ഏതൊരു മനുഷ്യനും പീഢിപ്പിക്കപ്പെടുമ്പോൾ അതിനു പിന്നിൽ പൈശാചിക ശക്തി; ഫ്രാൻസിസ് പാപ്പാ

സ്വന്തം ലേഖകൻ

വത്തിക്കാൻ സിറ്റി: ലോകത്തിൽ ക്രൈസ്തവരെന്നല്ല ഏതൊരു മനുഷ്യനും പീഢിപ്പിക്കപ്പെടുമ്പോൾ അതിനു പിന്നിൽ പൈശാചിക ശക്തിയാണെന്ന് ഫ്രാൻസിസ് പാപ്പാ.  ക്രൈസ്തവരുടെ വിശ്വാസത്തെയും  സ്ത്രീപുരുഷന്മാരിലുള്ള ദൈവിക ഛായയേയും, സ്ത്രീയും പുരുഷനും തമ്മിലുള്ള ഐക്യത്തെയും നശിപ്പിക്കാൻ സാത്താൻ ശ്രമിക്കുകയാണെന്നും യുദ്ധവും ഇത്തരത്തിലുള്ള അക്രമങ്ങളും  അതിനുള്ള ഉപകരണങ്ങളാണെന്നും പാപ്പാ പറഞ്ഞു.

വത്തിക്കാനിൽ, വിശുദ്ധ മാർത്തയുടെ നാമത്തിലുള്ള “ദോമൂസ് സാംക്തെ മാർത്തെ” കപ്പേളയിൽ വെള്ളിയാഴ്ച രാവിലെ വിശുദ്ധ കുർബാന മദ്ധ്യേ വചനം പങ്കുവയ്ക്കുകയായിരുന്നു  നടത്തുകയായിരുന്നു പാപ്പാ.

ലോകത്തിൽ ഇന്നും ക്രൈസ്തവർ ദാരുണമായി പീഢിപ്പിക്കപ്പെടുമ്പോൾ വാർത്താമാധ്യമങ്ങൾ മൗനം പാലിക്കുകയും ചെയ്യന്നുവെന്ന് പാപ്പാ ഓർമ്മിപ്പിച്ചു.

ആയുധനിർമ്മാണ ശാലകൾ നടത്തുന്നവരെ പാപ്പാ കുറ്റപ്പെടുത്തി. പട്ടിണി, അടിമത്തം, സാസ്കാരിക കോളണിവത്ക്കരണം, യുദ്ധങ്ങൾ എന്നിവയുടെയല്ലാം പിന്നിൽ സാത്താനാണെന്നും; അടിമത്തത്തിന്‍റെ രൂപങ്ങൾ നിരവധിയാണെന്നും പാപ്പാ ഓർമ്മിപ്പിക്കുന്നു.