നെയ്യാറ്റിന്കര ബൈബിള് കണ്വെന്ഷന് ഭക്തി നിര്ഭരമായ സമാപനം
നെയ്യാറ്റിന്കര ബൈബിള് കണ്വെന്ഷന് ഭക്തി നിര്ഭരമായ സമാപനം
അനിൽ ജോസഫ്
നെയ്യാറ്റിന്കര: നെയ്യാറ്റിന്കര ലത്തീന് രൂപതയുടെ നേതൃത്വത്തില് കഴിഞ്ഞ 5 ദിവസമായി മുനിസിപ്പല് സ്റ്റേഡിയത്തില് നടന്ന് വന്ന നെയ്യാറ്റിന്കര ബൈബിള് കണ്വെന്ഷന് ഭക്തി നിര്ഭരമായ സമാപനം.
ഇന്ന് വൈകിട്ട് നടന്ന സമാപന പൊന്തിഫിക്കല് ദിവ്യബലിക്ക് ബിഷപ് ഡോ.വിന്സെന്റ് സാമുവല് മുഖ്യകാര്മ്മികത്വം വഹിച്ചു. പരിശുദ്ധ മറിയത്തിന്റെ മധ്യസ്ഥം യാചിച്ച് പ്രാര്ത്ഥിക്കുന്നവര്ക്ക് എപ്പോഴും ജീവിതത്തില് വിജയമുണ്ടാകുന്നെന്ന് ബിഷപ് പറഞ്ഞു. ഓരോ ധ്യാനങ്ങളും വിശ്വാസസമൂഹത്തെ ആത്മിയ ഉണര്വ്വിലേക്കാണ് നയിക്കുന്നതെന്നും അദേഹം കൂട്ടിച്ചേര്ത്തു.
ശുശ്രൂഷ കോ-ഓർഡിനേറ്റര് മോണ്.വി.പി.ജോസ്, കണ്വീനര് ഫാ.ജറാള്ഡ് മത്യാസ്, ഫാ.നിക്സണ് രാജ് തുടങ്ങിയവര് സഹകാര്മ്മികരായി. അട്ടപ്പാടി സെഹിയോന് ധ്യാന കോന്ദ്രം ഡയറക്ടര് ഫാ.സേവ്യര്ഖാന് വട്ടായിയിലാണ് ധ്യാനം നയിച്ചത്.
