സ്വന്തം ലേഖകൻ
കണ്ണൂർ: കേരളത്തിൽ നടപ്പിലാക്കിയ (EWS) സാമ്പത്തിക സംവരണത്തിലെ അപാകതകൾ പരിഹരിക്കുവാൻ വേണ്ട സത്വരനടപടികൾ സർക്കാർ സ്വീകരിക്കണമെന്ന് കണ്ണൂർ രൂപത മെത്രാൻ ബിഷപ്പ് അലക്സ് വടക്കുംതല ആവശ്യപ്പെട്ടു. കണ്ണൂർ കലക്ടറേറ്റ് പടിക്കൽ കേരള ലാറ്റിൻ കാത്തലിക് അസോസിയേഷൻ കണ്ണൂർ രൂപതയുടെ യുടെ ആഭിമുഖ്യത്തിൽ നടത്തിയ ‘നിൽപ്പ് സമരം’ ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. മുന്നോക്ക സംവരണം നടപ്പിലാക്കിയ വിദ്യാഭ്യാസ മേഖലയിൽ നിന്ന് വരുന്ന കണക്കുകൾ സാമൂഹ്യനീതിയുടെ അട്ടിമറിയിലേക്കാണ് വിരൽചൂണ്ടുന്നതെന്നും, അതേസമയം സംവരണം ഭരണഘടന പിന്നോക്കവിഭാഗങ്ങൾക്ക് ഉറപ്പുനൽകുന്ന സാമൂഹ്യ സമത്വത്തിന്റെയും തുല്യനീതിയുടെയും പ്രയോഗവൽക്കരണമാണെന്നും ബിഷപ്പ് പറഞ്ഞു.
നീണ്ട പോരാട്ടത്തിനൊടുവിൽ പൂർവ്വികരായ നിരവധി മഹാത്മാക്കളുടെ ത്യാഗത്തിന്റെ ഫലമായി ലഭ്യമായ പിന്നോക്കവിഭാഗങ്ങൾക്കുള്ള സംവരണത്തെ നിയമനിർമ്മാണങ്ങളിലൂടെ ഇല്ലായ്മചെയ്യാൻ നോക്കുന്ന സർക്കാറുകൾ ഭരണഘടനയുടെ ആത്മാവിനെ തിരസ്കരിക്കുകയാണെന്നും, ആയതിനാൽ സാമ്പത്തിക സംവരണത്തിലെ അപാകതകൾ എത്രയും വേഗം പരിഹരിച്ച്, പിന്നോക്ക വിഭാഗങ്ങളുടെ ആശങ്കകൾ സർക്കാർ പരിഹരിക്കണമെന്ന് ബിഷപ്പ് ആവശ്യപ്പെട്ടു.
കേരളത്തിലെ വ്യത്യസ്ത ഉദ്യോഗമേഖലകളിലെ സമുദായം തിരിച്ചുള്ള സെൻസസ് വിവരങ്ങൾ സർക്കാർ അടിയന്തരമായി പുറത്തു വിടണമെന്ന് തുടർന്ന് സംസാരിച്ച കെഎൽസിഎ സംസ്ഥാന പ്രസിഡന്റ് ആൻറണി നൊറോണ ആവശ്യപ്പെട്ടു. കെ.എൽ.സി.എ. രൂപത പ്രസിഡന്റ് രതീഷ് ആന്റെണി പരിപാടിയിൽ അധ്യക്ഷത വഹിച്ചു. രൂപതാ സെക്രട്ടറി ഗോഡ്സൺ ഡിക്രൂസ്, വൈസ് പ്രസിഡന്റ്മാരായ കെ.എച്ച്.ജോൺ, ജോസഫൈൻ കെ., വിക്ടർ ജോർജ്, ഷിബു ഫെർണാണ്ടസ്, അമൽ ദാസ്, പീറ്റർ കണ്ണാടിപ്പറമ്പ് എന്നിവർ സംസാരിച്ചു.
ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്‌സ്…
സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…
ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…
ആണ്ടുവട്ടത്തിലെ മുപ്പതാം ഞായർ ഒരൊറ്റ ക്രിയയിലാണ് കൽപ്പനകൾ മുഴുവൻ സംഗ്രഹിച്ചിരിക്കുന്നത്; സ്നേഹിക്കുക (Ἀγαπήσεις = Agapēseis). ഭാവിയിലേക്കാണ് അത് വിരൽചൂണ്ടുന്നത്.…
ആണ്ടുവട്ടത്തിലെ ഇരുപത്തിയൊമ്പതാം ഞായർ നമുക്ക് എപ്പോഴും ആരുടെയെങ്കിലും സ്വന്തമായിരിക്കേണ്ടതുണ്ട്. യേശുവിന് കാണിച്ചുകൊടുത്ത റോമൻ നാണയത്തെപ്പോലെ. അതിലെ രൂപവും ലിഖിതവും സീസറിന്റേതാണ്.…
ആണ്ടുവട്ടത്തിലെ ഇരുപത്തിയെട്ടാം ഞായർ നഗരത്തിൽ ഒരു വിവാഹവിരുന്ന് ഒരുക്കിയിരിക്കുന്നു. രാജാവിന്റെ മകൻ വിവാഹിതനാകുന്നു. പക്ഷേ ക്ഷണിതാക്കൾ എല്ലാവരും തന്നെ ഒഴികഴിവുകൾ…
This website uses cookies.
