അനിൽ ജോസഫ്
കാട്ടാക്കട: ഫാ.അദെയോദാത്തൂസിനെ ദൈവദാസന് പദവിയിലേക്ക് ഉയര്ത്തുന്നതിന് മുന്നോടിയായി അച്ചന്റെ കര്മ്മ മണ്ഡലമായിരുന്ന മുതിയാവിള സെന്റ് ആല്ബര്ട്ട് ദേവാലയത്തിലും അച്ചന് സേവനമനുഷ്ടിച്ചിരുന്ന മറ്റ് ദേവാലയങ്ങളിലും വിപുലമായ ഒരുക്കങ്ങളാണ് നടക്കുന്നത്.
14 ഞായറാഴ്ച രാവിലെ പാങ്ങോട് കാര്മ്മല്ഹില് ആശ്രമ ദേവാലയത്തില് നടക്കുന്ന സമൂഹ ദിവ്യ ബലിയോടെ ആഘോഷങ്ങള്ക്ക് തുടക്കമാവും. സമൂഹ ദിവ്യബലിക്ക് കാട്ടാക്കട ഫൊറോന വികാരിയും സെന്റ് ആല്ബര്ട്ട് ഇടവക വികാരിയുമായ ഫാ.വല്സലന്ജോസ് മുഖ്യ കാര്മ്മികത്വം വഹിക്കും. കാര്മ്മല്ഹില് ആശ്രമം പ്രിയോര് ഫാ.അഗസ്റ്റിന് പുന്നോലില് (ഓ.സി.ഡി.) വചനം പങ്കുവയ്ക്കും. തുടര്ന്ന്, ഫാ.അദെയോദാത്തൂസിന്റെ കബറിടത്തില് നടക്കുന്ന ഒപ്പീസിനും വിശ്വാസ ദീപശിഖാ ആശീര്വാദത്തിനും കാര്മ്മല്ഹില് ആശ്രമം മുന് പ്രോസ്റ്റുലേറ്റര് ഡോ.പാട്രിക് മുത്തേരില് (ഓ.സി.ഡി.) നേതൃത്വം നല്കും.
തുടര്ന്ന്, ഫാ.വല്സലന്ജോസ് വിശ്വാസ ദീപശിഖ ഏറ്റ് വാങ്ങും. പാങ്ങോട് കാര്മ്മല്ഹില് ആശ്രമത്തില് നിന്നാരംഭിക്കുന്ന വിശ്വാസ ദീപശിഖാ പ്രയാണം, വലിയച്ചന് സേവനമനുഷ്ടിച്ചിരുന്ന ദേവാലയങ്ങളില് പ്രയാണം ചെയ്ത് രാത്രി 10 മണിയോടെ മുതിയാവിള ദേവാലയത്തില് എത്തിച്ചേരും. തുടര്ന്ന്, 19 വരെ മുതിയാവിള ദേവാലയത്തില് ദീപശിഖ കെടാവിളക്കായി സൂക്ഷിക്കും.
19-ന് വൈകിട്ട് പാങ്ങോട് കാര്മ്മല്ഹില് ആശ്രമത്തിലേക്ക് വിശ്വാസ ദീപശിഖാ പ്രയാണം നടക്കും. വൈകിട്ട് 4-ന് കാര്മ്മല്ഹില് ആശ്രമത്തിലെത്തുന്ന ദീപ ശിഖ ആശ്രമം സുപ്പീരിയര് ഫാ.അഗസ്റ്റിന് പുന്നോലില് സ്വീകരിക്കും. തുടര്ന്ന്, ദൈവദാസന് പദവിയിലേക്ക് ഉയര്ത്തപ്പെടുന്ന ബിഷപ് ബെന്സിഗറിന്റെയും ഫാ.അദെയോദാത്തൂസിന്റെയും ഭൗതീക ശരീരം സ്ഥിതിചെയ്യുന്ന കബറിടങ്ങളില് തിരി തെളിക്കും.
