ജോസ് മാർട്ടിൻ
ആലുവ: റവ.ഡോ.രാജദാസ് ജ്ഞാനമുത്തന്‍ രചിച്ച മലയാളത്തിലെ ആദ്യത്തെ ലത്തീന്‍ ആരാധനക്രമത്തെ കുറിച്ചുള്ള (ലിറ്റര്‍ജി) സമ്പൂര്‍ണ്ണ വിജ്ഞാനകോശം വാല്യം -1 ആണ് “ആരാധന ക്രമത്തിന്റെ ആമുഖപഠനം” എന്ന പേരിൽ അഭിവന്ദ്യ സൂസപാക്യം പിതാവ് പ്രകാശനം ചെയ്തത്. കൊല്ലത്ത് വച്ചുനടന്ന കെ.ആർ.എൽ.സി.ബി.സി.യുടെ സമ്മേളനത്തിൽ വച്ച് നെയ്യാറ്റിൻകര രൂപത മെത്രാൻ ഡോ.വിൻസെന്റ് സാമുവൽ മോൺ.ജി.ക്രിസ്തുദാസിനോടൊപ്പം സൂസപാക്യം പിതാവിന് പുസ്തകം കൈമാറുകയും കേരളത്തിലെ എല്ലാ ബിഷപ്പുമാരുടെയും സാന്നിധ്യത്തിലായിരുന്നു പുസ്തകത്തിന്റെ പ്രകാശനം നടന്നത്.
ക്രിസ്തുവിന്റെ പെസഹാരഹസ്യങ്ങളില്‍ സജീവമായും, ഫലപ്രദമായും പങ്കുചേരാന്‍ സാധിക്കണമെങ്കില്‍ ആരാധനാക്രമത്തിലെ വിവിധ ഘടകങ്ങളെ പറ്റി നാം അവബോധമുള്ളവരായിരിക്കണം. “ആരാധന ക്രമത്തിന്റെ ആമുഖപഠനം” എന്ന ഈ പുസ്തകം ആരാധനാ ക്രമത്തിന്റെ വിവിധതലങ്ങളിലേക്ക് വിശ്വാസികളെ നയിക്കുന്നു. ആരാധനാ ക്രമത്തെപറ്റിയുള്ള സമഗ്രപഠനമെന്നനിലയില്‍, ആരാധനാക്രമത്തില്‍ സജീവമായി പങ്കെടുക്കാന്‍ ക്രൈസ്തവ വിശ്വാസികളെ ഈ ഗ്രന്ഥം പ്രാപ്തരാക്കുന്നു.
ഈ ഗ്രന്ഥം നാല് ഭാഗങ്ങളായാണ് ക്രമീകരിച്ചിരിക്കുന്നത്;
(1) ആരാധനാക്രമത്തിന്റെ പൊതുപഠനം
(2) കൂദാശകളുടെ പരികര്‍മം
(3) കൂദാശാനുകരണങ്ങള്‍
(4) ജനപ്രിയഭക്തി
ആരാധനാക്രമത്തിന്റെ പൊതുപഠനം എന്ന ഭാഗത്തില്‍ ആരാധനാക്രമത്തെപറ്റി പൊതുവായി അറിഞ്ഞിരിക്കേണ്ട വസ്തുതകള്‍, ആരാധനാക്രമ ചരിത്ര പശ്ചാത്തലത്തിലൂടെ വിവരിക്കുന്നു. കേരളത്തിലെ വിവിധ റീത്തുകളുടെ ആരാധനാക്രമം, ആരാധനാക്രമത്തിലുപയോഗിക്കുന്ന പ്രതീകങ്ങൾ, ആരാധനാക്രമ ഗ്രന്ഥങ്ങൾ തുടങ്ങിയവയെക്കുറിച്ചും വിശദമാക്കുന്നു.
കൂദാശകളുടെ പരികർമ്മം എന്ന ഭാഗത്തിൽ ക്രൈസ്തവ പ്രാരംഭ കൂദാശകൾ, സൗഖ്യത്തിന്റെ കൂദാശകൾ, കൂട്ടായ്മയുടെ ശുശ്രൂഷയ്ക്കായുള്ള കൂദാശകൾ എന്നിവയെ അടിസ്ഥാനമാക്കിയുള്ള വിവരണങ്ങൾ വളരെ വ്യക്തമായിട്ട് നൽകുന്നുണ്ട്.
കൂദാശാനുകരണങ്ങൾ എന്ന ഭാഗത്ത് ആരാധനക്രമവത്സര ആഘോഷങ്ങളെക്കുറിച്ചും, യാമപ്രാർത്ഥനയെക്കുറിച്ചും, മൃതസംസ്കാര കർമങ്ങളെയും ആശീർവാദങ്ങളെയും കുറിച്ചുള്ള വിവരണങ്ങളാണ് നൽകുന്നത്.
