ജോസ് ആന്റണി ആലപ്പുഴ രൂപതാ കുട്ടികളുടെ കമ്മീഷൻ ഡയറക്ടർ

ജോസ് മാർട്ടിൻ

ആലപ്പുഴ: കേരള ലത്തീൻ കത്തോലിക്കാ മെത്രാൻ സമിതിയുടെ കുട്ടികളുടെ കമ്മീഷന്റെ ആലപ്പുഴ രൂപതാ ഡയറക്ടറായി ജോസ് ആന്റെണി വട്ടത്തിലിനെ രൂപതാ അധ്യക്ഷൻ ഡോ.ജെയിംസ് ആനാപ്പറമ്പിൽ നിയമിച്ചു.

ആലപ്പുഴ ലിയോ തേർട്ടീന്ത് ഹൈസ്കൂൾ അധ്യാപകനായ ജോസ് ആന്റെണി, ആലപ്പുഴ മൗണ്ട് കാർമൽ കത്തീഡ്രൽ ബി.സി.സി. പ്രസിഡന്റ്, കാത്തലിക് ടീച്ചേഴ്സ് ഗിൽഡ് മുൻ സംസ്ഥാന ട്രഷറർ, ടീച്ചേഴ്സ് ഗിൽഡ് ആലപ്പുഴ രൂപതാ മുൻ പ്രസിഡന്റ്, തുടങ്ങി വിവിധ മേഖലകളിൽ തന്റെ മികവ് തെളിയിച്ചിട്ടുണ്ട്.

കേരള സഭാ ചരിത്രത്തിൽ ആദ്യമായാണ് ഒരു അല്മായനെ ഈ പദവിയിൽ നിയമിക്കുന്നത്.