
ജോസ് മാർട്ടിൻ
ആലപ്പുഴ: മണിപ്പൂരിൽ സമാധാനം പുനഃസ്ഥാപിക്കണമെന്ന് ആവശ്യപ്പെട്ട് ആലപ്പുഴ രൂപതയും നഗരത്തിലെ പൗരസമൂഹവും സംയുക്തമായി സംഘടിപ്പിച്ച ഏകദിന ഉപവാസ സമരം ആലപ്പുഴ രൂപതാദ്ധ്യക്ഷൻ ബിഷപ് ഡോ. ജയിംസ് ആനാപറമ്പിൽ ഉൽഘടനം ചെയ്തു. മണിപ്പൂരിൽ സംഭവിച്ചതും സംഭവിക്കുന്നതും ഭരണകൂടത്തിന്റെ അറിവോടെയുള്ള മനുഷ്യത്വഹീനമായ നടപടികളാണന്നും അവിടെ നടക്കുന്ന മൃഗവാസനയെ പരാജയപ്പെടുത്താൻ സമാധാനത്തിന്റെ തൈലം പൂശണമെന്നും ബിഷപ്പ് പറഞ്ഞു. ഭാരത സംസ്കാരത്തിന്റെ ശബ്ദമായ ‘മാനിഷാദ’ ഉയർത്തുവാൻ സാധിക്കണമെന്നും, ഭാരതത്തിന്റെ മതനിരപേക്ഷ മൂല്യങ്ങൾ ലോകം മുഴുവൻ വാഴ്ത്തുന്നതാണെന്നും എന്നാൽ മണിപ്പൂരിൽ നടക്കുന്നത് അതിനെ തീയിട്ടു നശിപ്പിക്കുന്ന കാര്യങ്ങളാണെന്നും പറഞ്ഞ ബിഷപ്പ് എല്ലാവരും സമാധാനത്തിന്റെ വക്താക്കളും പ്രചാരകരുമായി മാറണമെന്ന് ആഹ്വാനം ചെയ്തു.
മുല്ലയ്ക്കൽ ക്വിറ്റ് ഇന്ത്യ സ്മാരകത്തിൽ പുഷ്പാർച്ചന അർപ്പിച്ചുകൊണ്ട് ആലപ്പുഴ കൃപാസനം ഡയറക്ടർ റവ.ഡോ.വി.പി.ജോസഫ് വലിയ വീട്ടിൽ ജാഥ ഉദ്ഘാടനം ചെയ്തു. ആലപ്പുഴ രൂപതാ ലേറ്റി കമ്മീഷൻ ഡയറക്ടർ ജോൺസൺ പുത്തൻവീട്ടിൽ ബോട്ട് ജെട്ടിക്ക് സമീപമുള്ള ഉപവാസ പന്തലിലേക്ക് നയിച്ച ജാഥയിൽ വിവിധ രാഷ്ട്രീയ-സാമൂഹീക സംഘടനാ പ്രവർത്തകർ പങ്കെടുത്തു.
എ.എം.ആരിഫ്. എം.പി., ജസ്റ്റിസ് കുര്യൻ ജോസഫ് എന്നിവരുടെ സന്ദേശങ്ങൾ വായിച്ചു. പി.പി.ചിത്തരഞ്ജൻ എം.എൽ.എ. ചങ്ങനാശേരി അതിരൂപത വികാരി ജനറൽ മോൺ.ജോസഫ് വാണിയംപുരയ്ക്കൽ, മുൻ എം.പി. കെ.എസ്.മനോജ്, മുൻ എം.എൽ.എ.മാരായ ഷാനിമോൾ ഉസ്മാൻ, എ.എ.ഷുക്കൂർ, ഡി.സി.സി.പ്രസിഡന്റ് ബി.ബാബു പ്രസാദ് തുടങ്ങിയവർ സംസാരിച്ചു. രാവിലെ 10ന് ആരംഭിച്ച ഉപവാസം വൈകിട്ട് 5ന് സമാപിച്ചു.
ജോസ് മാർട്ടിൻ ന്യൂഡൽഹി: ഇന്ത്യയിലെ പുതിയ അപ്പസ്തോലിക് ന്യൂൺഷ്യോയായി (വത്തിക്കാൻ സ്ഥാനപതി) ആർച്ച് ബിഷപ്പ് വാൾഡെമാർ സ്റ്റാനിസ്ലാവ് സൊമ്മർടാഗിനെ 2026…
ആണ്ടുവട്ടത്തിലെ മുപ്പത്തിമൂന്നാം ഞായർ ദൈവത്തിന് മനുഷ്യരോടുള്ള വിശ്വാസത്തിൽ നിന്നാണ് വിശുദ്ധഗ്രന്ഥം ആരംഭിക്കുന്നത്. എല്ലാം അവന്റെ കരങ്ങളിൽ ഏൽപ്പിച്ചിട്ട് നടന്നുനീങ്ങുന്ന ദൈവത്തിന്റെ…
ആണ്ടുവട്ടത്തിലെ മുപ്പത്തിരണ്ടാം ഞായർ പത്ത് കന്യകമാരുടെ ഉപമയാണ് ഇന്നത്തെ ധ്യാനവിഷയം. ഈ ഉപമയിലെ കഥാപാത്രങ്ങളിൽ ആരും തന്നെ പൂർണമായും മാതൃകാപരമായവരല്ല.…
ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്സ്…
സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…
ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…
This website uses cookies.