ലത്തീന്‍ സമുദായ സംഗമം; വിജയം ആഘോഷിച്ച് സംഘാടക സമിതി
ലത്തീന്‍ സമുദായ സംഗമം; വിജയം ആഘോഷിച്ച് സംഘാടക സമിതി
അനിൽ ജോസഫ്
നെയ്യാറ്റിന്‍കര: നെയ്യാറ്റിന്‍കരയുടെ ചരിത്രത്തിന്‍റെ തന്നെ ഭാഗമായ ലത്തീന്‍ കത്തോലിക്കാ സംഗമത്തിന്റെയും സമുദായ സംഗമറാലിയുടെയും വിജയം ആഘോഷിച്ച് സംഘാടക സമിതി. നെയ്യാറ്റിന്‍കര ബിഷപ്സ് ഹൗസില്‍ നടന്ന അവലോകന യോഗത്തില്‍ കേക്ക് മുറിച്ചാണ് ബിഷപ് ഡോ.വിന്‍സെന്റ്‌ സാമുവല്‍ സന്തോഷം പങ്കിട്ടത്.
വിജയത്തിന് ചുക്കാന്‍ പിടിച്ച റാലി ചെയര്‍മാന്‍ ഫാ.റോബര്‍ട്ട് വിന്‍സെന്‍റിനെയും മറ്റ് വിഭാഗങ്ങളിലെ ചെയര്‍മാന്‍മാരെയും ബിഷപ് അഭിനന്ദിച്ചു. ചരിത്രമായി മാറിയ സംഗമം മികച്ച രീതിയില്‍ മീഡിയകളിലെത്തിച്ച മീഡിയ കമ്മറ്റിക്ക് ബിഷപ് പ്രത്യേകം അഭിനന്ദനം അറിയിച്ചു. കൂടാതെ പബ്ലിസിറ്റി, വോളന്‍റിയര്‍, ട്രാഫിക്, സ്റ്റേജ് & ഡെക്കറേഷന്‍, ഫുഡ്, പ്രോംഗ്രാം,ധനകാര്യം തുടങ്ങിയ കമ്മറ്റികളുടെ ഏകോപനം മികച്ച രീതിയിലായിരുന്നെന്നും യോഗം വിലയിരുത്തി.
മോണ്‍.ജി.ക്രിസ്തുദാസിന്റെ അധ്യക്ഷതയില്‍ കൂടിയ യോഗത്തില്‍ കെഎല്‍സിഎ പ്രസിഡന്റ്‌ അഡ്വ.ഡി.രാജു, ഫാ.എസ്.എം.അനില്‍കുമാര്‍, ആറ്റുപുറം നേശന്‍, എസ്.ഉഷകുമാരി തുടങ്ങിയവര്‍ പങ്കെടുത്തു.
