അനിൽ ജോസഫ്
പാറശാല: ദൈവദാസന്‍ മാര്‍ ഈവാനിയോസിന്റെ കബറിടത്തിലേക്ക്‌ പാറശാല മലങ്കര കത്തോലിക്കാ രൂപതയുടെ നേതൃത്വത്തില്‍ തീര്‍ഥാടന പദയാത്ര തുടങ്ങി. ഇന്നലെ രാവിലെ 8-ന്‌ അമ്പിലിക്കോണം സെന്റ്‌ സെബാസ്റ്റ്യന്‍ ദേവാലയത്തില്‍ രൂപതാ മെത്രാന്‍ തോമസ്‌ മാര്‍ യൗസേബിയൂസിന്റെ മുഖ്യകാര്‍മ്മികത്വത്തില്‍ നടന്ന കുര്‍ബനയോടെയാണ്‌ പദയാത്രക്ക്‌ തുടക്കമായത്‌.
പദയാത്രക്കുളള വളളികുരിശ്‌ ബിഷപ്‌ ആശീർവദിച്ച്‌ എം.സി.വൈ.എം. രൂപതാ പ്രസിഡന്റ്‌ ഷൈന്‍കുടയാലിന്‌ കൈമാറി. വിവിധ ദേവാലയങ്ങളുടെ സ്വീകരണം ഏറ്റുവാങ്ങി ഇന്നലെ വൈകിട്ടോടെ ബാലരാമപാരം സെന്റ്‌ ജോസഫ് ദേവാലയത്തില്‍ എത്തിച്ചേര്‍ന്ന പദയാത്ര ഇന്ന്‌ രാവിലെ 8-ന്‌ നടക്കുന്ന വിശുദ്ധ കുര്‍ബാനയെ തുടര്‍ന്ന്‌ വീണ്ടും പ്രയാണം ആരംഭിക്കും.
ഇന്ന്‌ ഉച്ചയോടെ വിവിധ വൈദിക ജില്ലകളില്‍ നിന്നെത്തുന്ന പദയാത്രകള്‍ക്കൊപ്പം തമലം തിരുഹൃദയ ദേവാലയത്തില്‍ എത്തിച്ചേരുന്ന പദയാത്ര പ്രധാന പദയാത്രക്കൊപ്പം പട്ടത്തെ സെന്റ്‌ മേരീസ്‌ കത്തിഡ്രലിലെ കബറിടം ലക്ഷ്യമാക്കി യാത്ര തിരിക്കും.
രൂപതയിലെ കാട്ടാക്കട, ചെമ്പൂര്‍ വൈദിക ജില്ലകളുടെ പദയാത്രകള്‍ പാളയത്ത്‌ വച്ച്‌ പ്രധാന പദയാത്രക്കൊപ്പം ചേരും. പദയാത്രക്ക്‌ എം.സി.വൈ.എം. രൂപതാ ഡയറക്‌ടര്‍ ഫാ. ബനഡിക്‌ട്‌ വാറുവിള , ജനറല്‍ സെക്രട്ടറി എയ്‌ഞ്ചല്‍മേരി, സെക്രട്ടറി അനൂപ്‌, സിന്‍ഡിക്കേറ്റ്‌ അംഗം ശരത്‌ തുടങ്ങിയവരാണ്‌ നേതൃത്വം നല്‍കുന്നത്‌.
പാറശാല രൂപത നിലവില്‍ വന്നശേഷമുളള ആദ്യ തീര്‍ഥാടന പദയാത്രയാണ്‌ എം.സി.വൈ.എം. ന്റെയും രൂപതാ വിശ്വാസികളുടെയും നേതൃത്വത്തില്‍ നടക്കുന്നത്‌.
ആണ്ടുവട്ടത്തിലെ ഇരുപത്തിയെട്ടാം ഞായർ നഗരത്തിൽ ഒരു വിവാഹവിരുന്ന് ഒരുക്കിയിരിക്കുന്നു. രാജാവിന്റെ മകൻ വിവാഹിതനാകുന്നു. പക്ഷേ ക്ഷണിതാക്കൾ എല്ലാവരും തന്നെ ഒഴികഴിവുകൾ…
ജോസ് മാർട്ടിൻ ആലപ്പുഴ: കേരള ലത്തീൻ കത്തോലിക്കാ സമുദായത്തിന്റെ ഉന്നത നയരൂപീകരണ സമിതിയായ കേരള റീജൻ ലാറ്റിൻ കാത്തലിക് കൗൺസിലിന്റെ…
ആണ്ടുവട്ടത്തിലെ ഇരുപത്തിയേഴാം ഞായർ മുന്തിരിത്തോട്ടം ആഖ്യായികയാകുന്ന മറ്റൊരു ഉപമ. ഏകദേശം ആറു പ്രാവശ്യം മുന്തിരിത്തോട്ടം യേശുവിന്റെ ഉപമകളിൽ ആഖ്യായികയാകുന്നുണ്ട്. മാത്രമല്ല…
ആണ്ടുവട്ടത്തിലെ ഇരുപത്തിമൂന്നാം ഞായർ മത്തായിയുടെ സമൂഹത്തിൽ “ചെറിയവർ” എന്നതുകൊണ്ട് ഉദ്ദേശിക്കുന്നത് സമൂഹത്തിലെ ഏറ്റവും ദുർബലരായവരെയും, വിശ്വാസത്തിൽ പുതുമുഖങ്ങളായവരെയും ആണ്. അവരിൽ…
ആണ്ടുവട്ടത്തിലെ ഇരുപത്തിയൊന്നാം ഞായർ ചിങ്ങമാസത്തിലെ ഏതെങ്കിലും ഒരു ഞായറാഴ്ച യേശുവിന്റെ ഏറ്റവും സുന്ദരമായ ഒരു ചോദ്യവുമായി ആരാധനക്രമം നമ്മിലേക്ക് വരാറുണ്ട്.…
ജോസ് മാർട്ടിൻ മുതിർന്ന മാധ്യമ പ്രവർത്തകനും, മാധ്യമപരിശീലകനും,അദ്ധ്യാപകനും,വരാപ്പുഴ അതിരൂപതാ അംഗവുമായ പ്രൊഫ. ഡോ. ഇഗ്നേഷ്യസ് ഗോൺസാൽവസിനെ അദ്ദേഹത്തിന്റെ സഭാ-സാമൂഹിക മേഖലകളിലെ സമഗ്ര…
This website uses cookies.
