ബോണക്കാട്ടെ കുരിശ് തകര്ക്കപെട്ടത് വേദനാജനകം; പി.സി ജോര്ജ്ജ്
ബോണക്കാട്ടെ കുരിശ് തകര്ക്കപെട്ടത് വേദനാജനകം; പി.സി ജോര്ജ്ജ്
അനിൽ ജോസഫ്
വിതുര: ബോണക്കാട് കുരിശുമലയിലെ കുരിശ് തകര്ക്കപ്പെട്ടത് വേദനാ ജനകമാണെന്ന് പൂഞ്ഞാര് എം.എല്.എ. പി.സി.ജോര്ജ്ജ്. കുരിശ് ക്രൈസ്തവ വിശ്വാസത്തിന്റെ പൈതൃകമാണെന്നും അദ്ദേഹം കൂട്ടിച്ചേര്ത്തു. ബോണക്കാട് തീര്ത്ഥാടനത്തിന്റെ ഭാഗമായി നടന്ന സഭൈക്യ സമ്മേളനം ഉദ്ഘാടനം ചെയ്യുകയായിരുന്നു പി.സി.ജോര്ജ്ജ്.
മലമുകളിലെ കുരിശ് വിശ്വാസ സാക്ഷ്യത്തിന്റെ അടയാളമാണ്, പല ദേവാലയങ്ങളും മലമുകളിലെ കുരിശിന്റെ ചൈതന്യത്തിലാണ് നിലകൊളളുന്നതെന്നും ജോര്ജ്ജ് പറഞ്ഞു. ബോണക്കാട്ടെ വിശ്വാസം സംരക്ഷിക്കപ്പെടണമെന്നും അദ്ദേഹം പറഞ്ഞു. നെയ്യാറ്റിന്കര റീജിയന് കോ-ഓർഡിനേറ്റര് മോണ്.സെല്വരാജന് അദ്ധ്യക്ഷത വഹിച്ച പരിപാടിയില് പാസ്റ്ററല് കൗണ്സില് വൈസ് പ്രസിഡന്റ് അഗസ്റ്റിന് വര്ഗ്ഗീസ്, കുണ്ടളാംകുഴി സി.എസ്.ഐ. വൈദികന് ഫാ.ബെനറ്റ് സാംസണ്, റവ.സാം ബി.എം., ബൈജു തെന്നൂർ തുടങ്ങിയവര് പ്രസംഗിച്ചു.
