പെരിങ്ങഴ സെന്‍റ് ജോസഫ് പള്ളി ഇനി തീര്‍ത്ഥാടന കേന്ദ്രം
1864 നവംബര്‍ ഒന്നിനാണ് പെരിങ്ങഴ പള്ളി സ്ഥാപിതമായത്
സ്വന്തം ലേഖകന്‍
മൂവാറ്റുപുഴ ; കോതമംഗലം രൂപതക്ക് കീഴിലെ പെരിങ്ങഴ സെന്‍റ് ജോസഫ് പള്ളിയെ തീര്‍ത്ഥാടനകേന്ദ്രമായി 21 ന് കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍ പ്രഖ്യാപിക്കും.
1864 നവംബര്‍ ഒന്നിനാണ് പെരിങ്ങഴ പള്ളി സ്ഥാപിതമായത് എല്ലാവര്‍ക്കും പ്രാഥമിക വിദ്യാഭ്യാസം എന്ന ലക്ഷ്യത്തോടെ 1916-ല്‍ എല്‍പി സ്കൂളും 1979 യുപിസ്കൂളും പള്ളിയുടെ നേതൃത്വത്തില്‍ ആരംഭിച്ചു ജാതി മത ഭേദമന്യേ എല്ലാവരും എല്ലാവര്‍ക്കും ഭവനം എന്ന സ്വപ്നം യാഥാര്‍ത്ഥ്യമാക്കുന്നതിന് വീടുകള്‍ നിര്‍മിച്ച് വാസയോഗ മാക്കുവാനും ഇടവക നേതൃത്വം നല്‍കി.
പ്രായമായ മാതാപിതാക്കള്‍ക്ക് അഗതിമന്ദിരം സ്ഥാപിച്ചത് ഇടവകയുടെ സാമൂഹ്യപ്രതിബദ്ധത ലഭിച്ച അംഗീകാരമായാണ് തീര്‍ത്ഥാടന കേന്ദ്രമായി ഇടവകയെ ഉയര്‍ത്തുന്ന പ്രഖ്യാപനത്തെ ഇടവക സമൂഹം കാണുന്നത്.
21 ന് രാവിലെ 6 45 ന് ബിഷപ്പ് മാര്‍ ജോര്‍ജ് മഠത്തിക്കണ്ടത്തില്‍ സ്വീകരണം ഉണ്ടാകും ഏഴിന് പൊന്തിഫിക്കല്‍ കുര്‍ബാന തുടര്‍ന്ന് ബിഷപ്പ് തീര്‍ത്ഥാടന കേന്ദ്രത്തിന്‍റെ പ്രഖ്യാപനം നിര്‍വഹിക്കും
