വെളിച്ചത്തെതേടിയുളള യാത്രയിലായിരിക്കണം എപ്പോഴും മനുഷ്യ ജീവിതം; ഫാ. ഡേവിസ്‌ ചിറമേൽ
വെളിച്ചത്തെതേടിയുളള യാത്രയിലായിരിക്കണം എപ്പോഴും മനുഷ്യ ജീവിതം; ഫാ. ഡേവിസ്‌ ചിറമേൽ
നെയ്യാറ്റിന്‍കര: വെളിച്ചത്തെ തേടിയുളള യാത്രയിലായിരിക്കണം എപ്പോഴും മനുഷ്യ ജീവിതമെന്ന്‌ കിഡ്‌നി ഫൗണ്ടേഷൻ ചെയർമാൻ ഫാ. ഡേവിസ്‌ ചിറമേൽ.
അവയവദാനം നടത്തുന്നവർ സമൂഹത്തിന്‌ നൽകുന്നത്‌ സഹജീവിയോടുളള നിസ്വാർദ്ധമായ സ്‌നേഹമാണെന്നും അദ്ദേഹം കൂട്ടിച്ചേർത്തു. നെയ്യാറ്റിൻകര രൂപതാ വൈദികരുടെ പ്രെസ്ബിത്തേരിയത്തിൽ സംസാരിക്കുകയായിരുന്നു ഫാ. ഡേവിസ്‌ ചിറമേൽ. നന്‍മയെ കൂടുതൽ പ്രകാശിപ്പിക്കുമ്പോഴാണ്‌ സമൂഹത്തിൽ ചൈതന്യമുളള വ്യക്‌ത്തിത്വങ്ങൾ ഉണ്ടാകുന്നതെന്നും അദേഹം പറഞ്ഞു.
രണ്ടു ദിവസങ്ങളിലായി നടന്ന പ്രെസിബിത്തേരിയത്തിന്റെ ഭാഗമായി ഇന്ന്‌ രാവിലെ ബിഷപ് ഡോ. വിൻസെന്റ് സാമുവലിന്റെ മുഖ്യ കാർമ്മികത്വത്തിൽ ദിവ്യബലി അർപ്പിച്ചു.
സൈബർ കുറ്റകൃത്യങ്ങളെക്കുറിച്ചുള്ള പ്രത്യേക ക്ലാസിന്‌ സൈബർ സെൽ ഇൻസ്‌പെക്‌ടർ ബിജു നേതൃത്വം നൽകി. വൈദിക സന്യസ്‌ത ശുശ്രൂഷാ സമിതിയുടെ നേതൃത്വത്തിലാണ്‌ പരിപാടി സംഘടിപ്പിച്ചത്‌.
