വേൾഡ് യൂണിവേഴ്സിറ്റിതല പവർലിഫ്റ്റിംങ്ങ് ചാമ്പ്യൻഷിപ്പിൽ ബിബിൻ ജോയി വാളിയാങ്കലിന് വെള്ളി മെഡൽ

ജോസ് മാർട്ടിൻ

തൊടുപുഴ /വെള്ളിയാമറ്റം: എസ്തോണിയയിലെ ടാർട്ടുവിൽ വച്ച് നടന്ന വേൾഡ് യൂണിവേഴ്സിറ്റിതല പവർലിഫ്റ്റിംങ്ങ് ചാമ്പ്യൻഷിപ്പിൽ ബിബിൻ ജോയി വാളിയാങ്കൽ വെള്ളി മെഡലോടെ രണ്ടാം സ്ഥാനം കരസ്ഥമാക്കി. 66 കിലോഗ്രാം വിഭാഗത്തിലായിരുന്നു ബിബിൻ പങ്കെടുത്തത്. വിജയപുരം ലത്തീൻ രൂപതയിലെ തൊടുപുഴ വെള്ളിയാമറ്റം സെന്റ് ജോസഫ് ഇടവകാംഗമാണ് ബിബിൻ ജോയി.

തൃശൂർ സെന്റ് തോമസ് കോളേജിൽ മൂന്നാം വർഷ ബി.എ. എക്കണോമിക്സ് വിദ്യാർത്ഥിയാണ് ബിബിൻ. 2017-18 ജൂനിയർ നാഷണൽ മീറ്റിൽ റെക്കോർഡോടെ സ്വർണ്ണ മെഡൽ നേടി സെക്കന്റ്‌ സ്രോങ്മാൻ ഓഫ് ഇന്ത്യയും, ആൾ ഇന്ത്യ ഇന്റർ യൂണിവേഴ്സിറ്റി മത്സരത്തിൽ സിൽവർ മെഡലും നേടിയിരുന്നു.

2018-19 റെക്കോർഡോടെ ജൂനിയർ നാഷണൽ ഗോൾഡ് മെഡൽ നേടിക്കൊണ്ട് സ്ട്രോങ്ങ്‌മാൻ ഓഫ് ഇന്ത്യയായി. അതുപോലെ 2018 ൽ തന്നെ ആൾ ഇന്ത്യ അന്തർ സർവകലാശാല പവർലിഫ്റ്റിംങ്ങ് ചാമ്പ്യൻഷിപ്പിൽ വെങ്കല മെഡലും കരസ്ഥമാക്കിയിട്ടുണ്ട്.

മെൽവിൻ വിൻസെന്റാണ് ബിബിൻ ജോയിയുടെ കോച്ച്. പിതാവ് ജോയ് മൈക്കിൾ, മാതാവ് എൽസി ജോയ്.