Categories: Kerala

നിർദ്ധന കുടുംബത്തിന് വീടൊരുക്കി കാട്ടാമ്പാക്ക് എസ്.എം.വൈ.എം.

രണ്ടാമത്തെ ഭവനത്തിന്റെ നിർമ്മാണം ഉടൻ ആരംഭിക്കുമെന്ന് ഇടവക വികാരി...

ജോസ് മാർട്ടിൻ

കാട്ടാമ്പാക്ക് /പാല: ഹോം പാലാ പ്രോജക്ടിൽ ഉൾപ്പെടുത്തി എസ്.എം.വൈ.എം. കാട്ടാമ്പാക്ക് യൂണിറ്റ് നിർമ്മിച്ചു നൽകുന്ന വീടുകളിൽ ആദ്യ വീടിന്റെ ആശീർവാദം പാലാ രൂപതാ മെത്രാൻ മാർ.ജോസഫ് കല്ലറങ്ങാട്ട് നിർവഹിച്ചു. നിർമ്മാണ പ്രവർത്തനങ്ങൾക്ക് നേതൃത്വം കൊടുത്ത യുവജനങ്ങളെ അഭിനന്ദിക്കുകയും, എല്ലാ ഇടവകകളിലും ഇങ്ങനെയുള്ള യുവജന സംഘങ്ങൾ വേണമെന്നാണ് തന്റെ ആഗ്രഹമെന്നും, E.W.S. സംവരണം പരമാവധി പ്രയോജനപ്പെടുത്തണമെന്നും പിതാവ് പറഞ്ഞു.

അഞ്ച് മാസത്തോളം നീണ്ടുനിന്ന നിർമ്മാണ പ്രവർത്തനങ്ങളിൽ യുവജനങ്ങളോടൊപ്പം വിൻസെന്റ് ഡീ പോൾ സംഘടനയും സഹകരിച്ചു. ഇടവക വികാരി ഫാ.ജോബി കുന്നക്കാട്ട്, യൂണിറ്റ് പ്രസിഡന്റ് ജിബിൻ നെടിയാനിയിൽ, ജനറൽ സെക്രട്ടറി ആൽബിൻ മഞ്ഞളാമലയിൽ എന്നിവരുടെ നേതൃത്വത്തിൽ യുവജനങ്ങൾ എല്ലാദിവസവും രാവിലെ മുതൽ വൈകുന്നേരം വരെ എല്ലാവിധ പ്രവർത്തനങ്ങളിലും പങ്കാളികളായിരുന്നു. ലോക്ക് ഡൗൺ കാലത്ത് ഈ നിർധന കുടുംബത്തിനു താൽക്കാലിക ഭവനം ഒരു ദിവസം കൊണ്ട് എസ്.എം.വൈ.എം നിർമ്മിച്ച് കൊടുത്തതും ശ്രദ്ധേയമായിരുന്നു.

ശ്രീ.ദേവസ്യ മുതുകുളത്തിൽ സൗജന്യമായി നൽകിയ ഭൂമിയിൽ ഭവനം നിർമ്മിക്കുന്നതിനായി ഒട്ടേറെ സുമനസ്സുകൾ സൗജന്യമായി സാധനസാമഗ്രികൾ നൽകി സഹകരിച്ചിരുന്നു. വികാരി ജനറൽ മോൺ.ജോസഫ് മലേപ്പറമ്പിൽ, എസ്.എം.വൈ.എം. രൂപതാ ഡയറക്ടർ ഫാ.തോമസ് സിറിൽ തയ്യിൽ, ഫാ.തോമസ് വാലുമ്മേൽ, ഫാ.ജോൺ എടേട്ട് എന്നിവർ സന്നിഹിതരായിരുന്നു.

രണ്ടാമത്തെ ഭവനത്തിന്റെ നിർമ്മാണം ഉടൻ ആരംഭിക്കുമെന്ന് ഇടവക വികാരി ഫാ.ജോബി കുന്നക്കാട്ട് അറിയിച്ചു.

vox_editor

Recent Posts

21st Ordinary Sunday_2025രക്ഷയുടെ വാതിൽ (ലൂക്കാ 13: 22 – 30)

ആണ്ടുവട്ടത്തിലെ ഇരുപത്തിയൊന്നാം ഞായർ "കർത്താവേ, രക്ഷപ്രാപിക്കുന്നവർ ചുരുക്കമാണോ?" രക്ഷയാണ് ഇന്ന് ഏറ്റവും അവഗണിക്കപ്പെടുന്ന ഒരു വിഷയം. കാരണം, ജ്ഞാനസ്നാനമേറ്റ പലരും…

7 days ago

സമാധാനവും ഭിന്നതയും (ലൂക്കാ 12:49-57)

ആണ്ടുവട്ടത്തിലെ ഇരുപതാം ഞായർ "ഭൂമിയില്‍ സമാധാനം നല്‍കാനാണു ഞാന്‍ വന്നിരിക്കുന്നതെന്നു നിങ്ങള്‍ വിചാരിക്കുന്നുവോ? അല്ല, ഭിന്നത എന്നു ഞാന്‍ നിങ്ങളോടു…

2 weeks ago

18th Sunday_Ordinary Time_ദ്രവ്യാസക്തി എന്ന നരകം (ലൂക്കാ 12: 13-21)

ആണ്ടുവട്ടത്തിലെ പതിനെട്ടാം ഞായർ ജനക്കൂട്ടത്തില്‍നിന്ന് ഒരു നിർണായക ചോദ്യം ഉയരുന്നു: "ഗുരോ, പിതൃസ്വത്ത് ഞാനുമായി പങ്കുവയ്ക്കാന്‍ എന്റെ സഹോദരനോടു കല്‍പിക്കണമേ!"…

4 weeks ago

സേവനത്തിന്റെ കരങ്ങൾക്ക് വിലങ്ങിടുന്ന രാഷ്ട്രീയം

സൈറസ് എസ്., പ്രസിഡന്റ് കെ.സി.വൈ.എം. ആലപ്പുഴ രൂപത "The Indian Constitution guarantees the right to freedom of…

1 month ago

ബിഷപ്പ് ഡോ.സ്റ്റീഫൻ അത്തിപ്പൊഴിയിൽ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും നടന്നു

ജോസ് മാർട്ടിൻ ആലപ്പുഴ: ആലപ്പുഴ രൂപതയുടെ മുൻമെത്രാൻ ഡോ.സ്റ്റീഫൻ അത്തിപ്പൊഴിയിൽ പിതാവിന്റെ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും…

1 month ago

17th Ordinary Sunday_2025_കർത്താവിന്റെ പ്രാർത്ഥന (ലൂക്കാ 11: 1-13)

ആണ്ടുവട്ടത്തിലെ പതിനേഴാം ഞായർ യേശു പ്രാർത്ഥനയുടെ നിമിഷത്തിലാണ്. അതു കാണുന്ന ശിഷ്യന്മാർക്ക് ഉള്ളിൽ ഒരു ആഗ്രഹം: "കർത്താവേ, ഞങ്ങളെ പ്രാർത്ഥിക്കാൻ…

1 month ago