സിസ്റ്റര്‍ എമസ്റ്റീന ദീനസേവന സഭയുടെ പുതിയ സുപ്പീരിയര്‍ ജനറൽ

സ്വന്തം ലേഖകന്‍

പട്ടുവം: സിസ്റ്റര്‍ എമസ്റ്റീന കണിയാമ്പറമ്പിലിനെ ദീനസേവന സന്യാസ സഭയുടെ സുപ്പീരിയര്‍ ജനറലായി തെരെടെുത്തു. ഇന്നലെ പട്ടുവത്ത് നടന്ന ഏഴാമത് ജനറല്‍ ചാപ്സ്റ്ററിലാണ് തെരെഞ്ഞെുടുപ്പ് നടന്നത്. പുതിയ ഭരണ സമിതിയിലെ മറ്റ് അംഗങ്ങളായി സിസ്റ്റര്‍ സുലേഖ (അസിസ്റ്റന്‍റ് സുപ്പീരിയര്‍ ജനറല്‍ – സാമൂഹ്യം), സിസ്റ്റര്‍ സ്നേഹലത (ഫിനാന്‍സ് അഡ്മിനിസ്ട്രേറ്റര്‍), സിസ്റ്റര്‍ വില്‍ട്രൂഡ് (ആതുര ശുശ്രൂഷ), സിസ്റ്റര്‍ ഹെബ്സിബ (വിദ്യാഭ്യാസം), സിസ്റ്റര്‍ ദെബോറ (ഓഡിറ്റര്‍ ജനറല്‍), സിസ്റ്റര്‍ ലിന്‍റ (സെക്രട്ടറി ജനറല്‍) എന്നിവരെയും തെരെഞ്ഞെടുത്തു.

പുതിയ സുപ്പീരിയര്‍ ജനറലായി സിസ്റ്റര്‍ എമസ്റ്റീന ഇന്നലെ തന്നെ ചുമതലകള്‍ ഏറ്റെടുത്തു. ആലക്കോട് പൂവന്‍ചാല്‍ സ്വദേശിനിയായ സിസ്റ്റര്‍ എമസ്റ്റിന പരേതരായ കണിയാമ്പറമ്പില്‍ സ്വദേശികളായ തോമസ്- ത്രേസ്യാമ്മ ദമ്പതികളുടെ മകളാണ്.

ദീനസേവന സഭയിലെ ആദ്യ നിയമ ബിരുദ ധാരിണി കൂടിയാണ് പുതിയ സുപ്പീരിയര്‍.