ജനപ്രിയ ഭക്തിയെക്കുറിച്ച് പ്രതിപാദിക്കുന്ന ഭാഗത്തിൾ ജനപ്രിയ ഭക്തിയുടെ ചരിത്രവും, വിവിധങ്ങളായ ഭക്താനുഷ്‌ടാന്തങ്ങളെക്കുറിച്ചും, ജനപ്രിയ ഭക്തിയെപ്പറ്റി ഭാവിയിലേക്കുള്ള വീക്ഷണങ്ങളെക്കുറിച്ചും, യാമപ്രാർത്ഥനകളെക്കുറിച്ചും, ആരാധനക്രമ പദപ്രയോഗങ്ങളെക്കുറിച്ചും, ആരാധനക്രമ ഉറവിടം കാലാനുക്രമത്തിലും വിവരിക്കുന്നുണ്ട്.
പുരോഹിതര്‍ക്കും, മതബോധന അധ്യാപകര്‍ക്കും, അല്മായര്‍ക്കും ആരാധനാ ക്രമം എന്താണെന്നു വ്യക്തതയോടെ പഠിക്കാനും, പഠിപ്പിക്കാനും, സംശയനിവാരണത്തിനും ഉതകുന്ന അമൂല്യ ഗ്രന്ഥമാണ് ഡോ.രാജദാസ് ജ്ഞാനമുത്തന്റെ ലത്തീന്‍ ആരാധനാക്രമ വിഷയത്തിലെ രണ്ടാമത്തെ പുസ്തകമായ “ആരാധന ക്രമത്തിന്റെ ആമുഖപഠനം”.
കെ.ആർ.എൽ.സി.സി. പ്രസിഡന്റും, തിരുവനന്തപുരം അതിരൂപതാ ആര്‍ച്ച് ബിഷപ്പുമായ മോസ്റ്റ്.റവ.ഡോ.മരിയ കലിസ്റ്റ് സൂസാപാക്യത്തിന്റെ സമ്മതിമുദ്ര (Imprimatur) യോടെയാണ് പുസ്തകം പുറത്തിറങ്ങിയിട്ടുള്ളത്. ഈ പുസ്തകത്തിന്റെ ഗ്രന്ഥകര്‍ത്താവ്‌ റവ.ഡോ.രാജദാസ് ജ്ഞാനമുത്തന്‍ ആലുവാ കര്‍മ്മലഗിരി സെന്റ്‌. ജോസഫ്‌സ് പൊന്തിഫിക്കല്‍ സെമിനാരിയിലെ ആരാധനാക്രമ അധ്യാപകന്‍ ആണ്.
നെയ്യാറ്റിന്‍കര കോയ്നോണിയ പബ്ലിക്കേഷന്‍സ് പ്രസിദ്ധീകരിച്ചിരിക്കുന്ന 1117-ലധികം പേജുകളുള്ള ഈ പുസ്തകത്തിന്റെ വില Rs- 950/- ആണ്.
പുസ്തകത്തിന്റെ കോപ്പികള്‍ ലഭ്യമാക്കാന്‍ ബന്ധപ്പെടുക:
Rev.Dr.Rajadas Ganamuthan
Konionia Publications
Contact : 9400284402
E.mail : frrajadas@gmail.com
ആണ്ടുവട്ടത്തിലെ മുപ്പത്തിരണ്ടാം ഞായർ പത്ത് കന്യകമാരുടെ ഉപമയാണ് ഇന്നത്തെ ധ്യാനവിഷയം. ഈ ഉപമയിലെ കഥാപാത്രങ്ങളിൽ ആരും തന്നെ പൂർണമായും മാതൃകാപരമായവരല്ല.…
ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്‌സ്…
സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…
ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…
ആണ്ടുവട്ടത്തിലെ മുപ്പതാം ഞായർ ഒരൊറ്റ ക്രിയയിലാണ് കൽപ്പനകൾ മുഴുവൻ സംഗ്രഹിച്ചിരിക്കുന്നത്; സ്നേഹിക്കുക (Ἀγαπήσεις = Agapēseis). ഭാവിയിലേക്കാണ് അത് വിരൽചൂണ്ടുന്നത്.…
ആണ്ടുവട്ടത്തിലെ ഇരുപത്തിയൊമ്പതാം ഞായർ നമുക്ക് എപ്പോഴും ആരുടെയെങ്കിലും സ്വന്തമായിരിക്കേണ്ടതുണ്ട്. യേശുവിന് കാണിച്ചുകൊടുത്ത റോമൻ നാണയത്തെപ്പോലെ. അതിലെ രൂപവും ലിഖിതവും സീസറിന്റേതാണ്.…
This website uses cookies.
