Kerala
നടപടികള്‍ പാലിക്കാതെയുളള ബ്രൂവറികളുടെ അനുമതി ജനവിരുദ്ധം; ബിഷപ് ഡോ.ജോസഫ് കാരിക്കശ്ശേരി
നടപടികള്‍ പാലിക്കാതെയുളള ബ്രൂവറികളുടെ അനുമതി ജനവിരുദ്ധം; ബിഷപ് ഡോ.ജോസഫ് കാരിക്കശ്ശേരി
അനില്‍ ജോസഫ്
കൊച്ചി: നടപടികള്‍ പാലിക്കാതെയും നിയവിരുദ്ധമായും സംസ്ഥാനത്ത് ഇടതു സര്‍ക്കാര്‍ ബ്രൂവറികളും ഡിസ്ലറികളും അനുവദിക്കുന്നത് ജനവിരുദ്ധമാണെന്ന് ബിഷപ് ഡോ.ജോസഫ് കാരിക്കശ്ശേരി. കെ.സി.ബി.സി. മദ്യവിരുദ്ധ സമിതി കൊച്ചിയില്‍ സംഘടിപ്പിച്ച നില്‍പ്പ് സമരം ഠൗണ്‍ ഹാളിന് മുന്നില്‍ ഉദ്ഘാടനം ചെയ്യുകയായിരുന്നു ബിഷപ്.
ഇടത് സര്‍ക്കാരിന്‍റെ ജന വഞ്ചനക്കെതിരെ വലിയ പ്രക്ഷോഭം ഉണ്ടാകുമെന്നും ബിഷപ് ഓര്‍മിപ്പിച്ചു. ജസ്റ്റിസ് പി. കെ.ഷംസുദീന്‍ അധ്യക്ഷത വഹിച്ചു. പൊതു പ്രവര്‍ത്തകനായ സി.ആര്‍. നീലകണ്ഠന്‍, ചാര്‍ളി പോള്‍, പ്രസാദ് കുരുവിള, ഫാ.ജോര്‍ജ്ജ് നേരേവീട്ടില്‍, പ്രൊഫ.കെ.കെ. കൃഷ്ണന്‍ തുടങ്ങിയവര്‍ പ്രസംഗിച്ചു.
സമരത്തിന്‍റെ രണ്ടാം ഘട്ടമായി കോട്ടയം, കോഴിക്കോട്, തിരുവനന്തപുരം അങ്കമാലി, തൃശൂര്‍, കൊല്ലം എന്നിവിടങ്ങളില്‍ പ്രക്ഷോഭം സംഘടിപ്പിക്കും.
