തിരുപുറം ഫ്രാന്‍സിസ് സേവ്യര്‍ ദേവാലയ തിരുനാളിന് തുടക്കമായി
തിരുപുറം ഫ്രാന്‍സിസ് സേവ്യര്‍ ദേവാലയ തിരുനാളിന് തുടക്കമായി
അനിൽ ജോസഫ്
കാഞ്ഞിരംകുളം: തിരുപുറം വിശുദ്ധ ഫ്രാന്‍സിസ് സേവ്യര്‍ ദേവാലയ തിരുനാളിന് തുടക്കമായി. വൈകിട്ട് 5.45 – ന് ദേവാലയത്തിന് മുന്നില്‍ പുതുതായി സ്ഥാപിച്ച പുതിയ കൊടിമരം വികാരി ജനറല്‍ മോണ്‍.ജി.ക്രിസ്തുദാസ് ആശീര്‍വദിച്ചു. തുടര്‍ന്ന്, ഇടവക വികാരി ഫാ.ജറാള്‍ഡ് മത്യാസ് കൊടിയേറ്റ് കര്‍മ്മം നിര്‍വ്വഹിച്ചു.
തിരുനാള്‍ ആരംഭ ദിവ്യബലിക്ക് രൂപത ചാന്‍സിലര്‍ ഡോ.ജോസ് റാഫേല്‍ മുഖ്യ കാര്‍മ്മികത്വം വഹിച്ചു. പേയാട് സെമിനാരി റെക്ടര്‍ ഡോ.ക്രിസ്തുദാസ് തോംസണ്‍ വചനം പങ്കുവച്ചു.
തിരുനാള്‍ ദിനങ്ങളില്‍ ഫാ.ഡെന്നിസ്കുമാര്‍, ഫാ.ജോയ്മത്യാസ്, ഫാ.ഷാജി ഡി. സാവിയോ, ഫാ.മാത്യു പനക്കല്‍, ഫാ.നിക്സണ്‍രാജ്, ഫാ.മനുവേല്‍ കരിപ്പോട്ട്, ഫാ.വല്‍സലന്‍ ജോസ്, ഫാ.റോബിന്‍ സി പീറ്റര്‍, ഫാ.ജയരാജ്, ഫാ.അനില്‍കുമാര്‍ എസ്. എം., ഫാ.സജിന്‍ തോമസ്, ഫാ.സി.ടി. രാജ്, ഫാ.ജോണ്‍ ബോസ്കോ തുടങ്ങിയവര്‍ തിരുകര്‍മ്മങ്ങള്‍ക്ക് നേതൃത്വം നല്‍കും.
ഡിസംബര്‍ 8 – ന് ദിവ്യബലിയെ തുടര്‍ന്ന് തിരുസ്വരൂപ പ്രദക്ഷിണം. 9- ന് നവ വൈദികന്‍ ഫാ.സേവ്യര്‍ ഷൈനിന്‍റെ മുഖ്യ കാര്‍മ്മികത്വത്തില്‍ സമൂഹ ദിവ്യബലി. ആലുവ സെമിനാരി പ്രൊഫസര്‍ ഡോ.ഗ്രിഗറി ആര്‍.ബി വചനം പങ്കുവയ്ക്കും. തുടര്‍ന്ന്, ദിവ്യകാരുണ്യ പ്രദക്ഷിണം.
10 – ന് വൈകിട്ട് 6 – ന് രൂപതാ ശുശ്രൂഷ കോ- ഓഡിനേറ്റര്‍ മോണ്‍.വി.പി. ജോസിന്‍റെ മുഖ്യ കാര്‍മ്മികത്വത്തില്‍ ദിവ്യബലി. തുടര്‍ന്ന്, സംയുക്ത വാര്‍ഷികം.
