അമേരിക്കയിലെ വിമാനാപകടം : അനുശോചനം അറിയിച്ച് ഫ്രാന്സിസ് പാപ്പ
വിമാനത്തില് 64 പേരും ഹെലികോപ്റ്ററില് മൂന്ന് പേരും ഉണ്ടായിരുന്നു.

അനില് ജോസഫ്
വത്തിക്കാന് സിറ്റി : അമേരിക്കയില് വിമാനാപകടത്തില് മരിച്ചവര്ക്ക് ആദരാഞ്ജലികളും പ്രാര്ഥനയുമായി ഫ്രാന്സിസ് പാപ്പ. വാഷിംഗ്ടണ് ഡിസിയിലെ പൊട്ടോമാക് നദിയില് ഇന്നലെ ഉണ്ടായ വിമാനാപടത്തില് മരിച്ചവര്ക്കാണ് പാപ്പയുടെ പ്രാര്ഥന. വിമാനാപകടത്തില് ജീവന് നഷ്ടപ്പെട്ടവരുടെ കുടുംബാംഗങ്ങള്ക്കും ഇരകള്ക്കും ഫ്രാന്സിസ് പാപ്പ തന്റെ അനുശോചനം അറിയിച്ചു.
റൊണാള്ഡ് റീഗന് നാഷണല് എയര്പോര്ട്ടിന് സമീപം അമേരിക്കന് എയര്ലൈന്സ് വിമാനവും സൈനിക ഹെലികോപ്റ്ററും ആകാശത്ത് കൂട്ടിയിടിച്ച സംഭവത്തില് 60 പേരുടെ മരണം സ്ഥിരികരിച്ചിട്ടുണ്ട് . വിമാനത്തില് 64 പേരും ഹെലികോപ്റ്ററില് മൂന്ന് പേരും ഉണ്ടായിരുന്നു.
പ്രസിഡന്റ് ഡൊണാള്ഡ് ട്രംപിനെ അഭിസംബോധന ചെയ്ത പാപ്പ ടെലിഗ്രാമില്, മരിച്ചയാളുടെ ആത്മാക്കളെ സര്വശക്തനായ ദൈവവം സ്നേഹനിര്ഭരമായ കാരുണ്യത്തില് അനുഗ്രഹിക്കട്ടെ എന്ന് കുറിച്ചു. വേര്പാടില് ദുഃഖിക്കുന്ന കുടുംബങ്ങള്ക്ക് തന്റെ അഗാധമായ അനുശോചനം അര്പ്പിക്കുന്നുഎന്നും പാപ്പ പറഞ്ഞു.