ജോസ് മാർട്ടിൻ
കൊച്ചി: കേരള ലാറ്റിൻ കാത്തലിക് ഹിസ്റ്ററി അസോസിയേഷന്റെ പ്രഥമ ചരിത്ര അവാർഡുകൾ പ്രഖ്യാപിച്ചു. വിജയപുരം രൂപതാ കോർപ്പറേറ്റ് എഡ്യൂക്കേഷൻ ഏജൻസി ഡയറക്ടറും, കെ.ആർ.എൽ.സി.ബി.സി. ഹെറിറ്റേജ് കമ്മീഷൻ സെക്രട്ടറിയും, ചരിത്രകാരനുമായ റവ.ഡോ. ആന്റെണി ജോർജ് പാട്ടപ്പറമ്പിലിന് അന്തരിച്ച ഷെവലിയർ പ്രൊഫ. എബ്രഹാം അറയ്ക്കൽ മെമ്മോറിയൽ ചരിത്രഭൂഷൺ പുരസ്കാരം ലഭിച്ചു. 25,000 രൂപയും പ്രശസ്തിപത്രവുമടങ്ങുന്ന പുരസ്ക്കാരം 2026 ഫെബ്രുവരി 1-ന് രാവിലെ 11-ന് എറണാകുളം പാലാരിവട്ടം പി.ഒ.സി.യിൽ ചേരുന്ന സമ്മേളനത്തിൽ വച്ച് സമ്മാനിക്കും.
കൂടാതെ, സഭാ സമുദായ ചരിത്രം പഠിക്കുക, പഠിപ്പിക്കുക, പ്രചരിപ്പിക്കുക, പുസ്തകങ്ങൾ പ്രസിദ്ധീകരിക്കുക തുടങ്ങിയ മേഖലകളിൽ പ്രാഗത്ഭ്യം തെളിയിച്ച പ്രൊഫ. ഇഗ്നേഷ്യസ് ഗോൺസാൽവസ്, വിൽഫ്രഡ് പുല്ലുവിള, ജോർജ് ജെക്കോബി, മോൺ. ഫെർഡിനൻഡ് കായാവിൽ, ഫാ.ഡോ. വി. പി. ജോസഫ് വലിയവീട്ടിൽ, ഫാ. റൊമാൻസ് ആന്റെണി, പീറ്റർ കുരിശിങ്കൽ, പി. ദേവദാസ്, ഫാ. ജോർജ് അറയ്ക്കൽ, സ്റ്റാൻലി പാട്രിക്, സിസ്റ്റർ ഡോ. സൂസി കിണറ്റിങ്കൽ, എഫ്. ആന്റെണി പുത്തൂർ ചാത്യാത്ത്, ഫാ. നെൽസൺ തൈപ്പറമ്പിൽ, രതീഷ് ഭജനമഠം, സിസ്റ്റർ ഡോ. മേരി അന്റോണിയോ, ക്രിസ്റ്റഫർ മാളിയേക്കൽ, ജോസഫ് മാനിഷാദ്, ഫാ. രൂപേഷ് മൈക്കിൾ, ഫാ. ജോഷി മുട്ടിക്കൽ എന്നിവരെ ചരിത്രപ്രതിഭ അവാർഡും മാർഷൽ ഫ്രാങ്ക്, ആന്റെണി ചടയംമുറി എന്നിവരെ ചരിത്രബോധി അവാർഡും നൽകി ആദരിക്കും.
