വത്തിക്കാനിലെ ഡിക്കാസ്റ്ററി സെക്രട്ടറിയായി സിസ്റ്റര് സുജിത സേവ്യര്
സ്വന്തം ലേഖകന്
നെയ്യാറ്റിന്കര : നെയ്യാറ്റിന്കര രൂപത ചുള്ളിമാനൂര് തിരുഹ്യദയ ഫൊറോന ദൈവാലയാംഗവും ഒ എസ് എച്ച് ജെ (Oblate Sisters of the Sacred heart of Jesus) സന്യാസസഭാംഗവുമായ സിസ്റ്റര് സുജിത സേവ്യര് വത്തിക്കാനിലെ ഡിക്കാസ്റ്ററി ഫോര് ദ ക്ലര്ജിയുടെ (Dicastery for the Clergy) അസ്മിനിസ്ട്രേഷന് വിഭാഗത്തില് സെക്രട്ടറിയായി ചുമതലയേറ്റു.
നെയ്യാറ്റിന്കര രൂപതയില് പ്രവര്ത്തിക്കുന്ന ക്രിസ്തു കിരണ് ബോയ്സ് ഹോമിലെ പ്രിന്സിപ്പിലായും നീണ്ട 7 വര്ഷക്കാലം ആഫ്രിക്കയിലെ മിഷന് സ്ഥലങ്ങളില് സേവനമനുഷ്ഠിച്ചു.കേരളത്തിലും പുറത്തും വിവിധ മേഖലകളില് സേവനമനുഷ്ഠിച്ചു സഭയ്ക്കും സമൂഹത്തിനും സംഭാവനകള് നല്കിയിട്ടുണ്ട്. എന്നാല് ഇങ്ങനെയൊരു നിയമനം നന്ദിയോടെയും സന്തോഷത്തോടെയും സ്വീകരിക്കുകയാണെന്ന് ചൂണ്ടിക്കാട്ടി.സഹോദരി സിസ്റ്റര് സുമിത സേവ്യറും ഈ സന്യാസ സമൂഹത്തിന്റെ അംഗമാണ്.
