ജീവ പാലേറ്റീവ് കെയറിന് ആംബുലൻസ് കൈമാറി
നിർദ്ധനരായ രോഗികളുടെ വീടുകളിലെത്തി ചികിത്സയും പരിചരണവും നൽകി വരുന്നുണ്ട്...
ജോസ് മാർട്ടിൻ
പറവൂർ / കൊടുങ്ങല്ലൂർ: ഡോൺ ബോസ്‌കോ ആശുപത്രിയുടെയും, പ്രാർത്ഥനാ ഫൌണ്ടേഷന്റെയും സംയുക്ത സംരംഭമായ ജീവ പാലേറ്റീവ് കെയറിന് ആംബുലൻസ് കൈമാറി. ഡോൺ ബോസ്‌കോ ആശുപത്രിയിൽ വച്ച് നടന്ന ചടങ്ങിൽ പ്രാർത്ഥനാ ഫൌണ്ടേഷൻ ചീഫ് വോളന്റിയർ കുര്യൻ ജോർജ് ആശുപത്രി ഡയറക്ടർ ഫാ.റോക്കി റോബി കളത്തിലിനാണ് ആംബുലൻസിന്റെ താക്കോൽ കൈമാറിയത്.
പ്രാർത്ഥനാ ഫൗണ്ടേഷൻ അഡ്മിനിസ്ട്രേറ്റീവ് മാനേജർ എം.കെ.ജയകൃഷ്ണൻ, കണസൽട്ടന്റ് ജിതിൻ ഷെല്ലി, ഡോൺബോസ്കോ ആശുപത്രി മെഡിക്കൽ സൂപ്രണ്ട് ഡോ.പാലോസ് മത്തായി, അസോസിയേറ്റ് ഡയറക്ടർ ഫാ.ഷാബു കുന്നത്തൂർ, അസിസ്റ്റന്റ് ഡയറക്ടർ ഫാ.ക്ലോഡിൻ ബിവേര, നഴ്സിംഗ് സൂപ്രണ്ട് സിസ്റ്റർ സ്നേഹ ലോറൻസ്, പി.ആർ.ഒ.വിൻസന്റ് ജോർജ് എന്നിവർ പങ്കെടുത്തു.
ഡോക്ടർമാരും, ആരോഗ്യപ്രവർത്തകരും പറവൂരും പരിസര പ്രദേശങ്ങളിലുമുള്ള നിർദ്ധനരായ രോഗികളുടെ വീടുകളിലെത്തി ചികിത്സയും പരിചരണവും നൽകി വരുന്നുണ്ട് ജീവ പാലേറ്റീവ് കെയർ. കൂടാതെ, വിദഗ്ദ്ധ പരിശോധനകളും, ചികിത്സകളും ആവശ്യമായി വരുന്നവരെ ഡോൺ ബോസ്‌കോ ആശുപത്രിയിലെത്തിച്ച് സൗജന്യമായി തുടർ ചികിത്സകളും, കിടത്തി ചികിത്സകളും നൽകി വരുന്നതായും, നിലവിൽ ജീവ കെയർ നിർദ്ധനരായ പതിനഞ്ചു കിടപ്പ് രോഗികൾക്ക് സൗജന്യ ചികിത്സ നൽകി വരുന്നുണ്ടെന്നും ആശുപത്രി ഡയറക്ടർ ഫാ.റോക്കി റോബി കളത്തിലിൽ കാത്തലിക്ക് വോക്സിനോട്‌ പറഞ്ഞു.
കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക
Click to join Catholiocvox Whatsapp group
കാത്തലിക് വോക്സിന്റെ സിഗ്നൽ ആപ്പ് ഗ്രൂപ്പിൽ ചേരുവാനായീ ക്ലിക്ക് ചെയ്യുക
കൂടുതൽ വീഡിയോകൾ കാണുന്നതിന് കാത്തലിക് വോക്സിന്റെ യുട്യൂബ് ചാനൽ ക്ലിക്ക് ചെയ്യുക
