മയക്കുമരുന്നിന്റെ ഉപയോഗം യുവാക്കളെ കുടുംബ ബന്ധങ്ങളില്‍ നിന്ന്‌ അകറ്റുന്നു; മോൺ.ജി.ക്രിസ്‌തുദാസ്‌
മയക്കുമരുന്നിന്റെ ഉപയോഗം യുവാക്കളെ കുടുംബ ബന്ധങ്ങളില്‍ നിന്ന്‌ അകറ്റുന്നു; മോൺ.ജി.ക്രിസ്‌തുദാസ്‌
അനിൽ ജോസഫ്
മാറനല്ലൂര്‍: മയക്കുമരുന്നുകളുടെയും ലഹരി വസ്‌തുക്കളുടെയും ഉപയോഗം യുവാക്കളെ കുടുംബ ബന്ധങ്ങളില്‍ നിന്ന്‌ അകറ്റുന്നെന്ന്‌ നെയ്യാറ്റിന്‍കര രൂപത വികാരി ജനറല്‍ മോണ്‍.ജി.ക്രിസ്‌തുദാസ്‌. കുടുംബങ്ങളില്‍ മാതാപിതാക്കളും മക്കളുമായുളള ഊഷ്‌മളമായ സൗഹൃദവും കുടുംബ ഐക്യവും പലകുടുംബങ്ങളിലും ഇന്ന്‌ ഇല്ലെന്നും വികാരി ജനറല്‍ പറഞ്ഞു. മാറനല്ലൂര്‍ നിഡ്‌സിന്റെ നേതൃത്വത്തില്‍ മോലാരിയോട്‌ വിശുദ്ധ മദര്‍ തെരേസാ ദേവാലയത്തില്‍ നടന്ന ലഹരി വിരുദ്ധ ബോധ വല്‍ക്കരണ സെമിനാര്‍ ഉദ്‌ഘാടനം ചെയ്യുകയായിരുന്നു അദേഹം.
മയക്കു മരുന്നിന്റെ ഉപയോഗം കൊണ്ട്‌ യുവാക്കളിലെ ആത്‌മഹത്യയുടെ അളവ്‌ കൂടിയിട്ടുണ്ട്‌. പ്രാര്‍ഥനാ ചൈതന്യത്തിലുളള ജീവിതം ക്രമപ്പെടുത്തന്‍ വില്ലനായി പല കുടുംബങ്ങളിലും മയക്കുമരുന്നും ലഹരി പദാര്‍ത്ഥങ്ങളും ഉണ്ടെന്നും വികാരി ജനറല്‍ ഓര്‍മ്മിപ്പിച്ചു.
ഇടവക വികാരി ഫാ.ജോണി കെ. ലോറന്‍സ്‌ അധ്യക്ഷത വഹിച്ച പരിപാടിയില്‍ സഹവികാരി ഫാ.അലക്‌സ്‌ സൈമണ്‍ , നിഡ്‌സ്‌ സെക്രട്ടറി ഷാജി, റംബാള്‍ഡ്‌, സെക്രട്ടറി സജിജോസ്‌, എൽ.സി.വൈ.എം. യൂണിറ്റ്‌ പ്രസിഡന്റ്‌ മനുലാല്‍ എൽ.സി.വൈ.എം. മാറനല്ലൂര്‍ യൂണിറ്റ്‌ പ്രസിഡന്റ്‌ ജോമിന്‍, കളത്തുവിള യൂണിറ്റ്‌ പ്രസിഡന്റ്‌ ബിജോ, കുമാര്‍ തുടങ്ങിയവര്‍ പ്രസംഗിച്ചു.
ലഹരിക്കെതിരെയുളള ബോധവല്‍ക്കരണ ക്ലാസ്‌ ഡോ.ജോയി ജോണിന്റെ നേതൃത്വത്തില്‍ നടന്നു. തുടര്‍ന്ന്‌, നിഡ്‌സും എൽ.സി.വൈ.എമ്മും തിരുവനന്തപുരം ജനറല്‍ ആശുപത്രിയും സഹകരിച്ച്‌ രക്‌തദാന ക്യാമ്പും നടന്നു
