പതിവ് തെറ്റിച്ചില്ല ആര്‍ച്ച് ബിഷപ്പിന്‍റെ ആദ്യ കുര്‍ബാന അര്‍പ്പണം അല്‍ഫോണ്‍സാമ്മയുടെ കബറിടത്തില്‍
7 വര്‍ഷം മുമ്പ് അതിരൂപതയുടെ സഹായമെത്രാനായപ്പോഴും കബറിടത്തില്‍ വന്ന് ആദ്യ ദിവ്യബലി അര്‍പ്പിച്ച വിവരം പിതാവ് പങ്ക് വച്ചു.
അനില്‍ ജോസഫ്
പാല: ചങ്ങനാശ്ശേരി അതിരൂപതയുടെ ആര്‍ച്ച് ബിഷപ്പായി സ്ഥാനമേറ്റ ശേഷം ബിഷപ്പ് തോമസ് തറയില്‍ ആദ്യമായി ഭരണങ്ങനത്ത് അല്‍ഫോണ്‍സാമ്മയുടെ കബറിടത്തില്‍ എത്തി വിശുദ്ധ കുര്‍ബാന അര്‍പ്പിചച്ച് പ്രാര്‍ഥിച്ചു.
രാവിലെ 11. 30 ന് കബറിടത്തിലെത്തി അല്‍പ്പസമയത്തെ മൗന പ്രാര്‍ഥനക്ക് ശേഷം അഭിവന്ദ്യ പിതാവ് വിശുദ്ധ കുര്‍ബാന അര്‍പ്പണം നടത്തി. ആര്‍ച്ച് ബിഷപ്പ് തേമസ് തറയില്‍ പിതാവിനെ ഭരണങ്ങാനം തീര്‍ഥാടന കേന്ദ്രം റെക്ടര്‍ സ്വീകരിച്ചു.
ദിവ്യബലിയുടെ ആരംഭത്തില്‍ 7 വര്‍ഷം മുമ്പ് അതിരൂപതയുടെ സഹായമെത്രാനായപ്പോഴും കബറിടത്തില്‍ വന്ന് ആദ്യ ദിവ്യബലി അര്‍പ്പിച്ച വിവരം പിതാവ് പങ്ക് വച്ചു. അല്‍ഫോണ്‍സാമ്മയുടെ മധ്യസ്ഥം തന്‍റെ അജപാലന ജീവിതത്തില്‍ കരുത്തേകുമെന്നും ആര്‍ച്ച് ബിഷപ്പ് പറഞ്ഞു.
ജര്‍മനിയിലെ ബാമ്പര്‍ഗ് അതിരൂപതാ ആര്‍ച്ച് ബിഷപ്പ് ഹെര്‍വിംഗ് ഗൊസല്‍ മോണ്‍. ജോസഫ് വാണിയപ്പുരക്കല്‍ , ഫാ.മാര്‍ട്ടിന്‍ നൈനാപറമ്പില്‍, തുടങ്ങിയവര്‍ വിശുദ്ധ കുര്‍ബാനയില്‍ സഹകാര്‍മക്കമികരായി.
