ദുരിതക്കയത്തിൽ ആശ്വാസമാകാൻ മനവും മെയ്യും മറന്ന് ഒരുമയോടെ
ദുരിതക്കയത്തിൽ ആശ്വാസമാകാൻ മനവും മെയ്യും മറന്ന് ഒരുമയോടെ
ജോസ് മാർട്ടിൻ
ആലപ്പുഴ: ആലപ്പുഴ രൂപതാ കെ.സി.വൈ.എം. ന്‍റെയും സോഷ്യല്‍ സര്‍വീസ് സൊസൈറ്റിയുടെയും സംയുക്ത രക്ഷാ പ്രവര്‍ത്തനങ്ങള്‍ ചെങ്ങനൂര്‍ ISID കോളേജ് കേന്ത്രികരിച്ചു നടത്തുന്നു. ടീം അംഗങ്ങള്‍ ഇതുവരെ ഏതാണ്ട് 250 ഓളം പേരെ വെള്ളം കയറിയ വീടുകളില്‍ നിന്നും രക്ഷിച്ചു ക്യാമ്പില്‍ എത്തിച്ചിട്ടുണ്ട്. തോരാത്ത മഴയും വെളിച്ച കുറവും ഇന്നലെ രക്ഷാ പ്രവര്‍ത്തനങ്ങള്‍ക്ക് തടസംസൃഷ്ട്ടിക്കുന്നു. രക്ഷാ പ്രവര്‍ത്തങ്ങളില്‍ ഏര്‍പ്പെട്ട പത്തോളം വള്ളങ്ങള്‍ക്ക് സാരമായ കേടുപാടുകള്‍ സംഭവിച്ചിട്ടുണ്ട്.
ഏതാണ്ട് 750 ഓളം പേരെ പാര്‍പ്പിച്ചിരിക്കുന്ന ചെങ്ങനൂര്‍ ISID കോളേജ് ക്യാമ്പില്‍ ഭക്ഷണ സാധനങ്ങളുടെ സ്റ്റോക്ക്‌ പരിമിതമാണ്. അതുപോലെ, വസ്ത്രങ്ങളും ആവശ്യമാണെന്ന് രക്ഷാ പ്രവര്‍ത്തനങ്ങള്‍ക്ക് ഒപ്പമുള്ള എൽ.സി.വൈ.എം. ന്‍റെ സംസ്ഥാന വൈസ് പ്രസിഡന്റ് ശ്രീ. ഇമാനുവല്‍ പറഞ്ഞു.
ആലപ്പുഴ രൂപതയുടെ കീഴിലുള്ള എല്ലാ പള്ളികളും സ്ഥാപനങ്ങളും ദുരിതാശ്വാസ ക്യാമ്പുകൾക്ക് വേണ്ടി തുറന്നു നല്‍കണമെന്ന് ആലപ്പുഴ രൂപതാ മെത്രാന്‍ സ്റ്റീഫന്‍ അത്തിപൊഴി പിതാവ് നിര്‍ദേശം നല്കിയിട്ടുണ്ട്.
അതുപോലെ തന്നെ ആലപ്പുഴ തീരദേശ മേഘലയായ പോള്തൈ അർത്തുങ്ങല്‍ ഭാഗത്ത്‌ നിന്നു കടലിന്‍റെ മക്കള്‍ രക്ഷാ പ്രവര്‍ത്തനങ്ങള്‍ക്കായി വള്ളങ്ങളുമായി പുറപ്പെട്ടിട്ടുണ്ട്. ലോറികളുടെ ലഭ്യത കുറവാണു കാലതാമസം നേരിടുന്നത്.
