മുള്ളുവിള തിരുകുടുംബ ദേവാലയ തിരുനാളിന് ഭക്തി നിർഭരമായ തുടക്കം

അനുജിത്ത്, അക്ഷയ്

നെയ്യാറ്റിൻകര: മുള്ളുവിള തിരുകുടുംബ ദേവാലയ തിരുനാൾ ആരംഭിച്ചു.
ഡിസംബർ 28-ാം തീയതി ഇടവക വികാരി റവ.ഡോ.നിക്സൺ രാജ് സേവ്യർ തിരുനാൾ പതാകയുയർത്തി കൊണ്ട് തിരുനാൾ
ആഘോഷങ്ങൾക്ക് തുടക്കം കുറിച്ചു.

തിരുനാൾ പ്രാരംഭ ദിവ്യബലിക്ക് നെയ്യാറ്റിൻകര രൂപത വികാരി ജനറൽ മോൺ. ജി.ക്രിസ്തുദാസ് മുഖ്യ കാർമ്മികത്വം വഹിച്ചു. റവ.ഡോ. ക്രിസ്തുദാസ്
തോംസൺ വചന സന്ദേശം നൽകി.

തിരുനാൾ ദിനങ്ങളായ ഡിസംബർ 29 മുതൽ ഡിസബർ 4 വരെ വൈകുന്നേരം 6 മണിയ്ക്കുള്ള ദിവ്യബലികൾക്ക് റവ.ഡോ.ജോസഫ് റാഫേൽ, മോൺ. വി.പി.ജോസ്, ഫാ.അനിൽകുമാർ, റവ.ഡോ.ഗ്ലാഡിൻ അലക്സ്, ഫാ.റോബിൻ രാജ്, ഫാ.ജോയ് മത്യാസ്, ഫാ.സൈമൺ നേശൻ എന്നിവർ മുഖ്യ കാർമികത്വവും ഫാ.ജോസഫ് അനിൽ, ഫാ.വിക്ടർ എവരിസ്റ്റസ്, ഫാ.ഷൈജു ഒ.സി.ഡി, ഫാ. പ്രബൽ, ഫാ. ക്രിസ്റ്റഫർ, ഫാ.സ്റ്റാൻലി രാജ്, ഫാ.ജോയ് മുസോളിനി എന്നിവർ വചന സന്ദേശവും നൽകും.

ജനുവരി 4 -ന് വൈകുന്നേരമുള്ള ഭക്തിനിർഭരമായ തിരുസ്വരൂപ പ്രദക്ഷിണം, ദേവാലയത്തിൽ നിന്നും ആരംഭിച്ച് മനവേലി, കാഞ്ഞിരംകുളം, കൈവൻ വിള, ആനമരം വലിച്ച മുള്ളുകാട് വഴി ദേവാലയത്തിൽ സമാപിക്കുന്നു.

തിരുനാൾ ദിനമായ ജനുവരി 5 -ന് വൈകുന്നേരം 6 മണിക്ക് ദിവ്യബലിക്ക് മുഖ്യകാർമ്മികത്വം വഹിക്കുന്നത് ഫാ.വത്സലൻ ജോസും, വചന സന്ദേശം നൽകുന്നത് ഫാ.ഷാബിനുമാണ്.
തുടർന്ന്, ഭക്തിനിർഭരമായ ദിവ്യകാരുണ്യ പ്രദക്ഷിണം.

തിരുനാൾ സമാപന ദിനമായ ജനുവരി 6 -ന് രാവിലെ 10 മണിക്ക് സമൂഹ ദിവ്യബലിക്ക് മോൺ. ഡോ. സെൻവരാജ് മുഖ്യകാർമികത്വം വഹിക്കും. ഫാ.രാഹുൽ ബി. ആൻ്റോ വചന സന്ദേശം നൽകും. തുടർന്ന്, തിരുനാൾ പതാകയിറക്ക്.

രാത്രി 7 മണിക്ക് ബൈബിൾ നാടകം ‘ഇതാ മനുഷ്യൻ’. അതോടുകൂടി ഈ വർഷ ഇടവക തിരുനാൾ ആഘോഷങ്ങൾ സമാപിക്കും.