നെയ്യാറ്റിൻകരയിലെ സമരിറ്റൻ ടാസ്ക് ഫോഴ്സിന് അനുമോദനങ്ങൾ

സ്വന്തം ലേഖകൻ

നെയ്യാറ്റിൻകര: നെയ്യാറ്റിൻകര രൂപതയിലെ സോഷ്യൽ സർവീസ് വിഭാഗമായ നിഡ്‌സിന്റെ (നെയ്യാറ്റിൻകര ഇന്റഗ്രൽ ഡവലപ്മെൻറ് സൊസൈറ്റി-NIDS) നേതൃത്വത്തിൽ രൂപംകൊടുത്ത സമരിറ്റൻ ടാസ്ക് ഫോഴ്സിനെ ഇന്റർനാഷണൽ വോളന്റിയേഴ്സ് ദിനത്തിൽ അനുമോദനങ്ങളും പ്രശംസാ സർട്ടിഫിക്കറ്റുകളും നൽകി ആദരിച്ചു. ഡിസംബർ 18-ന് നെയ്യാറ്റിൻകര നിഡ്സ് ഓഫീസിൽ KSSF-ന്റെ നേതൃത്വത്തിലായിരുന്നു നിഡ്സ് സമരിറ്റൻ ടാസ്ക് ഫോഴ്സ് സന്നദ്ധ പ്രവർത്തകരുടെ അനുമോദന യോഗം സംഘടിപ്പിച്ചത്.

കേരള സോഷ്യൽ സർവീസ് ഫോറം (KSSF) എക്സിക്യുട്ടീവ് ഡയറക്ടർ ഫാ.ജേക്കബ് മാവുങ്കൽ ഉത്ഘാടന കർമ്മം നിർവ്വഹിച്ച അനുമോദന യോഗത്തിൽ NIDS ഡയറക്ടർ ഫാ.രാഹുൽ ബി.ആന്റോ, KSSF ടീം ലീഡർ സിസ്റ്റർ ജെസീന SRA, KSSF ഫിനാൻസ് ഓഫീസർ ശ്രീ.രാജേഷ്, NIDS പ്രോജക്ട് ഓഫീസർ ശ്രീ.മൈക്കിൾ, കാരിത്താസ് ഇന്ത്യ പ്രോഗ്രാം കോ-ഓർഡിനേറ്റർ ശ്രീ.ബിജു ആന്റണി എന്നിവർ ആശംസകൾ അർപ്പിച്ചു.

തുടർന്ന്, നിഡ്സ് സമരിറ്റൻ ടാസ്ക് ഫോഴ്സ് ടീമിലെ 10 സന്നദ്ധ പ്രവർത്തകരെ KCBC, Justice Peace & Development Commission, Kerala Social Service Forum & Caritas India എന്നിവർ സംയുക്തമായി നൽകിയ പ്രശംസ സർട്ടിഫിക്കറ്റ് നൽകി ആദരിക്കുകയും ചെയ്തു.

കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക

Click to join Catholiocvox Whatsapp group