്രശ്നങ്ങൾ തൽസമയം സർക്കാരിനെയും, ജില്ലാ ക്ളറ്ററേയും മാറ്റ് അധികാരികളെയും അറിയിക്കുകയും ചെയുന്നത്തിന് നിരതരമായി ശ്രദ്ധിച്ചിരുന്നു. അതുപോലെ തന്നെ, മെത്രാൻ വിളിച്ച് കൂട്ടിയ സർവകക്ഷിയോഗവും ഫലം കണ്ടിരുന്നു.