Parish
ബാലരാമപുരത്ത്‌ ഫാത്തിമ മാതാവിനെകാണാന്‍ നൂറുകണക്കിന്‌ വിശ്വാസികള്‍
ബാലരാമപുരത്ത്‌ ഫാത്തിമ മാതാവിനെകാണാന്‍ നൂറുകണക്കിന്‌ വിശ്വാസികള്‍
ബാലരാമപുരം ; ബാലരാമപുരം വിശുദ്ധ സെബസ്‌ത്യാനോസ്‌ ദേവാലയത്തില്‍ ഫാത്തിമ സന്ദേശയാത്രയില്‍ പങ്കെടുക്കാനും ഫാത്തിമ മാതാവിന്റെ തിരു സ്വരൂപം വണങ്ങി പ്രാര്‍ത്ഥിക്കാനും നൂറുകണക്കിന്‌ വിശ്വാസികള്‍ എത്തി. ഇന്നലെ രാവിലെ 12 മണിയോടെ എത്തിയ സന്ദേശയാത്ര വിശ്വാസികളുടെ തിരക്ക്‌ കാരണം ഒരു മണിക്കുര്‍ വൈകിയാണ്‌ നെയ്യാറ്റിന്‍കര അമലോത്ഭവമാതാ കത്തീഡ്രലിലേക്ക്‌ തിരിക്കാനായത്‌. ബാലരാമപുരം ഫൊറോന വികാരി ഫാ.വല്‍സലന്‍ ജോസും ഇടവക വികാരി ഫാ.ജോയ്‌ മത്യാസും ചേര്‍ന്ന്‌ ഫാത്തിസന്ദേശയാത്രയെ ഔദ്യോഗികമായി സ്വീകരിച്ചു. ഫാ.പോള്‍ വി.എല്‍ , ഫാ.സുജേഷ്‌, ഫാ.ജെയിംസ്‌ തേട്ടകത്ത്‌ തുടങ്ങിയവര്‍ ഫാത്തിമ സന്ദേശ യാത്ര സ്വീകരിക്കാന്‍ എത്തിയിരുന്നു. ഫൊറോന വികാരി ഫാ.വല്‍സലന്‍ ജോസിന്റെ നേതൃത്വത്തില്‍ ആഘോഷമായ ദിവ്യബലി അര്‍പ്പിച്ചു.
