ലത്തീന്‍ സമുദായ സംഗമ റാലിയില്‍ ഒരുലക്ഷം പേര്‍ അണി നിരക്കും; സംഘാടക സമിതി
ലത്തീന്‍ സമുദായ സംഗമ റാലിയില്‍ ഒരുലക്ഷം പേര്‍ അണി നിരക്കും; സംഘാടക സമിതി
അനിൽ ജോസഫ്
നെയ്യാറ്റിന്‍കര: “സമനീതി, അധികാരത്തില്‍ പങ്കാളിത്തം” തുടങ്ങിയ മുദ്രാവാക്യങ്ങളുമായി ഡിസംബര്‍ ഒന്നിന് നെയ്യാറ്റിന്‍കര രൂപത ആതിഥേയത്വം വഹിക്കുന്ന സമുദായ സംഗമ റാലിയില്‍ ഒരു ലക്ഷത്തിലധികം സമുദായ അംഗങ്ങള്‍ പങ്കെടുക്കുമെന്ന് സംഘാടക സമിതി അറിയിച്ചു. നെയ്യാറ്റിന്‍കര ബിഷപ്പ്സ് ഹൗസില്‍ നടന്ന സംഘാടക സമിതി യോഗം വികാരി ജനറല്‍ മോണ്‍.ജി.ക്രിസ്തുദാസ് ഉദ്ഘാടനം ചെയ്യ്തു.
കെഎല്‍സിഎ രൂപത പ്രസിഡന്‍റ് ഡി.രാജു അധ്യക്ഷത വഹിച്ച പരിപാടിയില്‍ ശുശ്രൂഷ കോ-ഓഡിനേറ്റര്‍ മോണ്‍.വി.പി.ജോസ്, രൂപത അല്‍മായ കമ്മിഷന്‍ സെക്രട്ടറി ഫാ.എസ്.എം.അനില്‍കുമാര്‍, പാസ്റ്ററല്‍ കൗണ്‍സില്‍ സെക്രട്ടറി ആറ്റുപുറം നേശന്‍, ഫാ.ഡെന്നിസ്കുമാര്‍, സംസ്ഥാന സമിതി അംഗങ്ങളായ ജെ.സഹായദാസ്, എസ്.ഉഷകുമാരി തുടങ്ങിയവര്‍ പ്രസംഗിച്ചു.
ഡിസംബര്‍ 1-ന് ഉച്ചക്ക് ശേഷം നെയ്യാറ്റിന്‍കര മുനിസിപ്പല്‍ സ്റ്റേഡിയത്തില്‍ നിന്ന് ആരംഭിക്കുന്ന സമുദായ സംഗമ റാലി അക്ഷയ കോപ്ലക്സില്‍ സമാപിക്കുന്നതോടെ കെ.എല്‍.സി.എ. സംസ്ഥാന സമ്മേളനം നടക്കും. പരിപാടികളില്‍ രാഷ്ട്രീയ സാമൂഹ്യ രംഗത്തെ നിരവധിപേര്‍ പങ്കെടുക്കും.
