തൂമ്പയെടുത്ത്… വിളവെടുത്ത്… പെരുന്തോട്ടം പിതാവ്

അനില്‍ ജോസഫ്

കോട്ടയം: ഇന്നലെ നവമാധ്യമങ്ങളിലൂടെയാണ് ചങ്ങനാശ്ശേരി അതിരൂപതാ ബിഷപ്പ് മാര്‍ ജോസഫ് പെരുന്തോട്ടത്തിന്റെ വ്യത്യസ്തമായ ചിത്രങ്ങള്‍ പ്രചരിച്ചത് ബിഷപ്പ്സ് ഹൗസ് വളപ്പിലെ മഞ്ഞളിന്റെ വിളവെടുപ്പിന് തൂമ്പയെടുത്ത് ഇറങ്ങിയ പിതാവിന്റെ ചിത്രങ്ങളാണ് നവമാധ്യമങ്ങള്‍ വ്യത്യസ്തതയോടെ പങ്കുവച്ചത്. ഒരു സാധാരണക്കാരനായി ജുബ്ബയും പാന്റുമിട്ടിറങ്ങിയ പിതാവ് തോട്ടത്തില്‍ കൃഷിക്കാരനായി മാറുകയായിരുന്നു.

കൃഷിയെയും കര്‍ഷകരെയും ഒരുപോലെ സ്നേഹിക്കുകയും അവരുടെ അവകാശങ്ങള്‍ക്കായി ശബ്ദമുയര്‍ത്തുകയും ചെയ്യുന്ന അഭിവന്ദ്യ മാര്‍ പെരുന്തോട്ടം പിതാവ് കോവിഡിന്റെ തുടക്കകാലത്ത് നട്ട് നനച്ച മഞ്ഞളിന്റെ വിളവെടുപ്പ് നടത്തുന്നതിന്റെ ചിത്രങ്ങളാണ് പ്രചരിക്കുന്നത്. അരമനയിലെ വിവിധ വകുപ്പുകളില്‍ ശുശ്രൂഷ ചെയ്യുന്ന വൈദീക വിദ്യാര്‍ത്ഥികളുടെ നേതൃത്വത്തിലാണ് ബിഷപ്പ്സ് ഹൗസ് വളപ്പില്‍ വിവിധ ഇനത്തിലുള്ള പച്ചക്കറി കൃഷി ചെയ്തത്.

പടവലം, വഴുതന, വെണ്ട, പാവല്‍ തുടങ്ങിയവ കൂടാതെ കൃഷിയിടത്തില്‍ നല്ല രീതിയില്‍ മഞ്ഞളും വിളയിച്ചിട്ടുണ്ട്. ബിഷപ്പ്സ് ഹൗസിലെ കൃഷികള്‍ക്കും പ്രോത്സാഹനവും പ്രേരണയും നല്‍കുന്നതും അഭിവന്ദ്യ പിതാവാണ്.

കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക

Click to join Catholiocvox Whatsapp group