പ്ലസ്‌ 2 പൂർത്തിയാക്കിയവർക്ക്‌ ജീസസ്‌ യൂത്തിന്റെ “ഫോളോ മീ”
പ്ലസ്‌ 2 പൂർത്തിയാക്കിയവർക്ക്‌ ജീസസ്‌ യൂത്തിന്റെ "ഫോളോ മീ"
നെയ്യാറ്റിൻകര: 2018-ൽ പ്ലസ്‌ ടു പൂർത്തീകരിക്കുന്ന വിദ്യാർത്ഥികൾക്കായി ജീസസ്‌ യൂത്ത്‌ നെയ്യാറ്റിൻകര സോൺ ക്യാമ്പസ്‌ മിനിസ്‌ട്രിയുടെ നേതൃത്വത്തിൽ ‘പ്രീ ക്യാമ്പസ്‌ ട്രെയിനിംഗ്‌’ നടത്തുന്നു. മെയ്‌ 16 മുതൽ 19 വരെ “ഫോളോ മീ” എന്ന പേരിൽ കാട്ടാക്കട വിശ്വദീപ്‌തി സ്‌കൂളില്‍ വച്ചാണ്‌ ക്യാമ്പ്‌ സംഘടിപ്പിച്ചിട്ടുളളത്‌.
വ്യക്‌തി ജീവിതത്തിൽ ദൈവാനുഭവം പകരുന്ന പ്രബോധനങ്ങളും ക്രൈസ്‌തവ യുവത്വങ്ങളുടെ കലാലയ ജീവിതത്തെക്കുറിച്ചുളള പങ്ക്‌ വയ്‌ക്കലും ദൈവസ്‌നേഹത്തിന്റെ ആഴങ്ങളിലേക്ക്‌ നയിക്കുന്ന ദിവ്യകാരുണ്യ ആരാധനയും ദിവ്യബലിയും ഹൃദയ സ്‌പർശിയായ സംഗീത ദൃശ്യ-ശ്രാവ്യ അവതരണവും കുട്ടികളുടെ അഭിരുചിക്കനുസരിച്ചുളള കോഴ്‌സുകൾ തെരെഞ്ഞെടുക്കുന്നതിനുളള കരിയർ ക്ലാസുകളും ക്യാമ്പിന്റെ ഭാഗമാവും.
മെയ്‌ 16 ബുധനാഴ്‌ച വൈകിട്ട്‌ 3 മണിക്ക്‌ തുടങ്ങുന്ന ക്യാമ്പ്‌ 19 ഞായർ വൈകിട്ട്‌ 4-ന്‌ സമാപിക്കുമെന്ന്‌ നെയ്യാറ്റിൻകര സോൺ ജിസസ്‌ യൂത്ത്‌ കോ ഓഡിനേറ്റര്‍ ബൈജു ജി.എസ്‌. അറിയിച്ചു. രജിസ്‌ട്രേഷൻ ഫീസ്‌ 500 രൂപയാണ്.
