സ്വന്തം ലേഖകന്‍
തിരുവനന്തപുരം: കണക്കുകള്‍ കൃത്യമായി മനസ്സിലാക്കാനുള്ള കഴിവും ബോധ്യവും കേന്ദ്ര ഭരണാധികാരികള്‍ക്ക് ഉണ്ടാകുവാന്‍ ദൈവത്തോടു പ്രാര്‍ത്ഥിക്കണമെന്ന് ആര്‍ച്ച് ബിഷപ്പ് ഡോ.എം.സൂസപാക്യം. ഇന്ത്യന്‍ ഭരണഘടന ആര്‍ട്ടിക്കിള്‍ 334 (ബി) വഴിയുള്ള ആനുകുല്യം നിറുത്തലാക്കി ആംഗ്ലോ ഇന്ത്യന്‍ സമൂഹത്തിന്റെ ഭരണ പങ്കാളിത്ത അവസരം നിഷേധിച്ച ബി.ജെ.പി. ഗവണ്മെന്റിന്റെ നീതി നിഷേധത്തിനും, അവഗണനക്കുമെതിരെ ആംഗ്ലോ ഇന്ത്യന്‍ സംയുക്ത സമര സമിതി ഇന്ന് നടത്തിയ രാജ്ഭവന്‍ മാര്‍ച്ചിനെ അഭിസംബോധന ചെയ്തുസംസാരിക്കുകയായിരുന്നു തിരുവനന്തപുരം ആർച്ച്‌ ബിഷപ്പ് ഡോ.എം.സൂസപാക്യം.
ഇന്ത്യയുടെ വികസനത്തിനുവേണ്ടി പ്രത്യേകിച്ച് ആര്‍മി, നേവി, റെയില്‍വേ, ടെലികോം, നിര്‍മാണമേഖലകള്‍ എന്നിവിടങ്ങളില്‍ മികവുറ്റ സേവനം നല്കിയിട്ടുള്ളവരാണ് ആംഗ്ലോ ഇന്ത്യക്കാര്‍. എന്നാല്‍ ഇന്ന് ഭൂരിപക്ഷം പേരും മരപ്പണി, കല്പണി, കൂലിപ്പണി, മത്സ്യ ബന്ധനം തുടങ്ങിയ മേഖലകളില്‍ പണിയെടുക്കുന്ന ദിവസ വേതനക്കാരാണ്. ഭരണഘടനാ ശില്‍പികള്‍ വിശദമായ ചര്‍ച്ചകളിലൂടെ അനുവദിച്ച ആര്‍ട്ടിക്കിള്‍ 334(ബി) പ്രകാരം പ്രസിഡന്റിനു ലോകസഭയിലേക്കു രണ്ടു എം.പി.മാരെയും സംസ്ഥാന നിയമ സഭയിലേക്കു ഓരോ എം.എല്‍.എ. മാരെയും നോമിനേറ്റ് ചെയ്യാനുള്ള അധികാരവും, ആംഗ്ലോ ഇന്ത്യന്‍ സമൂഹത്തിന്റെ അവകാശവും 126 മതു ഭരണഘടനാ ഭേദഗതിയിലൂടെ കേന്ദ്ര സര്‍ക്കാര്‍ റദ്ദാക്കിയിരിക്കുകയാണ്.
എന്‍.പി.ആര്‍. ഉം എന്‍.ആര്‍.സി.യും വരുന്നതിനുമുമ്പേ കണക്കില്‍പെടാത്തവരായി മാറിയിരിക്കുകയാണെന്ന് ആഗ്ലോ-ഇന്ത്യരെന്ന് മാര്‍ച്ച് ഉത്ഘാടനം ചെയ്ത കെ.ആര്‍.എല്‍.സി.സി. വൈസ് പ്രസിഡന്‍റ് ശ്രീ.ഷാജി ജോര്‍ജ്ജ് പ്രസ്താവിച്ചു. ഇന്ത്യയില്‍ നാലു ലക്ഷത്തിലധികം വരുന്ന ആംഗ്ലോ ഇന്ത്യക്കാര്‍ ഞങ്ങള്‍ കേവലം 296 അല്ല എന്ന് പ്രഖ്യാപിച്ചുകൊണ്ട് പതിനായിരങ്ങള്‍ ഒപ്പിട്ട് പ്രസിഡന്റിനു സമര്‍പ്പിക്കുന്ന ഭീമ സങ്കടഹര്‍ജിയുടെ പകര്‍പ്പ് കേരള ഗവര്‍ണര്‍ ആരിഫ് മുഹമ്മദ് ഖാനു സമര്‍പ്പിച്ചു.
