Categories: Articles

തുടർസംഭവമാകുന്ന പ്രളയത്തിന് പിന്നിലെ യാഥാർഥ്യം എന്ത്?

പ്രളയകാരണം എന്താണ്? മലയോരമക്കളെ നാടുകടത്തിയാൽ പ്രളയം മാറുമോ?

പ്രൊഫ.ജോസ് ജോൺ മല്ലികശ്ശേരി

പ്രകൃതിയിൽ എന്തു പ്രശ്നം ഉണ്ടാകുമ്പോഴും ഗാഡ്ഗിൽ റിപ്പോർട്ട് പൊക്കിപ്പിടിച്ച് ചിലർ ഇറങ്ങും. മലയോര ജനതയെ തെരഞ്ഞെടുത്തു പിടിച്ച് ആക്രമിക്കും. അല്ലാ, ഇടുക്കിയിൽ പ്രകൃതിയെ സംരക്ഷിക്കേണ്ട എന്ന് ആരാണ് ഇവിടെ പറഞ്ഞത്? ഗാഡ്ഗിൽ റിപ്പോർട്ടിനെ മറയാക്കി പാവം മലയോര ജനതയെ നാടുകടത്താനുള്ള ഗൂഢതന്ത്രത്തെയാണ് ഈ ജനത നഖശികാന്തം എതിർക്കുന്നതും, എതിർത്തുകൊണ്ടിരിക്കുന്നതും.

പ്രളയകാരണം എന്താണ്? മലയോരമക്കളെ നാടുകടത്തിയാൽ പ്രളയം മാറുമോ? പലരും മന:പ്പൂർവ്വം വിസ്മരിച്ച ഒരു ശാസ്ത്ര സത്യത്തിലേക്ക് വിരൽ ചൂണ്ടുകയാണ് ദേവഗിരി കോളേജ് പ്രൊഫസറും പ്രിൻസിപ്പാളുമായ ജോസ് ജോൺ മല്ലികശ്ശേരി.

പ്രൊഫസർ ജോസ് ജോൺ മല്ലികശ്ശേരിയുടെ ഫേസ്‌ബുക്ക് കുറിപ്പിന്റെ പൂർണ്ണ രൂപം:

ഒരു ദിവസം പോലും തോരാതെ കർക്കിടകം 31 (ചില വർഷം 32!) ദിവസവും മഴപെയ്ത വർഷങ്ങൾ:

1960 കളിലും 70 കളിലും ധാരാളമായി സംഭവിച്ചത് എന്റെ ഓർമയിലുണ്ട്. അന്നൊക്കെ പുഴകൾ നിറഞ്ഞു കവിയുമെങ്കിലും ഇന്നത്തേതു പോലത്തെ പ്രളയം സൃഷ്ടിക്കപ്പെട്ടിരുന്നില്ല. മഴയൊന്നു തോരാൻവേണ്ടി കർഷകർ പ്രാർത്ഥിക്കും; കാർഷിക പ്രവർത്തനങ്ങൾ നടത്താൻ വേണ്ടി.

1980 കൾ മുതൽ മഴ കുറഞ്ഞു; അത്യാവശ്യം വരൾച്ചയും കണ്ടുതുടങ്ങി. ഇപ്പോഴിതാ രണ്ടു വർഷമായി പ്രളയം!! പക്ഷെ പണ്ടത്തേതു പോലെ ഒരുമാസം ഒട്ടും വെയിലുകാണാത്ത, തോരാതെ മഴപെയ്യുന്ന അവസ്ഥയൊന്നും ഇല്ല. പക്ഷെ, അതിതീവ്ര പ്രളയം, മണ്ണിടിച്ചിൽ!!

എന്തൊക്കെയാണ് ഈ പ്രളയ മഴയുടെ കാരണങ്ങൾ

ഗ്ലോബൽ വാമിങ്ങ്

“ഒരു കാര്യം ശ്രദ്ധേയമാണ്: അന്നത്തെ ഒരുദിവസത്തെ തോരാതെ പെയ്യുന്ന മഴ 10 CM ഒക്കെ ആയിരുന്നു. ഇന്നത് 20 CM മുതൽ 40 cm വരെയാണ്!! ഈ മഴ, അതായത് ഇത്രയും കട്ടിയായ മഴ, അന്ന് പെയ്തിരുന്നെങ്കിൽ ഇതുപോലെ അന്നും വെള്ളം പൊങ്ങിയേനെ, പ്രളയമുണ്ടായേനെ, ഇന്നിടിഞ്ഞ കുന്നൊക്കെ അന്നേ ഇടിഞ്ഞേനെ!!

