വിദ്യാര്‍ത്ഥികള്‍ രാഷ്ട്രീയ പാര്‍ട്ടികളുടെ ചട്ടുകമാവാതെ പഠന പ്രക്രിയ പൂര്‍ത്തീകരിക്കണം; ബിഷപ്പ് വിന്‍സെന്‍റ് സാമുവല്‍
വിദ്യാര്‍ത്ഥികള്‍ രാഷ്ട്രീയ പാര്‍ട്ടികളുടെ ചട്ടുകമാവാതെ പഠന പ്രക്രിയ പൂര്‍ത്തീകരിക്കണം; ബിഷപ്പ് വിന്‍സെന്‍റ് സാമുവല്‍
അനിൽ ജോസഫ്
വാഴിച്ചല്‍: വിദ്യാര്‍ത്ഥികള്‍ രാഷ്ട്രീയ പാര്‍ട്ടികളുടെ ചട്ടുകമാവാതെ പഠന പ്രക്രിയ പൂര്‍ത്തീകരിക്കണമെന്ന് നെയ്യാറ്റിന്‍കര ബിഷപ്പ് ഡോ.വിന്‍സെന്‍റ് സാമുവല്‍. വാഴിച്ചല്‍ ഇമ്മാനുവല്‍ കോളേജിന്‍റെ സില്‍വര്‍ ജൂബിലി ആഘോഷങ്ങളും കോളേജിന്‍റെ ഫ്രെഷേഴ്സ് ഡെയും ഉദ്ഘാടനം ചെയ്യുകയായിരുന്നു ബിഷപ്പ്.
അധുനിക കാലത്തെ വിദ്യാഭ്യാസത്തിന്‍റെ പ്രാധാന്യം മനസിലാക്കി, വിദ്യ അഭ്യസിക്കണമെന്നും ബിഷപ്പ് ഓര്‍മ്മിപ്പിച്ചു. കോളേജ് മാനേജര്‍ മോണ്‍.ജി.ക്രിസ്തുദാസ് സമ്മേളനത്തിൽ അധ്യക്ഷത വഹിച്ചു.
കോളേജ് പ്രിന്‍സിപ്പാള്‍ ഡോ.ജെ.വിജയകുമാര്‍, ഇമ്മാനുവല്‍ ബി.എഡ്.കോളേജ് പ്രിന്‍സിപ്പാള്‍ സി.നാരായണ പിളള, ഷാജി വില്‍സണ്‍, വി.പ്രിന്‍സലാലി, ബൈജു വി എല്‍, ജി.സെല്‍വിന്‍ ജോസ്, സനല്‍ ക്ലീറ്റസ് തുടങ്ങിയവര്‍ പ്രസംഗിച്ചു.
സില്‍വര്‍ ജൂബിലി ആഘോഷങ്ങളുടെ ഭാഗമായി ബിഷപ്പിന്‍റെ നേതൃത്വത്തില്‍ പൊന്തിഫിക്കല്‍ ദിവ്യബലിയും നടന്നു. ഒരു വര്‍ഷം നീണ്ട് നില്‍ക്കുന്ന ആഘോഷങ്ങള്‍ക്കാണ് തുടക്കമായത്.
