കാഴ്ചയും ഉള്‍കാഴ്ചയും
പുതുവര്‍ഷത്തെ – 2019 – നെ പ്രാര്‍ഥനാപൂര്‍വം നമുക്കു സ്വാഗതം ചെയ്യാം. പ്രത്യാശയോടെ എതിരേല്‍ക്കാം. പ്രതീക്ഷാ നിര്‍ഭരമായ ഹൃദയത്തോടെ, പുത്തന്‍ ഉണര്‍വോടെ, സ്വീകരിക്കാം. ശാന്തിയും സമാധാനവും നീതിയും വികസനവും ആശംസിക്കാം. 2018 ലെ മുറിവുണക്കാന്‍ സമചിത്തതയോടു കൂടെ, സഹവര്‍ത്തിത്വത്തോടെ സംഘാതമായി യത്നിക്കാം. കാലത്തിന്‍റെ ചുവരെഴുത്തുകളെ അവധാന പൂര്‍വം വായിക്കാനും വ്യാഖ്യാനിക്കാനും വിലയിരുത്തുവാനും ബോധപൂര്‍വം പരിശ്രമിക്കാം. അന്ധകാരത്തിന്‍റെ പ്രവൃത്തികളില്‍ നിന്ന് പ്രകാശത്തിന്‍റെ പുത്തന്‍ മേച്ചില്‍ പുറങ്ങളിലേക്ക് സൂക്ഷ്മതയോടെ ചുവടുവയ്ക്കാം.
സ്വയം വളരുകയും വളര്‍ത്തുകയും ചെയ്യുന്ന പുതിയൊരു മാനവികതയെ വാരിപ്പുണരാം. ആരും അന്യരല്ലാ എന്ന തിരിച്ചറിവിലേക്ക് വളരാം. ത്യാജ്യഗ്രാഹ്യ വിവേചന ശക്തിയോടെ വസ്തുതകളെ അപഗ്രഥിച്ചു മുന്നേറാം. കഴിഞ്ഞ വര്‍ഷം നിറവേറ്റാന്‍ കഴിയാതെപോയ ആസൂത്രണങ്ങളെയും പദ്ധതികളെയും സ്വപ്നങ്ങളെയും സമയബന്ധിതമായി, പൂര്‍ത്തീകരിക്കാന്‍ ദിശാബോധത്തോടു കൂടെ പ്രവര്‍ത്തിക്കാം.
നിയതമായ കാഴ്ചപ്പാടും ബോധ്യങ്ങളും അനുഭവ സമ്പത്തും കര്‍മ്മമണ്ഡലങ്ങളെ പ്രകാശമാനമാക്കാന്‍ ജാഗ്രതയോടെ വിനിയോഗിക്കാം. ശാസ്ത്രസാങ്കേതിക വൈജ്ഞാനിക മേഖലകളെ ക്രിയാത്മകമാംവിധം പ്രയോജനപ്പെടുത്താം. പ്രകൃതിയെ ചൂഷണം ചെയ്യാതെ സന്തുലിതമായ ഒരു ജൈവ സംസ്കൃതി രൂപപ്പെടുത്താം. പുതിയ ഒരു രാഷ്ട്രീയ സംസ്കാരം അനിവാര്യമാണെന്ന ഉത്തമ ബോധ്യം കഴിഞ്ഞ കാലങ്ങളില്‍ നിന്ന് ഉള്‍ക്കൊളളാന്‍ ശ്രമിക്കാം.
പുതിയൊരു രാഷ്ട്രീയ സാക്ഷരതയുടെ വക്താക്കളാകാം. വൈകിയെത്തുന്ന നീതി അനീതിയാണെന്ന അവബോധം നമ്മില്‍ രൂഢമൂലമാകണം. നമ്മുടെ പ്രത്യയ ശാസ്ത്രങ്ങളെ പുനര്‍വായനയ്ക്ക് വിധേയമാക്കാം. മാര്‍ഗ്ഗവും ലക്ഷ്യവും പരസ്പര പൂരകമാക്കണം. വരും തലമുറ നമ്മെ ശപിക്കാതിരിക്കാന്‍ കരുതലോടെ മുന്നേറാം. സനാതന മൂല്യങ്ങളെ കാത്തുസംരക്ഷിക്കാന്‍ നമുക്കു പ്രതിജ്ഞ എടുക്കാം. ദൈവം നമ്മെ അനുഗ്രഹിക്കട്ടെ!!
ആണ്ടുവട്ടത്തിലെ ഇരുപത്തിയൊമ്പതാം ഞായർ നമുക്ക് എപ്പോഴും ആരുടെയെങ്കിലും സ്വന്തമായിരിക്കേണ്ടതുണ്ട്. യേശുവിന് കാണിച്ചുകൊടുത്ത റോമൻ നാണയത്തെപ്പോലെ. അതിലെ രൂപവും ലിഖിതവും സീസറിന്റേതാണ്.…
ആണ്ടുവട്ടത്തിലെ ഇരുപത്തിയെട്ടാം ഞായർ നഗരത്തിൽ ഒരു വിവാഹവിരുന്ന് ഒരുക്കിയിരിക്കുന്നു. രാജാവിന്റെ മകൻ വിവാഹിതനാകുന്നു. പക്ഷേ ക്ഷണിതാക്കൾ എല്ലാവരും തന്നെ ഒഴികഴിവുകൾ…
ജോസ് മാർട്ടിൻ ആലപ്പുഴ: കേരള ലത്തീൻ കത്തോലിക്കാ സമുദായത്തിന്റെ ഉന്നത നയരൂപീകരണ സമിതിയായ കേരള റീജൻ ലാറ്റിൻ കാത്തലിക് കൗൺസിലിന്റെ…
ആണ്ടുവട്ടത്തിലെ ഇരുപത്തിയേഴാം ഞായർ മുന്തിരിത്തോട്ടം ആഖ്യായികയാകുന്ന മറ്റൊരു ഉപമ. ഏകദേശം ആറു പ്രാവശ്യം മുന്തിരിത്തോട്ടം യേശുവിന്റെ ഉപമകളിൽ ആഖ്യായികയാകുന്നുണ്ട്. മാത്രമല്ല…
ആണ്ടുവട്ടത്തിലെ ഇരുപത്തിമൂന്നാം ഞായർ മത്തായിയുടെ സമൂഹത്തിൽ “ചെറിയവർ” എന്നതുകൊണ്ട് ഉദ്ദേശിക്കുന്നത് സമൂഹത്തിലെ ഏറ്റവും ദുർബലരായവരെയും, വിശ്വാസത്തിൽ പുതുമുഖങ്ങളായവരെയും ആണ്. അവരിൽ…
ആണ്ടുവട്ടത്തിലെ ഇരുപത്തിയൊന്നാം ഞായർ ചിങ്ങമാസത്തിലെ ഏതെങ്കിലും ഒരു ഞായറാഴ്ച യേശുവിന്റെ ഏറ്റവും സുന്ദരമായ ഒരു ചോദ്യവുമായി ആരാധനക്രമം നമ്മിലേക്ക് വരാറുണ്ട്.…
This website uses cookies.
