ലത്തീന്‍ കത്തോലിക്ക സമുദായ സംഗമം ; വ്ളാത്താങ്കര ഫൊറോന സ്വാഗത സംഘം ഓഫീസ് തുറന്നു
ലത്തീന്‍ കത്തോലിക്ക സമുദായ സംഗമം ; വ്ളാത്താങ്കര ഫൊറോന സ്വാഗത സംഘം ഓഫീസ് തുറന്നു
സ്വന്തം ലേഖകന്‍
നെയ്യാറ്റിന്‍കര: നെയ്യാറ്റിന്‍കര ലത്തീന്‍ രൂപത ആതിഥേയത്വം വഹിച്ച് ഡിസംബര്‍ 1 ന് നടക്കുന്ന ലത്തീന്‍ കത്തോലിക്ക സംഗമത്തിന്‍റെയും, കെഎല്‍സിഎ സംസ്ഥാന സമ്മേളനത്തിന്‍റെയും മുന്നോടിയായി വ്ളാത്താങ്കര ഫൊറോന സ്വാഗത സംഘം ഓഫീസ് ഉദ്ഘാടനം ചെയ്തു. വള്ത്താങ്കര മരിയന്‍ തീര്‍ഥാടന കേന്ദ്രത്തില്‍ രൂപത ശുശ്രൂഷ കോ ഓഡിനേറ്റര്‍ മോണ്‍.വി.പി ജോസ് ഓഫീസിന്‍റെ ഉദ്ഘാടന കര്‍മ്മം നിര്‍വ്വഹിച്ചു.
സഹവികാരി ഫാ.ടോണി മാത്യു, രൂപത പാസ്റ്ററല്‍ കൗണ്‍സില്‍ സെക്രട്ടറി ആറ്റുപുറം നേശന്‍, കെഎല്‍സിഎ സംസ്ഥാന സമിതി അംഗം എസ് ഉഷകുമാരി, രൂപത വൈസ് പ്രസിഡന്‍റ് വി.എസ് അരുണ്‍കുമാര്‍, സോണല്‍ പ്രസിഡന്‍റ് സുനില്‍ ഡി.ജെ, സക്രട്ടറി വര്‍ഗ്ഗീസ് ടി, പീറ്റര്‍ തോമസ്, ഡി.ഫ്രാന്‍സിസ്, ഷൈലമാര്‍ക്കോസ്, എ. പ്രഭ, യൂണിറ്റ് പ്രസിഡന്‍റ് സി എം ബര്‍ണാഡ്, ഇടവക സെക്രട്ടറി ജോണ്‍സ് രാജ് തുടങ്ങിയവര്‍ പ്രസംഗിച്ചു.
