ബോ​ണ​ക്കാ​ട്  വി​ശ്വാ​സി​ക​ൾ​ക്കു​നേ​രെ നടന്ന പോ​ലീ​സ് ആ​ക്ര​മ​ണം: ഐ​.ജി. റാ​ങ്കി​ലു​ള്ള ഉ​ദ്യോ​ഗ​സ്ഥ​ൻ അ​ന്വേ​ഷി​ക്ക​ണം‌

അനില്‍ ജോസഫ്‌

തി​രു​വ​ന​ന്ത​പു​രം: ബോ​ണ​ക്കാ​ട് കു​രി​ശു​മ​ല​യി​ലേ​ക്ക് കു​രി​ശു​യാ​ത്ര  ന​ട​ത്തി​യ​പ്പോൾ വി​ശ്വാ​സി​ക​ൾ​ക്കെ​തി​രെ​യു​ണ്ടാ​യ പോ​ലീ​സ് ന​ട​പ​ടി​യി​ൽ ഐ​.ജി. റാ​ങ്കി​ലു​ള്ള ഒ​രു ഉ​യ​ർ​ന്ന പോ​ലീ​സു​ദ്യോ​ഗ​സ്ഥ​ൻ നേ​രി​ട്ട് അ​ന്വേ​ഷ​ണം ന​ട​ത്ത​ണ​മെ​ന്ന് നി​ർ​ദേ​ശം.

മൂ​ന്നു​മാ​സ​ത്തി​നു​ള്ളി​ൽ വി​ശ​ദ​മാ​യ അ​ന്വേ​ഷ​ണ റി​പ്പോ​ർ​ട്ട് സം​സ്ഥാ​ന ന്യൂ​ന​പ​ക്ഷ ക​മ്മീ​ഷ​ൻ മു​ൻപാകെ ന​ൽ​കു​ന്ന​തി​നാ​ണ് സം​സ്ഥാ​ന പോ​ലീ​സ് മേ​ധാ​വി​യോ​ട് ന്യൂ​ന​പ​ക്ഷ ക​മ്മീ​ഷ​ൻ ചെ​യ​ർ​മാ​ൻ പി.​കെ. ഹ​നീ​ഫ ഉ​ത്ത​ര​വി​ട്ടിരിക്കുന്നത്.

ജ​നു​വ​രി അ​ഞ്ചി​നാ​യി​രു​ന്നു ബോ​ണ​ക്കാ​ട് കു​രി​ശു​മ​ല​യി​ലേ​ക്ക് നെ​യ്യാ​റ്റി​ൻ​ക​ര ല​ത്തീ​ൻ രൂ​പ​ത​യു​ടെ നേ​തൃ​ത്വ​ത്തി​ൽകു​രി​ശു​യാ​ത്ര സം​ഘ​ടി​പ്പി​ച്ച​ത്.

കു​രി​ശു​യാ​ത്ര പു​റ​പ്പെ​ട്ട​പ്പോ​ൾ പോ​ലീ​സി​ന്‍റെ ഒ​ത്താ​ശ​യോ​ടെ സാ​മൂ​ഹി​ക​വി​രു​ദ്ധ​ർ വി​ശ്വാ​സി​ക​ളെ അ​സ​ഭ്യം പ​റ​ഞ്ഞ് പ്ര​കോ​പ​നം സൃ​ഷ്ടി​ക്കു​ക​യും പോ​ലീ​സ് വി​ശ്വാ​സി​ക​ളെ നി​ഷ്ക​രു​ണം ത​ല്ലി​ച്ച​ത​ച്ച​താ​യും കാ​ണി​ച്ച് ബോ​ണ​ക്കാ​ട് റെ​ക്ട​ർ ഫാ.​ ഡെ​ന്നീ​സ് മ​ന്നൂ​ർ ക​മ്മീ​ഷ​നി​ൽ പ​രാ​തി സ​മ​ർ​പ്പി​ച്ചി​രു​ന്നു. സം​ഭ​വ​ത്തി​ൽ ഉ​ന്ന​ത​ത​ല അ​ന്വേ​ഷ​ണം ന​ട​ത്ത​ണ​മെ​ന്നും പ​രാ​തി​യി​ൽ ആ​വ​ശ്യ​പ്പെ​ട്ടി​രു​ന്നു.