അത് പ്രധാനമായും അന്തരീക്ഷ താപനിലയും ആയി ബന്ധപ്പെട്ടതാണ്. കടലിൽ നീരാവി ഉണ്ടാവുന്നത്… നീരാവിയുടെ അളവ്, അതിനെ വഹിക്കുന്ന കാറ്റുകൾ രൂപപ്പെടുന്നതും… വളരുന്നതും, മേഘങ്ങളെ വഹിക്കുന്ന കാറ്റുകൾ പോകുന്ന ഉയരം… ദിശ, ഒക്കെ തീരുമാനിക്കപ്പെടുന്നത് അന്തരീക്ഷ താപനില അനുസരിച്ചാണ്‌. അതായത്, ഇന്ന് നാം അനുഭവിക്കുന്ന ഈ ദുരവസ്ഥയുടെ ഒന്നാമത്തെ കാരണം ഗ്ലോബൽ വാമിങ് എന്ന മനുഷ്യ നിർമിത പ്രതിഭാസമാണ്.”

ഗ്ലോബൽ വാമിങ്ങിന് ആരൊക്കെയാണ് കാരണക്കാർ?

“ലോകം മുഴുവനും ഉപയോഗിക്കുന്ന വാഹനങ്ങളും, ഇൻഡസ്ട്രിയൽ ആക്ടിവിറ്റിയും ഇതിന് കാരണമാണ് . നരകത്തിന്റെ ഇന്ധനമെന്ന് (Hell’s fuel) ശാസ്ത്രലോകം വിളിക്കുന്ന ഫോസിൽ ഫ്യൂവൽസ്: പെട്രോളിയവും, കൽക്കരിയും ആണ് അടിസ്ഥാന വില്ലൻ. ഫോസിൽ ഫ്യൂവൽസ് കത്തിക്കുമ്പോൾ കാർബൺ ഡൈ ഓക്‌സൈഡ് ഉണ്ടാവുന്നു; അത് അന്തരീക്ഷത്തിൽ ഗ്രീൻ ഹൗസ് ഇഫെക്ട് വഴി താപം വർധിപ്പിക്കുന്നു. ഒരു ദിവസം ഒരാൾ 50 km വീതം 30 വർഷത്തേക്ക് കാറോടിച്ചാൽ അയാൾ അന്തരീക്ഷത്തിലേക്കയക്കുന്നത് 60 ടൺ കാർബൺ ഡൈ ഓക്‌സൈഡ്ആണ് !!! (ആനുപാതികമായി ഓക്സിജൻ നഷ്ടപ്പെടുകയും ചെയ്യും!!) ഈ ചെറിയ കണക്ക് അന്തരീക്ഷ മലിനീകരണത്തിന്റെ വ്യാപ്തിയെക്കുറിച്ച് വ്യക്തമായ ഒരു രൂപം തരുന്നു.” (ഇവിടെ വില്ലൻമാർ കഷ്ടപ്പെടുന്ന മലയോര മക്കളാണോ? പിന്നെ ആര്? അതെല്ലാവർക്കും വ്യക്തമാണ്. മിണ്ടുന്നില്ലെന്നു മാത്രം.)

ഇത് കേരളത്തിന്റെ മാത്രം പ്രശ്നമല്ല

“ഈ പ്രശ്‍നം ഒരു കേരളത്തിന്റെ മാത്രമല്ല .ലോകം മുഴുന്റേതും ആണ്. ഒരിക്കലും ആവശ്യത്തിന് മഴകിട്ടാത്ത മുംബയിൽ കഴിഞ്ഞ അഞ്ചു വർഷമായി പ്രളയമാണ്. ഈ വർഷം സാധാരണയായി ആവശ്യത്തിന് മഴ കിട്ടാത്ത എത്രയോ പ്രദേശങ്ങളിൽ പ്രളയമെത്തി. ഗ്ലാബൽ താപനില കൂടിക്കൊണ്ടേയിരിക്കുകയാണ്! പ്രളയവും കൊടുംകാറ്റും ഒന്നും കുറയാൻ സാധ്യത കാണുന്നില്ല!! ഒരേഒരു വഴി ഫോസിൽ ഫ്യൂവൽസ് ഉപയോഗം കുറച്ച് കൊണ്ടുവന്ന് ആത്യന്തികമായി നിർത്തൽ ചെയ്യുകയാണ്. ശാസ്ത്ര ലോകം കഠിനമായി ശ്രമിക്കുന്നുണ്ട്; മറ്റു ഊർജ ശ്രോതസുകൾ കണ്ടെത്തുവാൻ…”

എന്തുകൊണ്ട് ടെലിവിഷൻ ചർച്ചകളില്ല

“ടെലിവിഷൻ ചർച്ചകളിലൊന്നും ഇതുകാണുന്നില്ല. മലക്കുകേറി കപ്പനട്ടവനും, പുല്ലുവെട്ടിയവനും ഒക്കെയാണ് അവർക്കു കൈയെത്തുന്ന ദൂരത്തുള്ളത്. ആഢ്യന്റെ മകൻ കുറ്റം ചെയ്താൽ അടിയാന്റെ മകനെ പിടിച്ചു ചുട്ട അടി കൊടുക്കുന്ന എഴുത്താശാന്മാർ ഉണ്ടായിരുന്ന നാടാണ് നമ്മുടേത്; അടിയാചെറുക്കൻ അടികൊള്ളുന്നത് കണ്ട് പേടിച്ച് ആഢ്യന്റെ മകൻ നന്നായിക്കോളുമത്രേ!! (ആഢ്യന്റെ മകനെ തല്ലിയാൽ ആശാൻ വിവരം അറിയും!)

