ആലപ്പുഴ രൂപതയിലെ ഫാ.ജോൺ ബോയയ്ക്ക് റോമിലെ ഉർബാനിയാ യൂണിവേഴ്സിറ്റിയിൽ നിന്നും ഡോക്ടറേറ്റ്

ജോസ് മാർട്ടിൻ

ആലപ്പുഴ: ഫാ.ജോൺ ബോയ വെളിയിൽ റോമിലെ ഉർബാനിയാ യൂണിവേഴ്സിറ്റിയിൽ നിന്നും “The crime of Child Pronography a Comparitieve Study Between Canon Law and Indian Criminal Law” വിഷയത്തിൽ ഡോക്ടറേറ്റ് നേടി. ആലപ്പുഴ രൂപതയിലെ വെള്ളാപ്പള്ളി സെന്റ് ഫ്രാൻസിസ് അസീസി ഇടവകാംഗമാണ്. ഫാ.ജോൺ ബോയ വെളിയിൽ ഇനിമുതൽ റവ.ഡോ.ജോൺ ബോയ വെളിയിൽ.

ഫാ.ജോൺ ബോയ 1999-ൽ ചേർത്തല മൈനർ സെമിനാരിയിൽ പഠനം ആരംഭിക്കുകയും, പൂന പേപ്പൽ സെമിനാരിയിൽ ഫിലോസഫി പഠനവും, റോമിൽ നിന്ന് തിയോളജി പഠനവും പൂർത്തിയാക്കി. തുടർന്ന്, റോമിൽ നിന്നുതന്നെ കാനോൻ നിയമത്തിൽ ലൈസൻഷ്യയേറ്റ് നേടിയ ശേഷം 2014-ൽ തിരുപ്പട്ടം സ്വീകരിച്ചു. തുടർന്ന്, ആലപ്പുഴ മൗണ്ട് കാർമ്മൽ കത്തീഡ്രൽ സഹവികാരിയായും, ലിയോ13 ഇംഗ്ലീഷ് മീഡിയം സ്കൂൾ പ്രിൻസിപ്പളായും സേവനം അനുഷ്ട്ടിച്ചിട്ടുണ്ട്.

തുടർന്ന്, 2017-ൽ ഡോക്ടറേറ്റ് പഠനത്തിനായി റോമിലേക്ക് പോയി. 2019-ൽ ഡിപ്ലോമാറ്റിക്ക് സർവീസിലേക്കുള്ള തയ്യാറെപ്പുകൾക്കായി പൊന്തിഫിക്കൽ എക്ലെസിസ്റ്റിക്കൽ അക്കാദമിയിൽ ചേർന്നു. ഡിപ്ലോമാറ്റിക്ക് സർവീസിലേക്കുള്ള തയ്യാറെപ്പുകളോടൊപ്പം 2020-ൽ ഡോക്ടറൽ പ്രബന്ധവും വിജയകരമായി പൂർത്തിയാക്കി.

ആലപ്പുഴ രൂപതയിലെ വെള്ളാപ്പള്ളി സെന്റ് ഫ്രാൻസീസ് അസീസി ദേവാലയാംഗങ്ങളായ ജോണി-ലില്ലി ദമ്പതികളാണ് റവ.ഡോ.ജോൺ ബോയയുടെ മാതാപിതാക്കൾ.