കര്‍ണാടക മുന്‍ എം.എല്‍.എ. ഐവാന്‍ നിഗ്ലി മാര്‍ച്ച് ഫ്ലാഗ് ഓഫ് ചെയ്തു. മാര്‍ച്ചിനു ശേഷമുള്ള യോഗത്തെ അഭിസംബോധന ചെയ്തു കൊണ്ട് വി.എസ്. ശിവകുമാര്‍ എം.എല്‍.എ, ബി.ഡി.ജെ.എസ്. (ഡെമോക്രാറ്റിക്) ചെയര്‍മാന്‍ നിര്‍മ്മല്‍ ചൂരനാല്‍, കെ.ആര്‍.എല്‍.സി.സി.ജന: സെക്രട്ടറി ഫാ.ഫ്രാന്‍സിസ് സേവ്യര്‍ താന്നിക്കാപ്പറമ്പില്‍, കെ.എല്‍.സി.എ. പ്രസിഡന്‍റ് ആന്‍റണി നൊറോണ, സെക്രട്ടറി അഡ്വ. ഷെറി ജെ തോമസ്, കെഎല്‍സിഎ സംസ്ഥാന സമിതി അംഗം ജെ സഹായദാസ്, കെഎലസിഡബ്ല്യൂഎ സംസ്ഥാന പ്രസിഡന്‍റ് ജെയിന്‍ ആന്‍സില്‍ ഫ്രാനസിസ് മാര്‍ഷല്‍ ഡിക്കൂഞ്ഞ, മുന്‍ എം.പി. ശ്രീ.ചാള്‍സ് ഡയസ്, കണ്‍വീനര്‍ സ്റ്റാന്‍ലി ഫിഗരെസ് എന്നിവര്‍ സംസാരിച്ചു.
യൂണിയന്‍ ഓഫ് ആഗ്ലോ ഇന്ത്യന്‍ അസോസിയേഷന്‍സ് പ്രസിഡന്‍റ് ഇന്‍ ചീഫ് ശ്രീ ഡാല്‍ ബിന്‍ ഡിക്കൂഞ്ഞ, മുന്‍ എം.എല്‍.എ ശ്രീ ലൂഡി ലൂയിസ്, കാല്‍വിന്‍ കൊറയ, ഡോണല്‍ ബി വേര, ഗോഡ് വിന്‍ ഗോമസ് എന്നിവര്‍ റാലിക്ക് നേതൃത്വം നല്കി.
ആണ്ടുവട്ടത്തിലെ ഇരുപത്തിയൊമ്പതാം ഞായർ നമുക്ക് എപ്പോഴും ആരുടെയെങ്കിലും സ്വന്തമായിരിക്കേണ്ടതുണ്ട്. യേശുവിന് കാണിച്ചുകൊടുത്ത റോമൻ നാണയത്തെപ്പോലെ. അതിലെ രൂപവും ലിഖിതവും സീസറിന്റേതാണ്.…
ആണ്ടുവട്ടത്തിലെ ഇരുപത്തിയെട്ടാം ഞായർ നഗരത്തിൽ ഒരു വിവാഹവിരുന്ന് ഒരുക്കിയിരിക്കുന്നു. രാജാവിന്റെ മകൻ വിവാഹിതനാകുന്നു. പക്ഷേ ക്ഷണിതാക്കൾ എല്ലാവരും തന്നെ ഒഴികഴിവുകൾ…
ജോസ് മാർട്ടിൻ ആലപ്പുഴ: കേരള ലത്തീൻ കത്തോലിക്കാ സമുദായത്തിന്റെ ഉന്നത നയരൂപീകരണ സമിതിയായ കേരള റീജൻ ലാറ്റിൻ കാത്തലിക് കൗൺസിലിന്റെ…
ആണ്ടുവട്ടത്തിലെ ഇരുപത്തിയേഴാം ഞായർ മുന്തിരിത്തോട്ടം ആഖ്യായികയാകുന്ന മറ്റൊരു ഉപമ. ഏകദേശം ആറു പ്രാവശ്യം മുന്തിരിത്തോട്ടം യേശുവിന്റെ ഉപമകളിൽ ആഖ്യായികയാകുന്നുണ്ട്. മാത്രമല്ല…
ആണ്ടുവട്ടത്തിലെ ഇരുപത്തിമൂന്നാം ഞായർ മത്തായിയുടെ സമൂഹത്തിൽ “ചെറിയവർ” എന്നതുകൊണ്ട് ഉദ്ദേശിക്കുന്നത് സമൂഹത്തിലെ ഏറ്റവും ദുർബലരായവരെയും, വിശ്വാസത്തിൽ പുതുമുഖങ്ങളായവരെയും ആണ്. അവരിൽ…
ആണ്ടുവട്ടത്തിലെ ഇരുപത്തിയൊന്നാം ഞായർ ചിങ്ങമാസത്തിലെ ഏതെങ്കിലും ഒരു ഞായറാഴ്ച യേശുവിന്റെ ഏറ്റവും സുന്ദരമായ ഒരു ചോദ്യവുമായി ആരാധനക്രമം നമ്മിലേക്ക് വരാറുണ്ട്.…
This website uses cookies.