ഇനി കേരളത്തിൽ പ്രകൃതിയോട് ദയവില്ലാതെ പെരുമാറിയതിന്റെ വിഷയമാണെങ്കിൽ; ഒന്നാം പ്രതികൾ പട്ടണവാസികൾ തന്നെയാണ് . കേരളത്തിലെ മിക്കവാറും എല്ലാ പട്ടണങ്ങളും കെട്ടിപ്പൊക്കിയിട്ടുള്ളത് വയൽ പ്രദേശത്താണ്. പ്രധാന റോഡുകൾ എല്ലാം തന്നെ താഴ്ന്ന വയൽ പ്രദേശത്തുകൂടി കടന്നു പോവുന്നു .ക്വാറികൾ നിർമിച്ചവരും മലയിടിച്ചവരും പ്ലാസ്റ്റിക്കെറിഞ്ഞു ജലനിർഗ്ഗമ മാർഗ്ഗങ്ങളടച്ചവരും …ആർക്കാണ്… ആർക്കാണ് ഇതിൽ പങ്കില്ലാത്തത്!!! പാവം കർഷകരെ വിട്ടേക്ക്.”

(ഇക്കാര്യങ്ങളെല്ലാം സൗകര്യപൂർവ്വം വിസ്മരിച്ചിട്ട് പക തീരാത്ത ചില രാഷ്ട്രീയക്കാരും, ബോധം ഉള്ളവരും, ഇല്ലാത്തവരും ഇല്ലെന്നു അഭിനയിക്കുന്നവരുമൊക്കെയായ സ്വയംകൃത പ്രകൃതി സ്നേഹികളും (കർഷകരുടെയത്ര പ്രകൃതിയെ സ്നേഹിക്കുന്ന മാറ്റാരാണുള്ളത്!) പ്രളയത്തെ മറയാക്കി ഗാഡ്ഗിൽ റിപ്പോർട്ടിലെ ചില മനുഷ്യത്വരഹിതമായകാര്യങ്ങളെ തിരസ്ക്കരിച്ചതിന്റെ പേരിൽ പാവം മലയോര ജനതയുടെ പുറത്തുചവിട്ടി പ്രാകൃത നൃത്തം ചെയ്തു രസിക്കുന്നു…)

vox_editor

Recent Posts

ഭാരതത്തിന് പുതിയ വത്തിക്കാൻ സ്ഥാനപതി

ജോസ് മാർട്ടിൻ ന്യൂഡൽഹി: ഇന്ത്യയിലെ പുതിയ അപ്പസ്തോലിക് ന്യൂൺഷ്യോയായി (വത്തിക്കാൻ സ്ഥാനപതി) ആർച്ച് ബിഷപ്പ് വാൾഡെമാർ സ്റ്റാനിസ്ലാവ് സൊമ്മർടാഗിനെ 2026…

6 days ago

33rd Sunday_2026_താലന്തുകളുടെ ഉപമ (മത്താ 25:14-30)

ആണ്ടുവട്ടത്തിലെ മുപ്പത്തിമൂന്നാം ഞായർ ദൈവത്തിന് മനുഷ്യരോടുള്ള വിശ്വാസത്തിൽ നിന്നാണ് വിശുദ്ധഗ്രന്ഥം ആരംഭിക്കുന്നത്. എല്ലാം അവന്റെ കരങ്ങളിൽ ഏൽപ്പിച്ചിട്ട് നടന്നുനീങ്ങുന്ന ദൈവത്തിന്റെ…

7 days ago

32nd Sunday_2026_രാത്രിയുടെ അന്ത്യത്തിൽ ഒരു ആലിംഗനം (മത്താ 25: 1-13)

ആണ്ടുവട്ടത്തിലെ മുപ്പത്തിരണ്ടാം ഞായർ പത്ത് കന്യകമാരുടെ ഉപമയാണ് ഇന്നത്തെ ധ്യാനവിഷയം. ഈ ഉപമയിലെ കഥാപാത്രങ്ങളിൽ ആരും തന്നെ പൂർണമായും മാതൃകാപരമായവരല്ല.…

2 weeks ago

12 വർഷത്തെ കാത്തിരിപ്പിന് വിരാമം എൽ.എൽ.എം. പ്രവേശനത്തിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് 3 ശതമാനം സംവരണം.

ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്‌സ്…

2 weeks ago

All Saints Day_2026_യേശുവിന്റെ സ്വപ്നം: വിശുദ്ധി (മത്താ 5:1-12)

സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…

3 weeks ago

പാറേൽ പള്ളിക്ക്‌ ബസിലിക്ക പദവി

ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…

3 weeks ago