ബിഷപ്പ് റാഫി മഞ്ഞളി ആഗ്രാ അതിരൂപതയുടെ മെത്രാപ്പോലീത്ത

സ്വന്തം ലേഖകന്‍

ആഗ്ര: വടക്കെ ഇന്ത്യയില്‍ അലഹബാദ് രൂപതയുടെ മെത്രാനായി (2013നവംബര്‍ 2020) സേവനംചെയ്യുകയായിരുന്ന ബിഷപ്പ് റാഫി മഞ്ഞളിയെ ഫ്രാന്‍സിസ് പാപ്പാ ആഗ്രാ അതിരൂപതയുടെ അജപാലകനായി നിയമിച്ചു. ഇത് സംബന്ധിച്ച വിജ്ഞാപനം വ്യാഴാഴ്ച വത്തിക്കാന്‍ പ്രസിദ്ധപ്പെടുത്തി. 62 വയസ്സുള്ള ബിഷപ്പ് മഞ്ഞളി 7 വര്‍ഷക്കാലം വാരണാസി രൂപതയുടെ മെത്രാനായും, പിന്നീട് അലഹബാദ് രൂപതയുടെ മെത്രാനായും സേവനം ചെയ്തു വരികയായിരുന്നു.

ആഗ്രായുടെ മെത്രാപ്പോലീത്തയായി സേവനംചെയ്ത ആര്‍ച്ചുബിഷപ്പ് ആല്‍ബര്‍ട്ട് ഡിസൂസ കനോനിക പ്രായപരിധി 75-വയസ്സെത്തിയപ്പോള്‍ വത്തിക്കാനു സമര്‍പ്പിച്ച സ്ഥാനത്യാഗം ഫ്രാന്‍സിസ് പാപ്പാ അംഗീകരിച്ചുകൊണ്ടാണ് പുതിയ നിയമനം നടത്തിയത്. മാംഗളൂര്‍ സ്വദേശിയായ ആര്‍ച്ചുബിഷപ്പ് ആല്‍ബര്‍ട്ട് 13 വര്‍ഷക്കാലം ആഗ്രായില്‍ സ്തുത്യര്‍ഹമായ സേവനം ചെയ്തശേഷമാണ് വിരമിക്കുന്നത്.

കേരളത്തില്‍ തൃശൂര്‍ സീറോമലബാര്‍ അതിരൂപ അതിരൂപതയിലെ വെണ്ടൂർ ഇടവക അംഗമാണ് നിയുക്ത മെത്രാപ്പോലീത്ത റാഫി മഞ്ഞളി.