അനിൽ ജോസഫ്
നെയ്യാറ്റിന്‍കര: നെയ്യാറ്റിന്‍കര രൂപതയിലെ മുതിര്‍ന്ന വൈദികന്‍ റവ.ഫാ.എം.നിക്കോളസ് (79) നിര്യാതനായി. 1970-ല്‍ വൈദികനായി അഭിഷിക്തനായ ഫാ.നിക്കോളസ് തിരുവനന്തപുരം, നെയ്യാറ്റിൻകര രൂപതകളിൽ പ്രവർത്തിച്ചു.
തിരുവനന്തപുരത്തെ താഴമ്പള്ളി; നെയ്യാറ്റിൻകരയിലെ കാട്ടാക്കട, കിളിയൂര്‍, നെല്ലിമൂട്, മംഗലത്തുകോണം, പൂവച്ചല്‍, കൊല്ലോട്, മാരായമുട്ടം, അയിര, മണ്ഡപത്തിന്‍കടവ്, തൂങ്ങാംപാറ തുടങ്ങിയ ദേവാലയങ്ങളില്‍ സേവനം അനുഷ്ടിച്ചു.
രൂപത ഉന്നത വിദ്യാഭ്യാസ സമിതിയുടെ എക്സിക്യൂട്ടീവ് സെക്രട്ടറിയായി പ്രവര്‍ത്തിച്ചിട്ടുണ്ട്. പത്താംങ്കല്ല് ബിഷപ് ഹൗസില്‍ വിശ്രമ ജീവിതം നയിച്ച് വരികയായിരുന്നു.
കുളത്തൂര്‍, ഉച്ചക്കടയിൽ വ്ളാത്തിനിന്നവീട്ടില്‍ എസ്.മുത്തയ്യന്‍, ആര്‍.മേരി ദമ്പതികളുടെ 10 മക്കളില്‍ 2 ാമനായാണ് ജനനം.
നാളെ രാവിലെ 11 മുതല്‍ വ്ളാത്താങ്കര ദേവാലയത്തില്‍ പൊതുദര്‍ശനം ഉണ്ടാവും. തുടർന്ന് വൈകിട്ട് 3.00-ന് വ്ളാത്താങ്കര സ്വര്‍ഗ്ഗാരോപിതമാതാ ദേവാലയത്തില്‍ സംസ്കാരം.
ബുധനാഴ്ച (15/05/2019) രാവിലെ 9 ന് വ്ളാത്താങ്കര സ്വര്‍ഗ്ഗാരോപിതമാതാ ദേവാലയത്തില്‍ അനുസ്മരണ ദിവ്യബലി.