20-ന് വൈകിട്ട് 4.30-ന് തിരുവനന്തപുരം ആര്ച്ച് ബിഷപ് ഡോ.എം. സൂസപാക്യത്തിന്റെ മുഖ്യകാര്മ്മികത്വത്തില് ആഘോഷമായ പൊന്തിഫിക്കല് ദിവ്യബലി. നെയ്യാറ്റിന്കര ബിഷപ് ഡോ.വിന്സെന്റ് സാമുവല്, കൊല്ലം രൂപതാ ബിഷപ് ഡോ.പോള് ആന്റണി മുല്ലശ്ശേരി, പുനലൂര് രൂപതാ മെത്രാന് ഡോ.സെല്വിസ്റ്റര് പൊന്നുമുത്തന്, കോട്ടാര് രൂപതാ മെത്രാന് ഡോ.നസറയില് സൂസൈ, കുഴിത്തുറ രൂപതാ ബിഷപ് ഡോ.ജെറോംദാസ് വറുവേല്, മലബാര് പ്രൊവിന്സ് പ്രൊവിഷ്യല് ഫാ.സെബാസ്റ്റ്യന് കുടപ്പാട്ട് തുടങ്ങിയവര് സഹകാര്മ്മികരാവും.
ദിവ്യബലി മധ്യേ ബിഷപ്പ് ബെന്സിഗറിനെയിം ഫാ.അദെയോദാത്തൂസിനെയും ആർച്ച് ബിഷപ് ഡോ.എം.സൂസപാക്യം ദൈവദാസ പദവിയില് ഉയര്ത്തി പ്രഖ്യാപനം നടത്തും. തുടര്ന്ന്, പൊതു സമ്മേളനം.
21-ന് മുതിയാവിളയില്, വൈകിട്ട് 4.45-ന് നെയ്യാറ്റിന്കര ബിഷപ്പ് ഡോ.വിന്സെന്റ് സാമുവല് മുഖ്യ കാര്മ്മികത്വം വഹിക്കുന്ന കൃതജ്ഞതാബലിയും തുടര്ന്ന്, അനുസ്മരണ സമ്മേളനവും uണ്ടായിരിക്കും.
സ്വന്തം ലേഖകന് വത്തിക്കാന് സിറ്റി : വേനല്ക്കാലത്തെ പതിവുപോലെ, പ്രാര്ത്ഥനയ്ക്കും വിശ്രമത്തിനുമായി പാപ്പാ കാസ്റ്റെല് ഗാന്തോള്ഫോയില് എത്തി . ജൂലൈ…
ആണ്ടുവട്ടത്തിലെ പതിനാലാം ഞായർ യേശുവിന്റെ ജീവിതത്തിലെ ഏറ്റവും വിഷമകരമായ ഘട്ടങ്ങളിലൊന്നാണിത്. അവന്റെ വാക്കുകൾ ജീവൻ പകർന്നുവെങ്കിലും, അവനെ കേൾക്കാൻ പല…
സ്വന്തം ലേഖകന് നെയ്യാറ്റിന്കര : നെയ്യാറ്റിന്കര രൂപത ചുള്ളിമാനൂര് തിരുഹ്യദയ ഫൊറോന ദൈവാലയാംഗവും ഒ എസ് എച്ച് ജെ (Oblate…
അനില് ജോസഫ് കോതമംഗലം : ഓടിക്കൊണ്ടിരുന്ന സ്വകാര്യ ബസ്സില് നിന്ന് തെറിച്ചുവീണ കന്യാസ്ത്രീക്ക് ധാരുണാന്ത്യം കോതമംഗലം സെന്റ് വിന്സന്റ്…
അനില് ജോസഫ് നെയ്യാറ്റിന്കര : നെയ്യാറ്റിന്കര രൂപതയിലെ തോട്ടുംപുറം വിശുദ്ധ പോള് ആറാമന് പള്ളിയില് കാണിക്കവഞ്ചികള് തകര്ത്ത് മോഷണം. പള്ളിയുടെ…
വത്തിക്കാന് സിറ്റി: വിശുദ്ധ പത്രോസിന്റെയും പൗലോസിന്റെയും തിരുനാള് ദിനമായ ജൂണ് 29ന് സെന്റ് പീറ്റേഴ്സ് ബസിലിക്കയില് നടന്ന ഭക്തിനിര്ഭരമായ…
This website uses cookies.