തി​രു​വ​ന​ന്ത​പു​രം റൂ​റ​ൽ ജി​ല്ലാ പോ​ലീ​സ് മേ​ധാ​വി​യി​ൽ നി​ന്നും ക​മ്മീ​ഷ​ൻ റി​പ്പോ​ർ​ട്ട് ആ​വ​ശ്യ​പ്പെ​ട്ട​പ്പോ​ൾ സം​ഭ​വ​സ​മ​യം സ്ഥ​ല​ത്തു​ണ്ടാ​യി​രു​ന്ന ഒ​രു പോ​ലീ​സു​ദ്യോ​ഗ​സ്ഥ​നാ​ണ് അ​ന്വേ​ഷ​ണ റി​പ്പോ​ർ​ട്ട് ത​യാ​റാ​ക്കി ക​മ്മീ​ഷ​ൻ മു​ൻപാകെ ഹാ​ജ​രാ​ക്കി​യ​ത്.

സം​ഭ​വ​വു​മാ​യി ബ​ന്ധ​മി​ല്ലാ​ത്ത ഒ​രു പോ​ലീ​സു​ദ്യോ​ഗ​സ്ഥ​നാ​ണ് ഹ​ർ​ജി​യി​ലെ ആ​രോ​പ​ണ​ങ്ങ​ളെ​പ്പ​റ്റി അ​ന്വേ​ഷി​ച്ച് ക​മ്മീ​ഷ​ൻ മു​ൻപാകെ റി​പ്പോ​ർ​ട്ട് ന​ൽ​കേ​ണ്ടി​യി​രു​ന്ന​തെ​ന്നും, എ​ന്നാ​ൽ അ​പ്ര​കാ​ര​മു​ള്ള ഒ​രു റി​പ്പോ​ർ​ട്ട് ന​ൽ​കാ​തെ​യും ആ​രോ​പ​ണ​ങ്ങ​ളെ​പ്പ​റ്റി ഗൗ​ര​വ​ത​ര​മാ​യ ഒ​രു അ​ന്വേ​ഷ​ണം ന​ട​ത്താ​തെ​യും ന​ൽ​കി​യ റി​പ്പോ​ർ​ട്ട് സ്വീ​ക​രി​ക്കാ​നാ​വി​ല്ലെ​ന്നും ക​മ്മീ​ഷ​ൻ അ​റ​യി​ച്ചി​രു​ന്നു.
ഇൗ ​സാ​ഹ​ച​ര്യ​ത്തി​ലാ​ണ് ഐ​.ജി. റാ​ങ്കി​ലു​ള്ള ഒ​രു പോ​ലീ​സ് ഉ​ദ്യോ​ഗ​സ്ഥ​നെ​ക്കൊ​ണ്ട് സം​ഭ​വം അ​ന്വേ​ഷി​ക്കാ​ൻ ക​മ്മീ​ഷ​ൻ ഉ​ത്ത​ര​വാ​യ​ത്.

ഐ​.ജി​.യു​ടെ അ​ന്വേ​ഷ​ണ റി​പ്പോ​ർ​ട്ട് പ​രി​ശോ​ധി​ച്ച ശേ​ഷം തു​ട​ർ​ന​ട​പ​ടി സ്വീ​ക​രി​ക്കു​ന്ന​താ​ണെ​ന്ന് ക​മ്മീ​ഷ​ൻ ചെ​യ​ർ​മാ​ൻ പി.​കെ. ഹ​നീ​ഫ ഉ​ത്ത​ര​വി​ൽ പ​റ​യു​ന്നു.