Categories: Articles

അപ്പോസ്തലന്മാരിലെ പ്രഥമ രകതസാക്ഷി വി.യാക്കോബ് അപ്പോസ്തലന്‍റെ തിരുനാളിൽ തീരത്തിന്‍റെ അപ്പോസ്തലിക സ്വരത്തിന് നാമഹേതുക തിരുനാൾ ആശംസകള്‍

നാമഹേതുക തിരുനാൾ ആശംസകള്‍...

ഫാ.ജോണ്‍സണ്‍ പുത്തന്‍വീട്ടില്‍

ആലപ്പുഴ രൂപതാ അധ്യക്ഷൻ ഡോ.ജെയിംസ് റാഫേൽ ആനാപറമ്പിൽ പിതാവിന്റെ നാമഹേതുക തിരുനാൾ ദിനമായ വിശുദ്ധ യാക്കോബ് അപ്പോസ്തലന്റെ തിരുനാൾ ദിനമാണ് ഇന്ന് (25/07/2020). “നിങ്ങൾ തീർച്ചയായും എന്റെ പാനപാത്രം കുടിക്കും” വിശുദ്ധ മത്തായി (20:23) തിരുവചനമാണ് ഇന്നത്തെ സന്ദേശം.

ഇതിനോടൊപ്പമുള്ള ചിത്രം 2017 ഡിസംബർ 8-ന് ആലപ്പുഴയുടെ സഹായ മെത്രാനായി പ്രഖ്യാപനം ഉണ്ടാകുന്നതിന് മുമ്പ് പിതാവ് പങ്കാളിയായ ചെല്ലാനത്തിനായുള്ള വൈദികരുടെ പ്രതിഷേധ സംഗമമാണ്. അന്നും ചെല്ലാനം അടങ്ങുന്ന പശ്ചിമകൊച്ചി പ്രദേശത്ത് കടൽ കയറ്റം ഉണ്ടായി. ജനങ്ങളുടെ ജീവിതം ദുരിതത്തിൽ ആയപ്പോൾ ആലപ്പുഴ-കൊച്ചി രൂപതയിലെ വൈദികർ ഒരുമിച്ച് ഉപസിച്ച് പ്രതിഷേധിച്ചതിന്റെ ചിത്രം.

ഇതിൽ പങ്കാളിയായി, അവിടെനിന്ന് ഇറങ്ങിയാണ് ‘രൂപതയുടെ പുതിയ ഇടയൻ’ എന്ന അഭിഷേക സ്ഥാനത്തിലേക്കുള്ള സഹായമെത്രാൻ പ്രഖ്യാപനം ജെയിംസ് പിതാവ് സ്വീകരിച്ചത്. തന്റെ സ്വദേശം കൂടി ഉൾപ്പെടുന്ന, ഇപ്പോൾ കടലും കോവിഡും ഒരുമിച്ച് ദുരിതത്തിലാക്കിയിരിക്കുന്ന പ്രദേശത്തെയും, ഒപ്പം കേരളത്തിന്റെ തീരം മുഴുവനും സംരക്ഷിക്കപ്പെടണമെന്ന ശക്തമായ തീരുമാനവും പ്രഖ്യാപനവും പിതാവിൽനിന്ന് വന്നിട്ടുണ്ട്.

കേരള റീജണൽ ലത്തീൻ കാത്തലിക് കൗൺസിലിന്റെ ഭാഗമായ കടൽ CADAL (Coastal Area Development Agency for Liberation) ചെയർമാനായ പിതാവ് പശ്ചിമകൊച്ചിയിലും, ആലപ്പുഴയിലും, പ്രത്യേകിച്ച് ചെല്ലാനം മറുവാക്കാട് പ്രദേശങ്ങളിൽ കടലിനും കായലിനും ഇടയിലുള്ള പ്രദേശത്തെ ജനങ്ങൾക്കുവേണ്ടി ആസൂത്രിതവും ശാസ്ത്രീയവും മറ്റുരാജ്യങ്ങളിൽ ചെയ്ത് വിജയിച്ചിട്ടുള്ളതുമായ കാര്യങ്ങളെ ഗൗരവമായി കണ്ട് അത് പ്രാവർത്തികമാക്കിയാൽ മാത്രമേ സ്ഥിരമായ ഒരു പ്രതിവിധി ഉണ്ടാവുകയുള്ളൂ എന്ന് ഇതിനകം താൻ പങ്കുചേരുന്ന എല്ലാ മീറ്റിങ്ങുകളിലും, ഉദ്യോഗസ്ഥരും ഗവൺമെന്റ് തലത്തിലും, വാക്കുകൊണ്ടും രേഖയാലും അറിയിച്ചിട്ടുണ്ട്.

