Categories: Daily Reflection

പരസ്യപ്പെടുത്താനുള്ളതല്ല സത്പ്രവർത്തികൾ

പരസ്യപ്പെടുത്താനുള്ളതല്ല സത്പ്രവർത്തികൾ

2 രാജാ. – 2:1,6-14
മത്താ. – 6:1-6,16-18

“നീ ധർമദാനം ചെയ്യുമ്പോൾ അതു രഹസ്യമായിരിക്കേണ്ടതിന് നിന്റെ വലത്തുകൈ ചെയ്യുന്നത് ഇടത്തുകൈ അറിയാതിരിക്കട്ടെ.”

നമ്മുടെ പ്രവർത്തികളും,  ചിന്തകളും, എന്തിനേറെ നമ്മെ തന്നെ പൂർണമായി അറിയുന്ന പിതാവായ ദൈവം എല്ലാം കാണുന്നു. നമ്മുടെ പ്രവർത്തികൾക്കും,  ചിന്തകൾക്കും അവിടുന്ന് പ്രതിഫലം നൽകും. നാം ആഗ്രഹിക്കേണ്ട പ്രതിഫലവും അതുതന്നെയാണ്. ആയതിനാൽ, നമ്മുടെ പ്രവർത്തികൾ മറ്റുള്ളവരെ കാണിക്കാനോ, അവരിൽ  നിന്ന് പ്രീതി നേടാനോ ഉള്ളതാകാതെ രഹസ്യമായിരിക്കണം.  വലതുകൈ ചെയ്യുന്നത് ഇടതുകൈ അറിയാതിരിക്കട്ടെ എന്ന്സാരം. അത്രമാത്രം രഹസ്യമായിരിക്കണം നമ്മുടെ നന്മപ്രവർത്തികൾ.

സ്നേഹമുള്ളവരെ,  പ്രതിഫലം ആഗ്രഹിക്കാതെയുള്ള നന്മകൾക്ക് മാത്രമേ മൂല്യമുള്ളൂയെന്ന് നമ്മെ ഓർമ്മപെടുത്തുകയാണ് ക്രിസ്തു. നാം ചെയ്യുന്ന നന്മകൾ മറ്റുള്ളവരിൽനിന്ന് പ്രീതി  ആഗ്രഹിച്ചുകൊണ്ടുള്ളതാകരുത്. നമ്മുടെ സത്പ്രവർത്തികൾ പ്രീതി നേടാനുള്ളതാണെങ്കിൽ നാം ചെയ്യുന്ന നന്മയുടെ ഉദ്ദേശ്യം ദൈവികമല്ല. മറ്റുള്ളവരെ കാണിച്ച് ചെയ്യുന്ന നന്മകൾ സ്വാർത്ഥതാല്പര്യമുള്ളതും, വിവേകശൂന്യവുമാണ്. പരസ്യപ്പെടുത്തി മൂല്യം കൂട്ടാനുള്ളതോ,  പ്രതിഫലം വർദ്ധിപ്പിക്കാനുള്ളതോ അല്ല നമ്മുടെ സത്പ്രവർത്തികൾ. എല്ലാം കാണുന്ന, എല്ലാം അറിയുന്ന പിതാവ് നമ്മുടെ സത്പ്രവൃത്തികൾ കാണുകയും പ്രതിഫലം നൽകുകയും ചെയ്യും.

നമ്മുടെ സത്കർമ്മങ്ങൾ സഹോദരന്റെ ആവശ്യത്തിനനുസരിച്ച് ഉള്ളതാണോ എന്ന്  ശ്രദ്ധിച്ചാവണം നമ്മുടെ നന്മപ്രവർത്തികൾ.  മറ്റുള്ളവരിൽനിന്ന് പ്രീതി ആഗ്രഹിച്ചു കൊണ്ട് ചെയ്യുന്ന നന്മയ്ക്ക് ശരിയായ ഫലം ഉണ്ടാകില്ല. സഹോദരന്റെ ആവശ്യത്തിന് പ്രാധാന്യം നൽകാതെ തന്റെ പ്രവർത്തിയുടെ മഹത്വം എടുത്തുകാട്ടാനാകും ശ്രമിക്കുക.

