ആലപ്പുഴ രൂപതയിൽ യുവജനദിനാഘോഷവും, സമാധാന സന്ദേശ റാലിയും, സമാധാന പ്രതിജ്ഞയും

ജോസ് മാർട്ടിൻ

ആലപ്പുഴ: ആലപ്പുഴ രൂപത യുവജ്യോതി കെ.സി.വൈ.എം.ന്റെ നേതൃത്വത്തിൽ പുന്നപ്ര സെന്റ്.ജോസഫ് ഇടവകയിൽ രൂപതാ യുവജനദിനാഘോഷവും, സമാധാന സന്ദേശ റാലിയും സംഘടിപ്പിച്ചു. ആലപ്പുഴ രൂപതാ കെ.സി.വൈ.എം അംഗങ്ങൾ നേതൃത്വം നൽകിയ ദിവ്യബലിക്ക് യൂണിറ്റ് ഡയറക്ടർ ഫാ.ആൻസൺ കാർമ്മികത്വം വഹിച്ചു.

തുടർന്ന്, ഫൊറോനാ വികാരി ഫാ.പോൾ.ജെ. അറയ്ക്കൽ പതാക ഉയർത്തി യുവജന ദിനം ഉദ്ഘാടനം ചെയ്തു. സംസ്ഥാന സമിതി ആഹ്വാനം ചെയ്ത “സമാധാന നടത്തം” സന്ദേശ ജാഥയ്ക്ക് രൂപത പ്രസിഡന്റ് ശ്രീ.എം.ജെ.ഇമ്മാനുവൽ നേതൃത്വം നൽകി.

ജനറൽ സെക്രട്ടറി പോൾ ആന്റണി, ആനിമേറ്റർ സി.റീനാ തോമസ്, മേരി അനില, കെവിൻ ജൂഡ്, അഡ്രിൻ ജോസഫ്, അമല ജോസഫ്, വർഗ്ഗീസ് ജെയിംസ്, അനെറ്റ് സെബാസ്റ്റ്യൻ, വിനീത ലൂയിസ്, ടോം ചെറിയാൻ, ജെസ്ല പീറ്റർ, എൽറോയ്‌, ദീപക്, എന്നിവർ നേതൃത്വം നൽകി.

പുത്തൻകാട് ഇടവകയിൽ യുവജന ദിനാഘോഷവു സമാധാന പ്രതിജ്ഞയും

ആലപ്പുഴ രൂപതയിലെ പുത്തൻകാട് ഇടവകയിൽ യുവജന സമിതിയുടെ നേതൃത്വത്തിൽ യുവജന ദിനാഘോഷവും സമാധാന പ്രതിജ്ഞയും നടന്നു. ദിവ്യബലിയെ തുടർന്ന് പതാക ഉയർത്തി, സമാധാന പ്രതിജ്ഞ നടത്തി. തുടർന്ന്, ഫ്രാൻസിസ് പാപ്പയുടെ CHRISTUS VIVIT (ക്രിസ്തു ജീവിക്കുന്നു) എന്ന യുവജനങ്ങൾക്കുള്ള അപ്പസ്റ്റോലിക ആഹ്വാനം റവ.ഡോ.യേശുദാസ് കാട്ടുങ്കൽ തയ്യിൽ പരിചയപ്പെടുത്തി.