കേന്ദ്ര- സംസ്ഥാന സർക്കാരുകളുടെ ജനദ്രോഹ നടപടികൾക്കെതിരെ കെ.സി.വൈ.എം.ന്റെ പ്രതിഷേധസംഗമം
മാറി മാറിവരുന്ന ഭരണ പാർട്ടികൾ സാധാരണ ജനങ്ങളുടെ ജീവിതം ദുസ്സഹമാക്കി കൊണ്ടിരിക്കുന്നു ശക്തമായ പ്രതിഷേധങ്ങൾ ഉയരണം...
![](https://catholicvox.com/wp-content/uploads/2023/02/Kcym-780x470.jpg)
ജോസ് മാർട്ടിൻ
കൊച്ചി: കേന്ദ്ര-സംസ്ഥാന സർക്കാരുകൾ നടപ്പിലാക്കിക്കൊണ്ടിരിക്കുന്ന ജനദ്രോഹ നടപടികൾക്കെതിരെ കെ.സി.വൈ.എം. കൊച്ചി രൂപതയുടെ ആഭിമുഖ്യത്തിൽ പ്രതിഷേധ സംഗമം സംഘടിപ്പിച്ചു. മാറി മാറിവരുന്ന ഭരണ പാർട്ടികൾ സാധാരണ ജനങ്ങളുടെ ജീവിതം ദുസ്സഹമാക്കി കൊണ്ടിരിക്കുകയാണെന്നും, അതിനെതിരെ ശക്തമായ പ്രതിഷേധങ്ങൾ ഉയരണമെന്നും കൊച്ചി രൂപതാ കെ.എൽ.സി.എ. അധ്യക്ഷൻ പൈലി ആലുങ്കൽ പ്രതിഷേധ സംഗമം ഉദ്ഘാടനം ചെയ്തു കൊണ്ട് പറഞ്ഞു.
കെ.സി.വൈ.എം. കൊച്ചി രൂപതാ വൈസ് പ്രസിഡന്റ് ഡാനിയ ആന്റണി അധ്യക്ഷത വഹിച്ച പരിപാടിയിൽ കെ.സി.വൈ.എം. കൊച്ചി രൂപത മുൻ പ്രസിഡന്റ് ജോസഫ് ദിലീപ്, മുൻകാല നേതാക്കളായ സുമിത്ത് ജോസഫ്, ബിജു അറക്കപ്പാടത്ത് എന്നിവർ സംസാരിച്ചു.
കെ.സി.വൈ.എം കൊച്ചി രൂപത വൈസ് പ്രസിഡന്റ് ടിഫി ഫ്രാൻസിസ്, രൂപതാ സെക്രട്ടറിമാരായ അലീഷാ ട്രീസ, ആന്റണി നിതീഷ്, വരുൺ രെജു, ബേസിൽ റിച്ചാർഡ്, സ്കോട്ട് എഡ്വേർഡ് യൂണിറ്റുകളിൽ നിന്നുള്ള കെ.സി.വൈ.എം. പ്രവർത്തകരും സന്നിഹിതരായിരുന്നു.