മേലാരിയോട് വിശുദ്ധ മദര് തെരേസ ദൈവാലയത്തില് കെ എല് എല് സി എ യുടെ ശില്പശാല
മേലാരിയോട് വിശുദ്ധ മദര് തെരേസ ദൈവാലയത്തില് കെ എല് എല് സി എ യുടെ ശില്പശാല
കാട്ടാക്കട ; കേരളാ ലാറ്റിന്കാത്തലിക് അസോസ്സിയേഷന് മേലാരിയോട് യൂണിറ്റിന്റെ നേതൃത്വത്തില് മേലാരിയോട് വിശുദ്ധ മദര് തെരേസാ ദൈവാലയത്തില് ശില്പശാല സംഘടിപ്പിച്ചു. ആധുനിക സമൂഹവും നവമാധ്യമങ്ങളും എന്ന വിഷയത്തില് കെ ആര് എല് സി സി മുന് സെക്രട്ടറിയും അധ്യാപകനുമായ തോമസ് കെ സ്റ്റീഫന് ക്ലാസെടുത്തു.നവമാധ്യമങ്ങളിലെ ചതിക്കുഴികള്, മാധ്യമങ്ങളെ കുട്ടികളും യുവാക്കളും എങ്ങനെ ഉള്ക്കൊളളണം, നവമാധ്യമങ്ങളുടെ നല്ല വശങ്ങള് എന്നിവയെല്ലാം ശില്പശാലയില് ചര്ച്ചയായി.
ശില്പശാലയോടനുബന്ധിച്ച് നടന്ന പൊതു സമ്മേളനം കേരളാ ലാറ്റിന് കാത്തലിക് അസ്സോസിയേഷന് രൂപതാ പ്രസിഡന്റ് അഡ്വ.ഡി.രാജു ഉദ്ഘാടനം ചെയ്യ്തു. ഇടവക വികാരി ഫാ.എ.ജി ജോര്ജ്ജ് അനുഗ്രഹ പ്രഭാഷണം നടത്തി. കെ എല് സി എ യൂണിറ്റ് പ്രസിഡന്റ് കുന്നില്ഷാജി അധ്യക്ഷത വഹിച്ച പരിപാടിയില് കെ എല് സി എ രൂപതാ ട്രഷറര് ബി.വിജയകുമാര് , കാട്ടാക്കട മേഖലാ പ്രസിഡന്റ് സലോമോന് വി.ജെ, സംസ്ഥാന മാനേജിംഗ് കമ്മറ്റി അംഗം ജോസ് എന് , യൂണിറ്റ് സെക്രട്ടറി ബിജു എന് , വൈസ് പ്രസിഡന്റ് വില്ഫ്രഡ്.വൈ തുടങ്ങിയവര് പ്രസംഗിച്ചു.