‘തീരത്തുനിന്ന് കിഴക്കോട്ട് ജനം മാറണം’ എന്ന് ശരിയായ ചിന്തയും, പഠനവും ഇല്ലാതെ പറയുന്നവർ മനസ്സിലാക്കണം പശ്ചിമ കൊച്ചിയിലെ ജനങ്ങൾ തീരത്തുനിന്ന് മാറിയാൽ കിഴക്ക് കായലിനരുകിലേക്കാണ്. കടലിനും കായലിനുമിടയിലുള്ള കരഭൂമിയിൽ പാർക്കുന്ന ഇവരെ സംരക്ഷിക്കണമെങ്കിൽ തീരത്ത് നേരിട്ട് വന്ന് കാര്യകാരണസഹിതം പഠിച്ച്, പ്രദേശവാസികളുടെ സാഹചര്യവും ജീവിത അവസ്ഥകളും സാധ്യതകളും മനസ്സിലാക്കി, ശാസ്ത്രീയമായ വിലയിരുത്തലുകളോടെ നടപ്പാക്കണം.

പിതാവിന്റെ വാക്കുകളിൽ ‘തീരത്തിന് ആവശ്യമായ സംരക്ഷണം നൽകുന്നതോടൊപ്പം കടലുമായി ബന്ധിപ്പിക്കുന്ന അഴികളും പൊഴികളും വേണ്ടവിധം ആഴംകൂട്ടിയും, കരകൾ കെട്ടിയും സംരക്ഷിച്ചാൽ കടലുകയറ്റത്തിലും പ്രളയത്തിലും അത് ആശ്വാസമാകും. ഒപ്പം വിദേശ രാജ്യങ്ങളിൽ മനോഹരമായ രീതിയിൽ ഇത്തരം പ്രദേശങ്ങൾ സംരക്ഷിക്കുകയും സൂക്ഷിക്കുകയും ചെയ്യുന്നതു പോലെ ഭാവനാപൂർവ്വം പ്രയോജനപ്പെടുത്തിയാൽ ഗവൺമെന്റിനും പ്രദേശവാസികൾക്കും ഗുണകരമാകും. അപ്പോസ്തലന്മാരിലെ പ്രഥമ രകതസാക്ഷിയായി അറിയപ്പെടുന്ന വി.യാക്കോബിന്റെ തിരുനാളിൽ തീരജനതയുടെ സങ്കടവും ദുരിതവും സ്വന്തമാക്കി അവരുടെ സ്വരമാകുന്ന പിതാവും രക്തം ചിന്താതെ തീരവാസികൾക്കായി രകത സാക്ഷിത്വത്തിന്റെ സാക്ഷ്യം പകരുന്നു. പിതാവിന് നാമഹേതുക തിരുനാൾ ആശംസൾ…

vox_editor

Recent Posts

ഭാരതത്തിന് പുതിയ വത്തിക്കാൻ സ്ഥാനപതി

ജോസ് മാർട്ടിൻ ന്യൂഡൽഹി: ഇന്ത്യയിലെ പുതിയ അപ്പസ്തോലിക് ന്യൂൺഷ്യോയായി (വത്തിക്കാൻ സ്ഥാനപതി) ആർച്ച് ബിഷപ്പ് വാൾഡെമാർ സ്റ്റാനിസ്ലാവ് സൊമ്മർടാഗിനെ 2026…

6 days ago

33rd Sunday_2026_താലന്തുകളുടെ ഉപമ (മത്താ 25:14-30)

ആണ്ടുവട്ടത്തിലെ മുപ്പത്തിമൂന്നാം ഞായർ ദൈവത്തിന് മനുഷ്യരോടുള്ള വിശ്വാസത്തിൽ നിന്നാണ് വിശുദ്ധഗ്രന്ഥം ആരംഭിക്കുന്നത്. എല്ലാം അവന്റെ കരങ്ങളിൽ ഏൽപ്പിച്ചിട്ട് നടന്നുനീങ്ങുന്ന ദൈവത്തിന്റെ…

6 days ago

32nd Sunday_2026_രാത്രിയുടെ അന്ത്യത്തിൽ ഒരു ആലിംഗനം (മത്താ 25: 1-13)

ആണ്ടുവട്ടത്തിലെ മുപ്പത്തിരണ്ടാം ഞായർ പത്ത് കന്യകമാരുടെ ഉപമയാണ് ഇന്നത്തെ ധ്യാനവിഷയം. ഈ ഉപമയിലെ കഥാപാത്രങ്ങളിൽ ആരും തന്നെ പൂർണമായും മാതൃകാപരമായവരല്ല.…

2 weeks ago

12 വർഷത്തെ കാത്തിരിപ്പിന് വിരാമം എൽ.എൽ.എം. പ്രവേശനത്തിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് 3 ശതമാനം സംവരണം.

ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്‌സ്…

2 weeks ago

All Saints Day_2026_യേശുവിന്റെ സ്വപ്നം: വിശുദ്ധി (മത്താ 5:1-12)

സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…

3 weeks ago

പാറേൽ പള്ളിക്ക്‌ ബസിലിക്ക പദവി

ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…

3 weeks ago