ചുള്ളിമാനൂർ ഫൊറോന ബി.സി.സി. സംഗമം നടത്തി

ഫ്രാൻസി അലോഷ്യസ്

ചുള്ളിമാനൂർ: ചുള്ളിമാനൂർ ഫൊറോനയുടെ BCC സംഗമം നെയ്യാറ്റിൻകര രൂപത ശുശ്രൂഷ കോ-ഓർഡിനേറ്റർ മോൺ.വി.പി. ജോസ് ഉദ്ഘാടനം ചെയ്തു. തുടർന്ന്, KRLCC വിദ്യാഭ്യാസ സമിതി എക്സിക്യൂട്ടീവ് സെക്രട്ടറിയും തിരുവനന്തപുരം അതിരൂപത അംഗവുമായ ഫാ. ചാൾസ് ലിയോൺ ക്ലാസിന് നേതൃത്വം കൊടുത്തു.

തുടർന്ന് നടന്ന പൊതു സമ്മേളനത്തിൽ ചുള്ളിമാനൂർ ഫൊറോന വികാരി ഫാ. അൽഫോൺസ് ലിഗോരി അദ്ധ്യക്ഷത വഹിച്ചു. ഫെറോന വൈദിക സമിതി എക്സി.സെക്രട്ടറിയും കാൽവരി ഇടവക വികാരിയുമായ ഫാ.ജെൻസൺ, വിതുര ഇടവക വികാരി ഫാ.സെബാസ്റ്റ്യൻ കണിച്ചുകന്നത്ത് 0SJ, വാഴവിള ഇടവക വികാരി ഫാ.മൈക്കിൾ CM, ഫാ.ബനഡിക്ട്, വിതുര വിസിറ്റേഷൻ കോൺവന്റ് സുപ്പീരിയർ സി.എലിസബത്ത് സേവ്യർ, ഫൊറോന പാസ്റ്ററൽ കൗൺസിൽ വൈസ് പ്രസിഡന്റ് ശ്രീ. സൈമൺ തുടങ്ങിയവർ ആശംസകൾ അർപ്പിച്ചു.

തുടർന്ന്, ഉന്നത വിദ്യാഭ്യാസത്തിന് അർഹരായ വിദ്യാർത്ഥികൾക്ക് മൊമെന്റൊ നൽകി ആദരിച്ചു. ഫെറോനയിലെ എല്ലാ ഇടവകകളിലേയും പ്രവർത്തന റിപ്പോർട്ടുകൾ അതാത് ഇടവക BCC കോഡിനേറ്റർമാർ അവതരിപ്പിച്ചു.

സംഗമത്തിന് മാറ്റുകൂട്ടുവാൻ വിവിധ ഇടവകകളിലെ കലാവിരുന്നും ഉണ്ടായിരുന്നു. സംഗമത്തിൽ കടന്നു വന്ന ഏവർക്കും BCC ഫൊറോന ആനിമേറ്റർ ശ്രി. അഗസ്റ്റിൻ സ്വാഗതവും, ഫൊറോന കൗൺസിൽ സെക്രട്ടറി ശ്രീ. സെബസ്ത്യാനോസ് നന്ദിയും അർപ്പിച്ചു.