Categories: Kerala

കൊല്ലം രൂപതയിൽ പ്രോലൈഫ് പ്രാർത്ഥനാദിനം സംഘടിപ്പിച്ചു

ജീവൻ കൊടുക്കുവാൻ കഴിവില്ലാത്ത മനുഷ്യന് ജീവനെടുക്കുവാനുള്ള അധികാരവുമില്ല...

ബിബിൻ ജോസഫ്

കൊല്ലം: കെ.സി.ബി.സി. പ്രോലൈഫ് സമിതിയുടെ നിർദ്ദേശമനുസരിച്ചു കേരളത്തിലെ എല്ലാ രൂപതയിലും നടക്കുന്ന ഭ്രൂണഹത്യാവിരുദ്ധ പ്രാർത്ഥനാദിനത്തിന്റെ ഭാഗമായി കൊല്ലം രൂപതയിലും പ്രാർത്ഥനാദിനം നടത്തി.

ജീവൻ കൊടുക്കുവാൻ കഴിവില്ലാത്ത മനുഷ്യന് ജീവനെടുക്കുവാനുള്ള അധികാരവുമില്ലെന്ന് ദിവ്യബലി മധ്യേ ഫാ.ഷാനി ഫ്രാൻസിസ് ഉദ്‌ബോധിപ്പിച്ചു. സുപ്രീം കോടതിയിൽ ഭ്രൂണഹത്യ ചെയ്യുവാനുള്ള സമയപരിധി ആറു മാസമാക്കണമെന്നാവശ്യപ്പെട്ട് നൽകിയ ഹർജിയിൽ കേന്ദ്രസർക്കാർ ഉത്തരം നൽകേണ്ട ദിവസമായിരുന്നു ഇന്ന്. ആ ഹർജിയിലെ ഒരു ക്ളോസ് ആയി ഒൻമ്പതു മാസം വരെ ഗര്ഭാശയത്തിലെ കുഞ്ഞിനെ ചില കാരണങ്ങളുടെ പേരിൽ വധിക്കണം എന്നാവശ്യപ്പെടുന്നുണ്ട്.

എന്നാൽ, ഗർഭസ്ഥ ശിശു ശാസ്ത്രമായ ഫിറ്റോളജി വളരെയധികം പുരോഗതി പ്രാപിച്ചിരിക്കുന്ന ഈ കാലഘട്ടത്തിൽ ഭ്രൂണഹത്യക്ക് അഞ്ചുമാസം വരെ അനുമതി നൽകുന്ന മെഡിക്കൽ ടെർമിനേഷൻ ഓഫ് പ്രഗ്നൻസി ആക്ട് തന്നെ വേണ്ടായെന്നു വെക്കണമെന്നാണ് പ്രോലൈഫ് സമിതിയുടെ കാഴ്ചപ്പാട്. ആയതിനാൽ അധികാരികൾ സത്യം തിരിച്ചറിഞ്ഞു കുഞ്ഞുങ്ങളോടുള്ള നീതി നടപ്പിലാക്കുവാനാണ് ഇന്നത്തെ ദിവസം തന്നെ കേരളമാകെ പ്രാർത്ഥന നടത്തുന്നത്.

രൂപതാതലത്തിൽ രാവിലെ പത്തിന് ഫാത്തിമാ ശ്രയിനിൽ നടത്തിയ ആരാധനക്ക് രൂപത പ്രോലൈഫ് സമിതിയോടൊപ്പം റോസാമിസ്റ്റിക്ക പ്രോലൈഫ് മൂവ്മെന്റും നേതൃത്വം നൽകി. തുടർന്ന് നടന്ന ദിവ്യബലിക്ക് ഫാ ഷാനി ഫ്രാൻസിസ് കാർമികത്വം വഹിച്ചു. കെ.സി.ബി.സി. പ്രോലൈഫ് സമിതി സംസ്ഥാന ആനിമേറ്റർ ജോർജ് എഫ് സേവ്യർ വലിയവീട്, സംസ്ഥാന ജോയിന്റ് സെക്രട്ടറിയും രൂപത പ്രസിഡണ്ടുമായ റോണാ റിബെയ്‌റോ, തിരുവനന്തപുരം മേഖല ജോയിന്റ് സെക്രട്ടറി ജീവാ ജേക്കബ് എന്നിവർ സംസാരിച്ചു.

vox_editor

Recent Posts

ഭാരതത്തിന് പുതിയ വത്തിക്കാൻ സ്ഥാനപതി

ജോസ് മാർട്ടിൻ ന്യൂഡൽഹി: ഇന്ത്യയിലെ പുതിയ അപ്പസ്തോലിക് ന്യൂൺഷ്യോയായി (വത്തിക്കാൻ സ്ഥാനപതി) ആർച്ച് ബിഷപ്പ് വാൾഡെമാർ സ്റ്റാനിസ്ലാവ് സൊമ്മർടാഗിനെ 2026…

1 week ago

33rd Sunday_2026_താലന്തുകളുടെ ഉപമ (മത്താ 25:14-30)

ആണ്ടുവട്ടത്തിലെ മുപ്പത്തിമൂന്നാം ഞായർ ദൈവത്തിന് മനുഷ്യരോടുള്ള വിശ്വാസത്തിൽ നിന്നാണ് വിശുദ്ധഗ്രന്ഥം ആരംഭിക്കുന്നത്. എല്ലാം അവന്റെ കരങ്ങളിൽ ഏൽപ്പിച്ചിട്ട് നടന്നുനീങ്ങുന്ന ദൈവത്തിന്റെ…

1 week ago

32nd Sunday_2026_രാത്രിയുടെ അന്ത്യത്തിൽ ഒരു ആലിംഗനം (മത്താ 25: 1-13)

ആണ്ടുവട്ടത്തിലെ മുപ്പത്തിരണ്ടാം ഞായർ പത്ത് കന്യകമാരുടെ ഉപമയാണ് ഇന്നത്തെ ധ്യാനവിഷയം. ഈ ഉപമയിലെ കഥാപാത്രങ്ങളിൽ ആരും തന്നെ പൂർണമായും മാതൃകാപരമായവരല്ല.…

2 weeks ago

12 വർഷത്തെ കാത്തിരിപ്പിന് വിരാമം എൽ.എൽ.എം. പ്രവേശനത്തിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് 3 ശതമാനം സംവരണം.

ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്‌സ്…

3 weeks ago

All Saints Day_2026_യേശുവിന്റെ സ്വപ്നം: വിശുദ്ധി (മത്താ 5:1-12)

സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…

3 weeks ago

പാറേൽ പള്ളിക്ക്‌ ബസിലിക്ക പദവി

ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…

3 weeks ago