ഇടുക്കി രൂപത കെ.സി.വൈ.എം എസ്.എം.വൈ.എം ന് പുതിയ നേതൃത്വം
കെസിവൈഎം ഇടുക്കി രൂപത പ്രസിഡന്‍റായി സാം സണ്ണി പുള്ളിയില്‍ തെരഞ്ഞെടുക്കപ്പെട്ടു.
സ്വന്തം ലേഖകന്‍
കരിമ്പന്‍(ഇടുക്കി): കെസിവൈഎം ഇടുക്കി രൂപത പ്രസിഡന്‍റായി സാം സണ്ണി പുള്ളിയില്‍ തെരഞ്ഞെടുക്കപ്പെട്ടു.
രണ്ടു ദിവസമായി അടിമാലി ആത്മജ്യോതി പാസ്റ്ററല്‍ സെന്‍ററില്‍ വെച്ച് നടന്ന സെനറ്റ് സമ്മേളനത്തിലാണ് തെരഞ്ഞെടുപ്പ് നടന്നത്. കോതമംഗലം സി.എസ്.എന്‍ പ്രൊവിന്‍ഷ്യല്‍ സുപ്പീരിയര്‍ സിസ്റ്റര്‍ ലിന്‍സി സി.എസ്.എന്‍ സെനറ്റ് സമ്മേളനം ഉദ്ഘാടനംചെയ്തു.
ഇടുക്കി രൂപത മെത്രാന്‍ മാര്‍ ജോണ്‍ നെല്ലിക്കുന്നേല്‍ സമാപന സമ്മേളനം ഉദ്ഘാടനം ചെയ്തു. രൂപതയിലെ വിവിധ യൂണിറ്റുകളില്‍ നിന്നും മേഖലയില്‍ നിന്നും നൂറുകണക്കിന് ഭാരവാഹികള്‍ സെനറ്റ് സമ്മേളനത്തില്‍ പങ്കെടുത്തു.
ജനറല്‍ സെക്രട്ടറിയായി അമല്‍ ജിജു ജോസഫ്, വൈസ് പ്രസിഡന്‍റുമാരായി ഡമില്‍ കെ ഷിബു, സൗപര്‍ണിക സന്തോഷ്, ട്രഷററായി ജിതിന്‍ ജോണ്‍സണ്‍. സെക്രട്ടറിമാരായി ഡെല്ല മാത്യു, ഐബിന്‍ വി ഐസക് എന്നിവരെയും, എക്സിക്യൂട്ടീവ് അംഗങ്ങളായി ആന്‍മരിയ ഷാജു, അമിത ട്രീസ സാജന്‍, അബിന്‍ ജോണ്‍സണ്‍, ഡൊണാള്‍ഡ് ജോസഫ് റെജി, എന്നിവരെയും തെരഞ്ഞെടുത്തു.
ഗ്രാഫിക് ഡിസൈനറായ സാം പാറത്തോട് പുള്ളിയില്‍ സണ്ണി മേഴ്സി ദമ്പതികളുടെڔമകനാണ്.