വരാപ്പുഴ മെട്രോപൊളിറ്റൻ ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ സമ്മേളനം ഉത്ഘാടനം ചെയ്യും, അവാർഡ്കൾ വിതരണം ചെയ്യും. കണ്ണൂർ രൂപത മെത്രാൻ ഡോ.അലക്സ് വടക്കുംതല മുഖ്യപ്രഭാഷണം നടത്തും. കെഎൽസിഎച്എ പ്രസിഡന്റ് ഡോ.ചാൾസ് ഡയസ് എക്സ് എം പി അധ്യക്ഷത വഹിക്കുന്ന സമ്മേളനത്തിൽ മോൺ.റോക്കി റോബി കളത്തിൽ, ഫാ. ഡോ. ജോൺ ബോസ്കോ, ഇഗ്നേഷ്യ തോമസ്, ഒസിഡി മഞ്ഞുമ്മൽ പ്രോവിൻസ് പ്രൊവിൻഷ്യൽ വെരി റവ. ഡോ. അഗസ്റ്റിൻ മുല്ലൂർ ഒസിഡി, റവ.ഫാ.തോമസ് തറയിൽ, ജോസഫ് ജൂഡ്, റവ.ഫാ.ഡോ. ജിജു ജോർജ് അറക്കത്തറ, ജോയ് ഗോതുരുത്ത്, ഡോ.ഗ്രിഗറി പോൾ തുടങ്ങിയവർ പ്രസംഗിക്കും. ‘ദൈവദാസൻ ആർച്ച്ബിഷപ് അലോഷ്യസ് മരിയ ബെൻസിഗർ, തിരുവിതാംകൂറിലെ പ്രേഷിത താരകം’ എന്ന ചരിത്ര ഗ്രന്ഥം ബിഷപ് ഡോ. അലക്സ് വടക്കുംതല പ്രകാശനം ചെയ്യും. എഡിറ്റർ ഇഗ്നേഷ്യസ് തോമസ് പുസ്തകം പരിചയപ്പെടുത്തും. ഒസിഡി മലബാർ പ്രോവിൻസ് പ്രൊവിൻഷ്യൽ റവ.ഫാ.പീറ്റർ ചക്യാത്ത് പുസ്തകം ഏറ്റുവാങ്ങും.
സമ്മേളനത്തോടനുബന്ധിച്ച് ജനുവരി 31-ന് വൈകിട്ട് 5 മുതൽ പി.ഒ.സി.യിൽ എഴുത്തുകാരുടെ പുസ്തക പ്രദർശനവും നടത്തപ്പെടുമെന്ന് കെ.എൽ.സി.എച്.എ ഭാരവാഹികളായ മോൺ. റോക്കി റോബി കളത്തിൽ, ഡോ.ചാൾസ് ഡയസ്, ഡോ.ഗ്രിഗറി പോൾ, ജോസഫ് ആഞ്ഞിപ്പറമ്പിൽ എന്നിവർ പത്രക്കുറിപ്പിൽ അറിയിച്ചു.
ആണ്ടുവട്ടത്തിലെ നാലാം ഞായർ "ജനക്കൂട്ടത്തെ കണ്ടപ്പോൾ യേശു മലയിലേക്കു കയറി". തന്നെ അനുഗമിക്കുന്നവരുടെ വേദന, കണ്ണുനീർ, അവർ അനുഭവിച്ച അനീതികൾ,…
ആണ്ടുവട്ടത്തിലെ മൂന്നാം ഞായർ യോഹന്നാൻ ബന്ധനസ്ഥനായിരിക്കുന്നു. എല്ലാവർക്കുമുള്ള ഒരു സന്ദേശമായിരുന്നു അത്. രാജാവിന് അപ്രിയമായതൊന്നും പ്രസംഗിക്കരുത് എന്ന സന്ദേശം. ഭയത്തിന്റെ…
ആണ്ടുവട്ടത്തിലെ രണ്ടാം ഞായർ "ഇതാ, ദൈവത്തിന്റെ കുഞ്ഞാട്" - തന്റെ അടുത്തേക്ക് വരുന്ന നസ്രായനെ നോക്കി സ്നാപകൻ ശിഷ്യന്മാർക്ക് നൽകുന്ന…
ക്രിസ്തുവിന്റെ ജ്ഞാനസ്നാന തിരുനാൾ 30 വർഷങ്ങൾ കടന്നുപോയി: ബെത്ലഹേമിലെ കുഞ്ഞ് ഇപ്പോൾ ഒരു യുവാവാണ്. എവിടെയായിരുന്നു അവൻ ഇത്രയും നാളും?…
പ്രത്യക്ഷവൽക്കരണത്തിരുനാൾ ഇന്ന്, പ്രത്യക്ഷവത്കരണത്തിരുനാൾ, അതായത്, മിശിഹാ ഇസ്രായേലിന്റെ ഒരു സ്വകാര്യ നിധിയല്ല, മറിച്ച് എല്ലാവർക്കും വേണ്ടിയുള്ളതാണെന്നു പ്രഖ്യാപിക്കുന്ന ആഘോഷം. ലൂക്കാ…
ജോസ് മാർട്ടിൻ ആലപ്പുഴ: ക്രിസ്തുവിന്റെ മനുഷ്യാവതാര ജൂബിലി വർഷത്തിന്റെ സമാപനത്തിന്റെ ഭാഗമായി ആലപ്പി എക്യുമെനിക്കൽ കൗൺസിലിന്റെ ആഭിമുഖ്യത്തിൽ ആലപ്പുഴ പട്ടണത്തിലെ…
This website uses cookies.