സ്വർഗ്ഗസ്ഥനായ നമ്മുടെ പിതാവ് രഹസ്യങ്ങൾ അറിയുന്നവനാണ്. നന്മ ചെയ്യാനുള്ള നമ്മുടെ വിചാരം പോലും മനസ്സിലാക്കുന്ന അവിടുത്തേക്ക്
നാം ചെയ്യുന്ന സത്പ്രവർത്തിയുടെ  പരസ്യത്തിന്റെ  ആവശ്യമില്ല. സഹോദരൻറെ ആവശ്യം മനസ്സിലാക്കി അവന് വേണ്ടത്‌  ചെയ്യുമ്പോൾതന്നെ പിതാവിൽ നിന്ന് നമുക്ക് പ്രതിഫലം കിട്ടും. മറ്റുള്ളവർ പറയുന്നതിന്റെ  അടിസ്ഥാനത്തിലല്ല പിതാവ് നമുക്ക്  പ്രതിഫലം നൽകുന്നത്. നമ്മുടെ ചിന്തകൾ വായിക്കുകയും, നമ്മുടെ പ്രവർത്തികൾ കാണുകയും ചെയ്യുന്ന പിതാവ് നമുക്ക് അർഹതപ്പെട്ട പ്രതിഫലം തന്നെ നൽകും. ആയതിനാൽ,  നാം ചെയ്യുന്ന സത്പ്രവർത്തികൾ ദൈവത്തിൽ നിന്നും പ്രതിഫലം ലഭിക്കുന്ന തരത്തിൽ ചെയ്യാനായി ശ്രമിക്കാം.

രഹസ്യങ്ങൾ അറിയുന്ന ഞങ്ങളുടെ പിതാവേ,   സഹോദരങ്ങളെ  പ്രീതിപ്പെടുത്താനായോ,  സഹോദരങ്ങളിൽനിന്നും പ്രതിഫലം പ്രതീക്ഷിച്ചുകൊണ്ടോ ആകാതെ സഹോദരന്റെ ആവശ്യം മനസ്സിലാക്കി സത്‌പ്രവൃത്തികൾ ചെയ്യാനുള്ള അനുഗ്രഹം നൽകണമേയെന്നു അങ്ങയോട് ഞങ്ങൾ പ്രാർത്ഥിക്കുന്നു.

vox_editor

Share
Published by
vox_editor

Recent Posts

ഭാരതത്തിന് പുതിയ വത്തിക്കാൻ സ്ഥാനപതി

ജോസ് മാർട്ടിൻ ന്യൂഡൽഹി: ഇന്ത്യയിലെ പുതിയ അപ്പസ്തോലിക് ന്യൂൺഷ്യോയായി (വത്തിക്കാൻ സ്ഥാനപതി) ആർച്ച് ബിഷപ്പ് വാൾഡെമാർ സ്റ്റാനിസ്ലാവ് സൊമ്മർടാഗിനെ 2026…

6 days ago

33rd Sunday_2026_താലന്തുകളുടെ ഉപമ (മത്താ 25:14-30)

ആണ്ടുവട്ടത്തിലെ മുപ്പത്തിമൂന്നാം ഞായർ ദൈവത്തിന് മനുഷ്യരോടുള്ള വിശ്വാസത്തിൽ നിന്നാണ് വിശുദ്ധഗ്രന്ഥം ആരംഭിക്കുന്നത്. എല്ലാം അവന്റെ കരങ്ങളിൽ ഏൽപ്പിച്ചിട്ട് നടന്നുനീങ്ങുന്ന ദൈവത്തിന്റെ…

7 days ago

32nd Sunday_2026_രാത്രിയുടെ അന്ത്യത്തിൽ ഒരു ആലിംഗനം (മത്താ 25: 1-13)

ആണ്ടുവട്ടത്തിലെ മുപ്പത്തിരണ്ടാം ഞായർ പത്ത് കന്യകമാരുടെ ഉപമയാണ് ഇന്നത്തെ ധ്യാനവിഷയം. ഈ ഉപമയിലെ കഥാപാത്രങ്ങളിൽ ആരും തന്നെ പൂർണമായും മാതൃകാപരമായവരല്ല.…

2 weeks ago

12 വർഷത്തെ കാത്തിരിപ്പിന് വിരാമം എൽ.എൽ.എം. പ്രവേശനത്തിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് 3 ശതമാനം സംവരണം.

ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്‌സ്…

2 weeks ago

All Saints Day_2026_യേശുവിന്റെ സ്വപ്നം: വിശുദ്ധി (മത്താ 5:1-12)

സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…

3 weeks ago

പാറേൽ പള്ളിക്ക്‌ ബസിലിക്ക പദവി

ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…

3 weeks ago