ബി.സി.സി. റിസോഴ്സ് പരിശീലനം സംഘടിപ്പിച്ചു

അർച്ചന കണ്ണറവിള

നെയ്യാറ്റിൻകര: വിദ്യാഭ്യാസ വർഷം 2019-2020-ന്റെ ഭാഗമായി വിദ്യാർത്ഥി കേന്ദ്രകൃതമായി ബി.സി.സി. കളിൽ നടത്തുന്ന പരിപാടികളിലൂടെ നമ്മുടെ സമുദായത്തെ വിദ്യാഭ്യാസപരമായി ഉയർത്തുന്നത് ലക്ഷ്യം വച്ച് ഓരോ ബി.സി.സി. യൂണിറ്റിൽ നിന്നും തെരഞ്ഞെടുക്കപ്പെട്ട 5 അംഗ റിസോഴ്സ് ടീമിന്റെ ഇടവകതല പരിശീലനം 2019 മാർച്ച്‌ 3- ന് വൈകുന്നേരം 3 മണിക്ക് വെൺകുളം ദിവ്യകാരുണ്യ ദൈവാലയത്തതിൽ വച്ച് നടത്തി. കണ്ണറവിള പരിശുദ്ധാത്മ ദേവാലയവും, കഞ്ഞിരംകുളം ഫ്രാൻസിസ് അസീസി ദേവാലയവും സംയുക്തമായാണ് ഈ പരിശീലനപരിപാടി സംഘടിപ്പിച്ചത്.

ഇടവകവികാരി ബിനുവിന്റെ അധ്യക്ഷതയിൽ കൂടിയ പരിശീലനപരിപാടി ഉദ്‌ഘാടന യോഗത്തിൽ ബോർഡ്‌ ഫോർ എഡ്യൂക്കേഷൻ ഡയറക്ടർ ഫാ.ജോണി.കെ.ലോറൻസ് ഉദ്ഘാടനം നിർവഹിച്ചു. ഏപ്രിൽ 1 മുതൽ പ്രത്യേക വിദ്യാഭ്യാസ പ്രവർത്തനങ്ങൾ ആരംഭിക്കുന്നുവെന്നും. ‘നവദർശനം’ എന്ന പേരിൽ പത്താം ക്ലാസ്സ്‌ കഴിഞ്ഞ കുട്ടികൾക്കായുള്ള പ്രവർത്തനത്തിന്റെ ആദ്യഘട്ടം നടക്കുമെന്നും ബോർഡ്‌ ഫോർ എഡ്യൂക്കേഷൻ ഡയറക്ടർ അറിയിച്ചു. മാർച്ച്‌ 31-ന് ഇടവകകളിൽ ഇടവക വികാരിയുടെ സാനിധ്യത്തിൽ ഉദ്ഘാടനം ചെയ്യപ്പെടുന്ന ഈ പ്രോഗ്രാം ബി.സി.സി.കളിൽ ശക്തമായി നടത്തണമെന്നും അദ്ദേഹം കൂട്ടിച്ചേർത്തു.

‘കുട്ടിയെ പഠിപ്പിക്കുക അവനെ കൈപിടിച്ചു ഉയർത്തുക’ എന്ന ലക്ഷ്യം നാം മറന്നു പോകരുതെന്നും അച്ചൻ ഓർമിപ്പിച്ചു. മൂന്നു ഇടവകകളിൽ നിന്നുമായി 105 പേർ പങ്കെടുത്തു.